سلام الله عليكم
كنت بسأل عن البوجيهات 2 شمعة هل هي أحسن من العادية وهل ينفع تركب لعربية رينو داتشيا 97 ولا لأ
أو تنصحوني أركب بوجيهات ايه للعربية لأني عايز أغير طقم البوجيهات
وجزاكم الله كل خير
سلام الله عليكم
كنت بسأل عن البوجيهات 2 شمعة هل هي أحسن من العادية وهل ينفع تركب لعربية رينو داتشيا 97 ولا لأ
أو تنصحوني أركب بوجيهات ايه للعربية لأني عايز أغير طقم البوجيهات
وجزاكم الله كل خير
أحسن بوجيهات هي الأصلية لهذا النوع من السيارات
أنا جربت قبل كده بوجيهات بشمعات متعددة ولم أحس بفرق إلا في ثمن البوجيهات
عموماً البوجيهات الدينسو وال إن جي كيه من أفضل البوجيهات في السوق
بس الأصلي منهم
شكرا أخي الغالي بس سؤال
الأصلي من الدنسو والتاني ده يعملوا كام علشان أبقى عارف أنهم دول الأصلي
يتراوح سعرهم من 25 إلى 30 للطقم
الدنسو الأصلي بيكون أربع بوجيهات محطوطين في ورقة كرتون مغطاة بباغة شفاف
أنا رحت جنبنا في توكيل تويوتا لقيت عندهم دينسو ومحفور عليه كلمة دنسو اليابان بالإنجليزية والطقم ب50 جنيه
كل بوجيه في كرتونة صغيرة لوحده
اتضحك عليا ولا ايه يا رجالة؟؟
لأ يا باشا كدة مظبوط ومتضحكش عليك ولا حاجة , و السعر زاد حاجة بسيطة لأنك جايبهم من التوكيل و مفرقتش كتير لأنك ضامن انه اصلى
تمام
ألف شكر للغاليين ahmed & corn
جزاكم الله كل الخير
ايه ده هو الحوار كده خلص ولا ايه؟
طب انت في الاخر مجبتش 2 شمعة ليه؟
ولا خلص ولا حاجة الله يكرمك
بس كل اللي فيها أني قرأت من كلام بعض الإخوة أن الموضوع مش هيفرق قوي فقلت أجرب برده واحد شمعة عادي بس أجيب الأصلي بدل التقليد اللي مالي الدنيا ده
المهم أنا جربت الدينسو الأصلي العربية بالفعل أدائها اختلف السحب رجع تاني زي الأول ومبقاش فيه تقطيع
بس إن شاء الله المرة الجاية هغيرهم ببوجيهات أكثر من شمعة والأصلي برده وأجرب وأخبركم
عموما للي عايز يستفاد من الموضوع ده
يجيب دائما الحاجة الأصلية وإن كانت غالية شوية لأنها هتعيش وستعطيك أداء أحسن
بصراحة أنا لما فكيت البوجيهات لقيتها كانت مفحمة مش عارف كانت شغالة إزاي
وألف شكر لمتابعتك يا غالي
انا جربت الاتنين شمعه ومفيش فرق