الموضوع: الفرح الاسلامي

متعملش فرح خالص

او لو مصر يعني... حط فلوسك في وليمة... ادبح واعزم الناس على عشاء بعد الكتاب وخلاص

السلام عليكم
اول حاجة ربنا يجازيك خير انك بتحاول ترضي ربنا في فرحك و كفاية الحديث الرائع اللي اخونا فكرنا بيه عشان تتأكد ان انت صح
الافراح الاسلامية في رأيي لازم تبقى احلى افراح و يا ريت كل واحد يحاول يخليها احلى ما يمكن عشان الناس تتشجع لها و يبقى له ثواب تحبيب الناس في الحلال و ابعادهم عن الحرام
الموضوع عند النساء بيبقى زي الافراح العادية و احلى بس الوضع عند الرجالة هوا اللي بيبقى محتاج تظبيط
انا في رأيي انك تجمع الرجالة على وليمة بدل من تكلفة الفرقة و انت عارف احنا الرجالة بنعز الاكل قد ايه و بتبقى فرصة للكلام و الضحك و المجاملات و في باقى الوقت تفكر في فقرة او اثنين تناسب الرجالة و أقترح عليك انك تجمع الناس من اهلك و من اهل العروسة في تعارف ممكن في نص ساعة او اكتر لان دايما لما باحضر الافراح بيبقى اهل العريس لوحدهم و اهل العروسة لوحدهم و محدش عارف حد وممكن وقت تاني لاصحابك اللي يحب يباركلك بكلمة لطيفة او لو انت محظوظ زيي واصحابك كلهم شعراء حد منهم يكتبلك بيتين حلويين
بس كل ده محتاج ان اهلك و اهل العروسة و اصحابكم يبقوا مرحبين بفكرة الفرح الاسلامي عشان محدش يتدخل وقتها و يبوظ الدنيا
و أهم حاجة ترتب لوقت يتجمع فيه الاسرتين بس و الناس اللي يجوز تشوف عروستك و تفرحوا فيه زي ما انتوا عايزين وعلى فكرة هما دول الناس اللي الواحد بيبقى بجد نفسه يفرحوا و ربنا ييسر لك الخير و يباركلك و يقر عينك بزوجتك و يرزقكم الذرية الصالحة

المشاركة الأصلية كتبت بواسطة funnymickey

سلام عليكم ياشباب النايل

كل الشباب عاوزه تتجوز

ربنا يكرمنا ان شاء الله ونتجوز كلنا ويرزقنا العفه

الموضوع اللي حتكلم فيه انهارده هوا الفرح الاسلامي

نفسي اعمل فرح اسلامي

رحت افراح اسلاميه كتير

بتخنق منها

الستات عماله تهيص وعندهم فرق

واحنا يجيبولنا شيخ يدي خطبه ونقعد ناكل ونرغي وخلاص علي كده

هوا اشمعنا يعني احنا منهيصش

انا نفسي ارقص وافرح مع اصحابي

وطبعا الاغاني اللي بدون دف ولاا ايقاع دي مش قادر ابلعها

وسمعتها كتير بس معرفتش اتأقلم عليها

كل ما احاول ادور علي فرقه رجال تكون اسلاميه مش لاقي

وانا مش عاوز اغضب ربنا واجيب 200 فرد يقعدوا يسمعوا اغاني وكله في ميزان سيئاتي انا

الاهل حيبقوا رافضين رفض تام

وعاوز اجيب حاجه تفرحهم وتعرفهم ان الافراح الاسلاميه دي حاجه جميله واخد ثواب بدل ما اخد ذنوب

هوا الفرق الاسلاميه دي كمان حرام

وهل فعلا الدف محرم ولا فيه خلاف

انا مشكلتي اني كاتب كتابي من سنه

ولازم ادخل بفرح

مش عارف اعمل ايه

مستني ارائكم ومشاركاتكم

متاااااااابع

فكر في قد ايه ماليزيا اسلامية وجميلة (أفكار شريرة)

فكر ف انك قد ايه اتزنقت في المصاريف وعايز تتبسط بقى (أفكار أشر منها)

فكر تتفسح انت وعروستك 10 ايام ب 15ألف بالكتير ولا تدفع دم قلبك في عشوة الناس هتنساها بعد يوم واحد؟ (مواهاهاهاهاههههه)

المشاركة الأصلية كتبت بواسطة kamalsalem

فكر في قد ايه ماليزيا اسلامية وجميلة (أفكار شريرة)

فكر ف انك قد ايه اتزنقت في المصاريف وعايز تتبسط بقى (أفكار أشر منها)

فكر تتفسح انت وعروستك 10 ايام ب 15ألف بالكتير ولا تدفع دم قلبك في عشوة الناس هتنساها بعد يوم واحد؟ (مواهاهاهاهاههههه)