أغيثوني الله يكرمكم عشان انا خلاص هتجنن
يا جماعه معلش ده اول موضوع لي في المنتدي
انا محتار جداً وبجد زهقت كل حاجه فيها عيب
انا بحاول اختبار بين العربيات دي و من متابعتي للمواضيع في المنتدي هقولكم رأيي و يا ريت الناس تفدني عشان انا خلاص هتجنن:majd(4):
العربيات اللي في دماغي هي
جين 2 اوتوماتيك - لانسر 1300 اوتوماتيك - كروز 1600 مانيوال - ماتريكس اوتوماتيك - سيراتو مانيوال - النترا اوتوماتيك - ابيزا 1400 كحل اخير عشان عارف ان الشنط صغيره
و طبعاً الفرق بين المانيوال و الاوتوماتيك هو السعر
تقريباً فرق السعر بينهم بسيط بس المشكله في العيوب
الجين تو مشاكل كتير اوي في الفتره الاخيره و قطع الغيار غاليه شوية
لانسر 1300 موديل قديم اوي و التابلو عقيم جداَ
كروز لسه في ناس بتقول انها بتبطل و هي ماشيه و ده ممكن يكون مصيبه لاي حد
الماتريكس بقه تركي و ده اكيد معناه ان العربيه باظت بس هي كويسه عشان عائليه
السيراتو خفيفه مع السرعات العاليه
النترا عندنا واحده بس بتاعت العيله و طلع عينها و عاوز اجدد مش هجيب نفس العربيه تاني بس لو مفيش حل غيرها ممكن افكر فيها
وطبعا الابيزا عربيه إيطالي و انا بحب الاوربي جداً اكيد اقوي من الاسيوي بس الشنط صغيره
و عموماً انا محتاج عربيه عائليه - سعر كويس - سعر البيع معقول لاني مش ناوي ابيع قبل 7 سنين مثلا
قطع الغيار متوفره و مش عاليه اوي يعني
ارجوكم ساعدوني عشان انا خلاص كل حاجه جاهزه وبس محتاج استقر علي عربيه عشان انا هتجنن
الواحد مش كل يوم بيجيب عربييه
وشكراً ليكم جداً