الفرح الاسلامي

**FunnyMickey** · 21-09-2010 11:56 AM

سلام عليكم ياشباب النايل

كل الشباب عاوزه تتجوز

ربنا يكرمنا ان شاء الله ونتجوز كلنا ويرزقنا العفه

الموضوع اللي حتكلم فيه انهارده هوا الفرح الاسلامي

نفسي اعمل فرح اسلامي

رحت افراح اسلاميه كتير

بتخنق منها

الستات عماله تهيص وعندهم فرق

واحنا يجيبولنا شيخ يدي خطبه ونقعد ناكل ونرغي وخلاص علي كده

هوا اشمعنا يعني احنا منهيصش

انا نفسي ارقص وافرح مع اصحابي

وطبعا الاغاني اللي بدون دف ولاا ايقاع دي مش قادر ابلعها

وسمعتها كتير بس معرفتش اتأقلم عليها

كل ما احاول ادور علي فرقه رجال تكون اسلاميه مش لاقي

وانا مش عاوز اغضب ربنا واجيب 200 فرد يقعدوا يسمعوا اغاني وكله في ميزان سيئاتي انا

الاهل حيبقوا رافضين رفض تام

وعاوز اجيب حاجه تفرحهم وتعرفهم ان الافراح الاسلاميه دي حاجه جميله واخد ثواب بدل ما اخد ذنوب

هوا الفرق الاسلاميه دي كمان حرام

وهل فعلا الدف محرم ولا فيه خلاف

انا مشكلتي اني كاتب كتابي من سنه

ولازم ادخل بفرح

مش عارف اعمل ايه

مستني ارائكم ومشاركاتكم

**dr-mohamed** · 21-09-2010 12:12 PM

تستاهل يا ميكي كنت عملت كتب كتاب ودخلة مع بعض وبعد كتاب الكتاب تسهر انت وهي في اي مكان محترم وتروح على بيتك عموما موضوع تحريم الدف من عدمه يقوله اخواننا الادري مني وانا شفت قبل كدة فرقة اسلامية وبالدفوف وكانت ليلة جميلة بس معرفش عنهم اي حاجة لان الكلام ده من مدة كبيرة اوي

**Soma_Sooma** · 21-09-2010 12:26 PM

فكرتنى بفرح اخويا كان اسلامى بردة

عملناه ف فيلا والبنات كانت فوق و الرجالة فى الجنينة
طبعا احنا مهيصين وهم تحت قاعدين يندبو حظهم ههههههههههههههههههههههه

طبعا كان موقف مسخرة وتعليقات فظيعة من الرجال هههههههههههه

واالى عايز يروح الحمام واللى عايز يندة لمراتة ههههههههههههه

بصراحةصعبوا علينا قوى

بس احنا مسبناش اخونا ميفرحش هو بس اللى طلع والمنتقبات و المحجبات لبسو وهيصنا معاه و هيصنالة عشان ميحسش ان الليلة مشيت عالفاضى
لو عندك اخوات بنات خليهم يعملو كدة وتبقى هيصت مع عروستك بردة ::d

انت عندك حق بردو مش معقول ساعتين ولا 3 هتفضلو قاعدين كدة

بس اعتقد الدف دة مش حرام الله واعلم لأنة لو حرام مكنش اخويا عملة اصلا

هحاول اسألك أخويا عن فرق

بس هقولك حاجة لو منفعش جيب فرقة

تتفق انت وصحابك تعملو انتو الجو دة وتهيصو مع بعض

والف الف مبروك ربنا يتمملك على خير :)

**dr-mohamed** · 21-09-2010 12:33 PM

[QUOTE=Soma_Sooma;3873057455]فكرتنى بفرح اخويا كان اسلامى بردة

عملناه ف فيلا والبنات كانت فوق و الرجالة فى الجنينة
طبعا احنا مهيصين وهم تحت قاعدين يندبو حظهم ههههههههههههههههههههههه

طبعا كان موقف مسخرة وتعليقات فظيعة من الرجال هههههههههههه لا حول ولا قوة الا بالله وصل بينا الحال ان الالتزام وطاعة اوامر الله اصبح مسخرة ومدعاة لندب الحظ ؟؟؟؟؟؟؟؟؟؟

**FunnyMickey** · 21-09-2010 12:33 PM

للاسف مليش اصحاب ملتزمين حافظين اغاني وكده
وانا نفسي مش حافظ

انا عملت زفه اختي بالطبله والدف
بس اتمخطري والكلام العبيط ده وخلاص

مش لدرجه اني اقوم فرح كامل

**FunnyMickey** · 21-09-2010 12:53 PM

المشاركة الأصلية كتبت بواسطة ghazy12

ربنا يجازيك خير على نيتك, و ييسرلك الامور ان شاء الله...

انا شخصيا و على حد علمي ان في اختلاف على موضوع الدف ده, والله اعلم

لكن بما انك كاتب كتابك من سنه... و لازم اشهار للدخله طبعاً,
فلازم تعمل فرح... و فعلا صعب قوي تفضل قاعد 3-4 ساعات كده

انت كده مافيش قصادك غير حل الفرق زي ما الاعضاء قالولك,
و كل اللي تعمله انك تسأل في دار الافتاء هل فعلا الدف حرام
في الافراح الاسلاميه, ولا مباح... و لو عايز تعمل فرح اسلامي
ايه هي الطريقه المثلى و الشرعيه 100%..؟؟؟ و هما هيدلوك ان شاء الله

ربنا يتمملك بخير يا باشا...

مبلاش دار الافتاء دول

بيفتوا في اي حاجه حسب الهوي

طلقت مراتك ارجعلها حتي لو طلقتها 20 مره عادي

-

-

الموضوع: الفرح الاسلامي

LinkBack

أدوات الموضوع

عرض

-

المواضيع المتشابهه

لازم ترقص فى الفرح!!!!

دموع الفرح ...!!!

اعمل الفرح فين

اعلان فيلم الفرح

تكاليف الفرح .. نار نااااار

الكلمات الدلالية لهذا الموضوع

المفضلات

المفضلات

ضوابط المشاركة