حد جرب يشترى اجهزة قتل الفئران التى تعمل بالكهرباء
لو....فممكن نعرف الانواع والاسعار
والمهم
هل هى فعاله ولا ..
عرض للطباعة
حد جرب يشترى اجهزة قتل الفئران التى تعمل بالكهرباء
لو....فممكن نعرف الانواع والاسعار
والمهم
هل هى فعاله ولا ..
فى اكل عبارة عن سم بيتباع فى الصيدلية وهو جاهز تتطلعة بس من الكيس وتوزعة كويس وعن تجربة ممتاز جدا جدا
كان عندنا فار هيجننا لدرجة اننا فكرنا نشترى قطة مفيش يومنا ولقينه قتيل بسبب السم دة
بس المشكله في السم انه ممكن يموت الفار في مكان متعرفش تطلعه منه ويلم النمل عليه لاكن هوه فعال جدا انا بفضل اللزق والمصيده العاديه
المصيدة ممتازة انا جربتها لان الفاء من القوارض المقرفة والتى لا بد محاربتها بكل الطرق والمواصلات
المصيده بتجيب من الأخررررررررررررررررررررر ررررررررررررر
ويسلام لو تعلق فيها طمطمايه أو خياره فيها شويه سم
بس بشرط تبعد عنو كل المصادر الى ممكن يلاقى فيها مياه
ياريت افادة عن اجهزة القتل بالكهرباء
انا اتبليت بجنينة فيلا ورانا اصحابها اهملوها في الفترة الاخيرة وكل شوية يدخلي فار من عندهم واضطريت اركب سلك
لكن احيانا بيتنسي مفتوح من العيال
السم ايوة فعال بس مقرف يعني ياريت لما يموت ياريته يلم نمل وخلاص ده بيعممل ريحة تقرف
ومرتين واحديموت في البوتاجاز دخل ما بين البودي الخارجي والفرن واول مرة قعدنا كام يوم مش فاهمين ايه الريحة دي جاية منين وكون دود واخر قرف
والمصيدة معرفتش اجيب بيها حاجة
===
فعلا انا بسأل على الاجهزه الكهربائيه
لان السم بيقرف لما الفار بيموت فىمكان مستخبي وكمان الفيرا بيكون عندها فار فدائي هوه اللى يموت والباقى بيبعد عن السم
واللزقه جربتها وهى بتنفع مع الفيرا الصغيره فقط
والمصيده لازم تغسلها بعد كل مره تصطاد فار وكمان مقرف جدا فى التخلص من الفار
المهم الؤال عن الاجهزه الكهربائيه
وللتبسيط
نقول معلوماتى العائمه بدون تحديد او دقه
اولا اجهزه بسيطه
ودى النوع اللى بيجى فى اعلانات تميمه والقنوات اللى زيها ودى تمنها من 50الى 150حسب ما اعرف وبتكون صينى او حاجه من امريكا اللاتينيه وغالبا الاعلانات عنها بتيجى كمان فى الجرايد
ثانيا اجهزه -نقول -متطوره او كبيره
ودى اجهزه بتستخدم للفيلات او العمارات الكبيره وهى حجمها كبير كانها مولد مثلا ودى بتغطى مساحات كبيره وتاثيرها شديد وهى بتستخدم فى الخليج - وغالبا تستخدم صباحا اثناء فتره الهدوء لانى عند تشغيل الجهاز
الفئران تهرب بصوره مجنونه جدا وممكن تتساقط من الجدران
دى معلوماتى الغير موثقه
نرجو من يملك معلومات بالاسعار والانواع والكفاءة الا يبخل عنا بالمعلومه
