ركبت ليدات تحت التابلوة يا رب تعجبكو

**shod90** · 21-09-2010 04:16 PM

المشاركة الأصلية كتبت بواسطة yasso0101

ما شاء الله حلوه بس انا مع الاعضاء اللي قالو لو اللون احمر كانت هتبقى احلى

وعندي سؤال ينفع اعمل النور اللي في السمعات على العربيه السيراتو السيدان و يكون نور السماعات مربوط بالموسيقى برده

ولو فيه مين ممكن يعملهالي و بكام

الف شكر ليك على ذوقك بس الاحمر فعلا مكانش باين خالص مكنش لية لزمة اصلا

.. و النور اللى حوالين السمعات مش عارف اصلا ممكن تجيبة منين بس لو جبتة اعتقد انك ممكن تتحكم اذا يفتح او يطفى بزرار لاكن مع الاغانى دى مفتيش فيها

**shod90** · 21-09-2010 04:21 PM

المشاركة الأصلية كتبت بواسطة Mshawky

الفكره نفسها حلو اوى طبعا
بس انا كنت شايف الاحمر حتى لو ضعيف كان هيبقا شكله اشيك للتناغم بين اضواء العربيه والعدادات الداخليه والسماعات كمان

انا كنت مره بفكر اركب الليدات اللى ورا الجنوط ديه وانت ماشى بتبقا منوره صحابى كلهم قالولى ايه القرف ده ناقص تكتب عليها اجره ههههههههههههههه فخوفت بقا اعمل اى حاجه شبيه بكده لحسن تطلع تاكسى مثلا

بس انت عاملها بنضافه وربنا يباركلك فيها بس انا قولتلك رايى بصراحه الاحمر كان هيدى جو جامد جدى

وحاول تجبلنا تفاصيل الراجل ورقمه وخدت وقت اد ايه والتركيب والحركات ديه

و الله انا اول ما قولت يا ليدات قولت احمر وششش عشان الانوار اللى جوا بس طلع وااااااطى جدا مش بيتشاف بسهولة فى الضلمة اصلا :( .. و فكرت النور اللى ورا الطانابير تمشى مع عربيات و عربيات لا .. و هحاول اجيب نمرتو او اعرف اسم المحل اية . اللى اعرفة ان الراجل اللى عملة اسمة عبدالنبى شاطر جدا و فاهم فى الموضوع :) .. و اللى احتجناة 3 متر سلك عشان يوصل اللى جنب السائق بيهم .. و مشى السلك من تحت الفرش ولا فى حاجة بينا خاااالص

**shod90** · 21-09-2010 04:22 PM

المشاركة الأصلية كتبت بواسطة ghost1900

الف مبروك يا شادى شكلها شيك، بس لو كانت الأضاءه أحمر كانت هتبقى أحلى عشان هتكون ماشية مع الأنوار اللى عندك، ياريت تجبلنا تفاصيل الكهربائى ورقمه وأشتريت ايه وكده يعنى.

عندى استفسار بره الموضوع مين العضو اللطيف اللى عامل 19 مشاركة كلهم أيموشنز من غير كلام

، وأنا ملاحظ أنه مركز مع د. أسامة بزيادة

.

نفس الرد بالظبط اللى قولتو لى Mshawky

.. و فعلا انا ملاحظ انو اصلا مش بيعلق غير على د.اسامة و دى كدا مش لطافة يعنى

**shod90** · 21-09-2010 04:24 PM

المشاركة الأصلية كتبت بواسطة aymanay32

جميلة جدا و انا شخصيا هنفذ الفكرة دى بس هعملها على زرار منفصل مش على الباب عشان لو وقعت فلوس فضه او حاجة و عاوز ادور عليها و كمان لو العيال بياكلوا و وقع منهم حاجة او غطاء الزجاجة بتاعة العصير

و مبروك عليك يا باشا

واضح ان حضرتك تعبان من العيال فى الحتة دى ههههههههههه .. على العموم نورها جامد و بردو بتفدنى لو فى فضة وقعة على الارض هههههه

**mastr_n** · 21-09-2010 04:49 PM

الف مبروك

**shod90** · 21-09-2010 05:06 PM

المشاركة الأصلية كتبت بواسطة mastr_n

الف مبروك

شكلها مش عجباك ولا اية يا باشا

لو مش عجباك اشيلها والله

**NoRmAl** · 21-09-2010 06:58 PM

لا جامده أوى
هضمها للسته إن شاء الله :)

**bolok** · 22-09-2010 12:48 AM

الف مبروك ... جميلة جدا
تعيش وتنور العربية

**manchy** · 22-09-2010 05:25 PM

معلش يا باشا انا عاوز اعرف هل العربية نازلة اصلا كده فيها اضاءة للسماعات ولا انت اللى مركب الاضاءه للسماعات ولو مركبها مركبها فين
اللى انا اعرفه انها بتنزل بس فى الكيا سول مش فى السيراتو