تجربة خاصة باستهلاك البنزين فى الصنى 2010
السيارة سوبر صالون 2010 البنزين المستخدم 92
المحطات شل - مصر- الامارات-
التجربة بدأت لما ابتديت الاحظ اختلاف معدل الاستهلاك من اول ما افول التنك لحد اضاءه لمبة البنزين
الملاحظة كانت ان معدل الاستهلاك فى النصف الاول من التنك المملوء معدل كبير حولى 8 كيلو للتر فى الغالب
واحيانا بيبقى اكثر من كدة
انما النصف الثانى المعدل بيتحسن بصورة ملحوظة
لذا قررت اجرب انى احط صفيحة بنزين واحدة يعنى 20لتر فقط فى التنك الفارغ واحسب التجربة
المسافة اللى جربتها حوالى 150كيلو يوميا لمدة اكثر من اسبوعين
و الطريق فيه جزء طوالى حوالى 110كيلو وجزء داخل مدن حوالى 40 كيلو و السرعة كانت تتراوح بين 40 و60 داخل المدن
و الطوالى ايام 100- 120 وايام 140-170
النتيجة ان متوسط الاستهلاك تقريبا كان 15كيلو لكل لتر بنزين