احنا عندنا جنينة خلف المنزل بتاعة شركة جاي علينا منها فئران والفئران عملين المنور عندنا ملعب جربت السم :nuke: للأسف فعلا فيه فئران بتموت في اماكن صعب الوصول ليها ونفضل نتعذب من الرائحة الكريهة لجيفة الفار الميت :pinch: المصيدة فعلا بتحتاج غسيل كل شوية ده غير ان التعامل معاها مقرف اللزقة انا شفت الفئران بتتفادها بعد لما مسكت فار ..... اخيرا اشتريت جهاز طارد للفئران عبارة عن جهاز به سماعتان بتخرج موجات صوتية لايسمعها الاالفئران !!؟؟ :toot: ولاتؤثر على الانسان او الحيوانات الاليفة !!؟؟؟ :taz: فيه زرار كل فترة المفروض انك بتغير الموجه الصوتيه اللى خارجه من الجهاز كل فترة حتى لاتعتاد الفئران على الموجة الجهاز كنت جايبه ب65 جنيه والنتيجه جهاز فاشل ولا ليه لازمة والفئران كانت بتلعب عليه وحسيت اني هندي احمر لما اشتريته :red_indian: ودي صور العلبة بتاعته
http://img101.herosh.com/2010/09/21/71284716.jpg
http://img101.herosh.com/2010/09/21/395189030.jpg
http://img104.herosh.com/2010/09/21/539485300.jpg
بصراحة لم اجد حل لهذه المشكلة حتى الان :dunno: هو فيه احتمال ان الواحد يجرب الشركات اللىبتنضف المنازل من الآفات هبقى اجربهم واقلكم على التجربة :Lighten: ولو حد جرب الشركات دي ياريت يقولنا عن التجربة دي
فى دواء يباع فى شركات المبيدات خلف مدريه امن القاهرة فى باب الخلق او فى ميدان الاوبرا فى العتبه
عبارة عن بذور عبادالشمس وحبوب ملونه الوان ملفته
المهم الماده الملونه ده بتعمل سيوله للدم للفار مع امساك ولا يظهر مفعولها قبل 48 ساعه يعنى الفدائى مالوش لازمه
الاعراض مش هتظهر عليه قدامهم
السيوله فى الدم بتعمل مع الامساك نزيف داخلى ليس له اثار مقرفه
وبيموت فى وسط جحره وطبعا اخواته بيقوموا باللازم وياكلوه وهوبا هما كمان يتأثروا بالماده وهكذا
باى باى فار
بس لازم تكون فى مكان متدارى علشان الفار ما بيكلش وظهره مكشوف للاعداء
طبعا ده عن تجربه قاسيه فى الشغل وشركات نصابين ومحترمين
لكن المعلومات دى كانت من مركز مكافحه القوارض بالزراعه وهما الى خلصوا الموضوع
بس بعد ابحاث وحاجات كتير
حاااااااااااااااااااااااس ب و فكر الف مره قبل متجيبهم...انا كان عندي فار في المطبخ قعدت حابسو اسبوع او اكتر و حاولت معاه بشتي السبل باللزق تحديدا و مفيش فايده حططلو كرتونه و مليتها لزق اتعشي بيها...حططلو اللزق علي الارض بقي يفك منو حاولت ادور علي وسايل اخري علي النت ملقتش..و برضو خفت من السم لا يموت و معرفش اطلعو ويعمل ريحه .... المهم في الاخر قولت جيب شركه من دول عن طريق الوسيط ربنا ياخدها....المهم قالولي بنرشلك مبيد ب 20 جنيه اللتر...مع ان في الاعللان كان مكتوب اباده الفئران ب 15 جنيه عن طريق الموجات...قولت ماشي و جبتهم و دخل 2 معاههم بالته و جركن كبيير و بقو يعبو من الجركن في البالته و يرشو... المهم الراجل قاليي البالته دي ب 50 جنيه (هي تقربيا 2 لتر و شويه) طبعا بلمت و حسيت اني بتقلب انا قولتو رش المطبخ و البالكونه و الحمام بس و كان هيبوس ادي عشان يكمل بقيت الشقه المهم خد بتاع 7 بالتات و عمل 350 جنيه ربنا ينتقم منو انا كنت عامل حسابي كبيرها 100...بعديين رمالي 10 اكياس صغيرين كدا فيهم سم قاتل في الحال و اما سألتو بكام مردش بعد كدا حسبلي الكيس ب 10 جنيه ...و كنت همسك في خناقهم بس الصراحه كون ان فار يقعد معاك 10 ايام او اكتر و تفضل حابسو في المطبخ و يبهدلك الدنيا جوا و مقلق طوول منتا في الشقه... شيء مقزز..و دول كانو املي الاخير..المهم خدو 450 جنيه و ادوني فاتوره عليها ختم كدا بس طبعا ملهاش اي لازمه لان الشركه ملهاش عنوان اساسا لا في الاعلان ولا في الفاتوره...بس بعد 6 ساعات كدا لقيت الفار ميت علي الحوض..و الراجل مكدبش قالي هو بيموت مخنوق من المبيد ولازم بيموت في مكان مفتوح هم قالولي المبيد بيبدا مفعولو بعد 3 ساعات و بالكتير 3 ايام يكون مموت الفار...دا غير ان ناس كتير اصدقائي قالولي ان الحاجات دي مفعولها بيدوم سنين...انا دلوقت بقالي شهر راشش اهو...و مفيش صرار ولا نمله حتي في المطبخ...يعني الحق يتقال علي قد ما قلبوني بس جاب نتيجه و بدأت احس اني متنصبش علي بعد ما كنت هتجنن...ولو في اي استفسار اخر انا تحت امركم ....وخدو بالكم ليتنصب عليكم....اقتباس:
صراحة لم اجد حل لهذه المشكلة حتى الان :dunno: هو فيه احتمال ان الواحد يجرب الشركات اللىبتنضف المنازل من الآفات هبقى اجربهم واقلكم على التجربة :lighten: ولو حد جرب الشركات دي ياريت يقولنا عن التجربة دي
يافندم جربت الكلام اللى انت بتقول عليه ورحت للجماعة اللى انت بتقول عليهم في باب الخلق امام حراز العطار او عند الشامي وفعلا عندهم انواع كتيرة من السم ده وشكلة عامل زي القمح او البوزو اللى هو الكاراتيه بتاع الاطفال او بزور عباد الشمس انا جبت النوع اللى شبه الكاراتيه والراجل قال لي لازم تحط السم ومايلمسش ايدك عشان الفار بيشم ريحة الانسان على الحاجه وحتطهم على جسم التكييف الخارجي في خن متداري وفضلت اراقب الفار عشان انا عندي حب مراقبة الحيوانات وشفت الفار وهو بياكل السم في المساء وتاني يوم لاقيت الفار على جسم التكييف بيدور على السم وكان ناقص يخبط على الشباك ويقولي يا عم هو فيه من اللى كان هنا امبارح حيوان ملوش حل فضولي جدا ومخرب مفيش سلك ماشي في المنور الا ويقطعه
ده معناه
مفيش فايده
اما ........سم/او /مصيده /او /لزقه
او ..نجرى وراه بالشبش ونكسره ونكسر البيت معاه
أحنا بقى فيلتنا يحدها من جميع الجوانب فلل كل فيلا بجنينة وصحابهم قافلينهم ومسافرين وتخيلوا جحافل الفئران اللي ممكن تكون ساكنة في الفلل دي المهم جربت كل حاجة من مبيدات ولزقات وسموم وبالذات السم الأصفر الفاشل اللي بيتباع في الصيدلية دة حاجة متخلفة ولا بتحوق ولا حتى بتجيب مغص للفار ومش عارف أعمل أيه أي نعم الفئران مش بتدخل عندنا كتير يعني المعدل الطبيعي فار/3 شهور تقريباً ومقلكومش والدتي بتعمل أيه يعني بتترعب دي كلمة ماتوصفش شكلها لما نلاقي فار في البيت وبتقعد تعيط وطبعاً بتسيب الشقة اللي قاعدة فيها وتتطلع معايا فوق لمدة شهرين على الأقل يعني مأساة ورعب وتهجير لدرجة أننا بنفكر نسيب البيت ونهاجر فياريت لو حد يعرف أسم سم معين أو حد معين بيبيع سموم فعالة في أسكندرية أو أي طريقة يعني أنا من كتر ما غلبت فيهم بقيت بولع في المكان اللي مستخبين فيه وحارق لحد دلوقتي 3 دواليب مطبخ ومولع في بوتجاز يعني كان ممكن البيت ينفجر عشان فار .
بص يا فندم .. كان في اعلان بيجي في التلفزيون عن شركه بترش و كده مش فاكر اسمها افريقيا الالمانيه حاجه كده يعني المهم اتصلت بيهم جيه الراجل رش الشقه كلها 3 غرف و حمام و مطبخ بالبلكونه بتاعته و بيرش المراتب و الملل بتاعت السرير و تحت السراير و الدواليب و البلكونات و الملابس المركون في الدولاب و الغريب ان فعلا اللي بيرشه رحته بتفضل ساعتين بس وبعد كده بتروح و ملالي زجاجه 2 ليتر من المبيد اللى بيرشه و اداني قاتوره عليها ضمان 6 شهور لو اي حشره او فار دخل المنزل هيجي ويرش المنزل تاني مجانا لمده 6 شهور
انا كنت جايبه عشان النمل كان مجنني الصراحه و لما الناس مشيت فعلا قعد فوق ال8 شهور مشفتش دبانه ولا نموسه ولا نمله و فار و في صراصير اللى بتطير دي كان بيجي يدخل من الشباك ميكملش يا اما يطير بره او يقع قدام الشباك و الازازه ال2 ليتر دي حطيتها في بخاخه كده و بيقيت ارش منها على سور البلكونه و الشبابيك و بعدين في الاخر خلصت و ابتدي دلوقتي مثلا بشوف نمله او اتنين و دخل عندي فار واحد بس ده كله بعد الرش ب8 شهور او اكتر كمان
وكل ده كان ب140 و انا اديت الراجل اللى بيرش 10 جنيه كمان عشان يملي الازازه و اكراميه يعني عشان تعب و رش السجاد و رش كل حاجه يعني الحساب 150 و خدهم ومشي و دلوقتي بقلب البيت على الفاتوره عشان نمرة الشركه مش لاقيها و هموت و اجبهم تاني
المبيد بتاعهم كان شبه اللبن كده بس كان فظيييييييييع
اللى مركب سلك على الشباك والفار بياكله
سلوك الشبابييك فيه استانلس
المونيوم
بلاستيك
صلب
ده المربعات الصغير اوى ده الفار بياكله عادى
فيه نوع بقى مش بيقدر ياكله بيكون خرومه اوسع شوية وعلى شكل معين مش مربع وبتلاقيه ناشف اكتر
عيبه انه بيسمح بدخول الناموس
لو حد عنده ناموس ممكن يركب الاتنين فوق بعض
بس كمية الهوا المارة من الشباك هتقل شوية
العضو الفاضل اللى ولاده بينسوا الشباك مفتوح والفئران بتدخل
ممكن يركب السلك فى اطار خشب ويثبته فى حلق الشباك
كدة هوة مش متحرك ومش هيتفتح
السلك الخفيف الرمادي أو الأسود ده كنت مركبه عندي والفئران أكلته فعلاً جربت بقى البلاستيك اللي قولت عليه شكل الفتحات فيه على شكل معين في منه ألوان ( أبيض - أخضر - برتقالي ) أنا جبت الأبيض عشان بيسمح بمرور ضوء أكبر من الألوان التانية وفعلاً ركبته على كل الشبابيك خاصة شبابيك المنور والجنينة ولكن ولاد اللذين لما لقوا مفيش أمل من الشبابيك دخلوا من الشفاطات بتاعة المطبخ والحمام بقوا بيزقوا الريش الحديد ويدخلوا يعني غصب وأقتدار المهم أنا عاوز أقضي على الفصيلة كلها يعني فكرت أرمي جبنة بالسم في الجنينة وفي مناور الفيلل اللي جنبي بحيث يموتوا كلهم بس السم هو المشكلة مفيش سم بيحوق فيهم :120146b .
روح لحداد خليه يعمل لك قفص صاج على مقاس الشفاط ويخرمه اخرام صغيرة كتير
ويكون مقاسه على مقاس الفريم الخشب بتاع الشفاط ولا هايعرفوا ياكلوه
بس الاخرام ماتكونش كبيرة يعنى قطرها نصف سم بس
فيه منه صلب كماناقتباس:
جربت بقى البلاستيك اللي قولت عليه شكل الفتحات فيه على شكل معين في منه ألوان ( أبيض - أخضر - برتقالي )
قصدك أجيب قطيع قطط مش قطة دول كانوا أكلوها بس أنا فكرت فعلاً في الحل دة وجبت قطة زي دي كدة بالظبط
ولكن الظاهر أنها قطة زينة ماتعرفش ايه نظامها مش تخصص فئران ولا حاجة مش عارف بصراحة كل اللي أعرفه أن القطة دي جابتلي العصبي وكانت كل شوية تطلع على ضهري وأنا نايم وأصحى ألاقيها نايمة في حضني أتخض وانط من على السرير يعني كانت وباء من الآخر فكنت بحبسها وتفضل تنونو فتصعب عليا فأطلعها فتقرفني تاني فأحبسها وهكذا وطبعاً كنت بسيبلها اللبن والأكل بتاعها عشان مأخدش ذنب ولكن قلت على أيه دة كله وروحت أديتها لبنت خالتي هدية في عيد ميلادها .
هات قطة بلدى تكون عفية و شديدة و متعودة على اكل الفئران و الجوع و متوحشة او تعلمها انته فى البيت التوحش
السلك اللى على شكل معين اسمه سلك " بقلاوه " وبيكون مجلفن عشان ما يصديش انا مركبه في شبابيك المنور واكتشفت انهم بيدخلوا من مدخنة السخان الغاز ازاي مش عارف بس صعقت لما لقيت فار في الحمام ولما شفني هرب الى داخل السخان الغاز كنت هولع السخان بس افتكرت ان حرام عليا لو حرقته لان اللى بيعذب بالنار الله عز وجل أخيرا جبت فهد قط بلدي دكر مطلع عيني وبقى فرد رخم في الاسرة سايب الفئران وحاطت دماغة مع العصافير وكتير انزله من فوق القفص بيحاول يفتحه المشكلة مش عارف بيطلع على القفص ازاى وبرضه مش عارف اسربه ازاي :beatdeadhorse5:
اخوتى الافاضل
انا برضه بكرر وبسأل عن الاجهزه الكهربائيه اللى مفروض
انها بتطلع اصوات وموجات تزعج الفئران وتجبرها على الفرار
حد عنده خلفيه عن انواع مؤثره وعن تجربه
ياسيدي وعن تجربة لسة واحد صاحبي النهاردة قالي أنها عنده في البيت والفئران بتعدي عليها وجنبها عادي جداً وقالي أنها أختراع فاشل وضحك على الذقون لو كانت بتشتغل كويس كنت جبت منها 5 - 6 وشغلتهم بس للأسف مسمعتش حد أشتراهم اللي ممكن حد يفيدنا بيه هو أسم سم يكون قاااااتل حاجة بتجيب من الآخر .
أول حاجة، الوقاية
ثانيا لو مضطر و عندك فأر في البيت فعلاً، المصيدة هي الحل. مافيش أحسن من سماع صوت باب المصيدة و هو بيقفل و تروح تلاقي الفأر مستنيك في المصيدة و انت و مزاجك يا ترميه من البلكونة يا تقتله
شخصياً كنت بأقتلهم غرقاً في جردل مملوء بالماء أغطس فيه المصيدة على بعضها و هي دقيقة و نصف.
نصيحة تانية الفأر اللي اتمسك ما يباتش في المصيدة، حصلت مرة فأر صغير اتمسك بالليل و الوقت متأخر رحت سايب المصيدة في البلكونة للصبح على ما رجعت لقيت أسلاك المصيدة مفارقة و الفأر خرج!!!!!! أكيد أهله الأقوياء جداً ساعدوه و هربوه
أبو جوجو: سخانات الغاز لها حل بسيط جداً و انت بتركب الماسورة اللي فوق دي حط فيها مصفاة