انا يا جماعة عندي شاهين مو 2006 وصوت التاكيهات فيها عالي
وعايز اضبطها فهل التاكيهات ليها تاثير على سخونة الموتور او استهلاك البنزين او كفاءة الموتور ارجو الرد في اقرب وقت وشكرا
عرض للطباعة
انا يا جماعة عندي شاهين مو 2006 وصوت التاكيهات فيها عالي
وعايز اضبطها فهل التاكيهات ليها تاثير على سخونة الموتور او استهلاك البنزين او كفاءة الموتور ارجو الرد في اقرب وقت وشكرا
ايوا طبعاُ ... روح اظبط تاكيهات ...
اضبط تاكيهات وراجع على الكامة
لو انت من سكان القاهرة فيه واحد مشهور جدا بتاع تاكيهات عند كوبرى فم الخليج عند اول طريق مجرى العيون من ناحية الكورنيش، هيقوم بالواجب معاها ، وخليه كمان يراجع لك على ركب الكامة
انا كنت هروح اضبطها في التوكيل احسن اعملها هناك ولا اعملها بره
وشكرا جزيلا للاهتمامكوا
انت كده خارج الضمان ..صح ؟ لو خارج الضمان اي حد بيفهم يعملهالك مافيش داعي تروح التوكيل ...
يعنى لما اضبطها استهلاك البنزين هيتضبط وكفاءة الموتور في الشد هتتضبط ولا انفض
وهل في خطورة على الموتور والتاكيهات عالية كده
لان وقتي ضيق ومفيش وقت اروح اعملها وشكرا جزيلا
على فكرة أنا عندى شاهين 1300 موديل 96 و حصل معايا موضوع التاكيهات ده. حاول تعملها بسرعة لأنها لو سيبتها هتبوظ معاها عمود الكامة و عمود التاكيهات. و ده حصل فعلا معايا و اتلسعت حاجة زى 400 جنيه ما كانش ليهم أي لازمة. انجز و ارحم موتور العربية (و ارحم جيبك)
انتو خوفتوني اوي كده
شكلي هطلع بكرة اعملها
عموما متشكر جدا لاهتمامكوا بيه
يعنى مهم اضبطها ولا خلاص عادي ممكن انفض
اضبطها و ماتنفضش ...
لازم تظبطها
التكيهات بتاثر على
استهلاك البنزين
سحب العربيه
درجه حرارة الموتور
دا غير الصوت اللى يسد النفس
طيب ازاي الواحد يعرف انه المفروض يظبط التاكيهات؟؟؟؟؟
لما تلاقي التاكيهات محمله .. و دي تعرفها لما تسمع "نقره التاكيهات"
طيب لما صوت العربية يبقى اعلى من الاول؟؟
على فكرة يا بيشو انا لازم ىجى عندكم بنى سويف اتعلم لغة السيارات البنى سويفية، اصل احنا عندنا هنا التاكيه المحمل هو اللى ضاغط على الصباب ومش بيخيله يقفل كويس،و دة مالوش صوت لكن بيسخن العربية، لكن التاكيه المفتوح اللى هو عكس المحمل هو اللى بيكون له صوت نقرة، وكبعا فى الحالتين لازم ظبط، بس دايما تلاقى الميكانيكية لو التاكيهبينقر يقولوا لك طنش لكن لو محمل وبيسخن العربية يقولوا لك اظبطه، ولحد ديلوقثتى مش عارف ايه السبب اللى بيخلى الميكانيكية بنصحوا الناس النصيحة العجيبة دى بطناش التاكيه المفتوح مع ان صوته بيسد النفس الى جانب انه بياكل الكامة
القصد يعنى من الموضوع ان احنا لازم نفكر فى عمل حملة لتوحيد المصطلحات بالمنتدى
والاهم من كدة يا صديقنا الدبلوماسى انك تروح تظبط تاكيهات حتما وفورا زى ما كل اهل املنتدى قالوا، عموما الموضوع مش هياخد اكتر من ساعة بما فيها الوقت اللى انت مستنى دورك فيه
اه طبعاُ المقصود بالنقره بتاع التاكيه التاكيه المفتوح ... انا عارف بقي .. انتو هاتقرفوني ليه يا عم بالشاهين دي .. احنا بتوع البي ام حيث التاكيه يظبط نفسه وفي المواتير اللي بيطظبطلها التاكيهات تظبط تاكيهاتك علي 0.35 مره كل 5 سنين ههههههههه
هوه غلط التاكيه سواء يبقي مفتوح او محمل .. الخواجه بيقولك ... اظبط تاكيهاتك عربيتك تتعدل :d
نيهنيهنيهنيه هعهعهعهع
ما تدخل اونلاين يا عم انت .. انت مش بتدخل اونلاين ليه هههه :d (احترس .. اليوزر رخم ..)
على ما أعتقد انو سيارتك حديثة نوعا ما و معتقدش انو التاكيهات لحقت. عموما التاكيهات ليها صوت مميز و بتحس انو المحرك أقل فى الأداء و غير متوازن عموما.
بس أنا حاسس انك "موسوس" شوية تجاه سيارتك و ده مطلوب بس حاول تطمئن شوية و العربية مش كمبيوتر ماشية بالمللى ثانية, ديه أجزاء ميكانيكية متفاعلة مع البيئة المحيطة, و ممكن تلاقى العربية فايقة فى يوم, و فى يوم تانى تلاقيها مكتومة, ده طبيعى جدا, و لو فيه حاجة بايظة هتحس انو العربية مش طبيعية تماما, عموما لا بأس انك تروح تكشف على السيارة و فى الكتالوج المفروض انو التاكيهات تكشف عليها كل 10 ألاف كيلو, بس انا عارف انو توكيل النصر بيقفلو الساعة 3 و مش بيشتغلو يوم الجمعة و ده السبب الرئيسى الى خلانى أبطل أروحلهم لأنى بكون فى الشغل كل يوم و اليوم الوحيد الى أقدر أروح فيه هو يوم السبت, و طبعا بفضل النوم:)
بالعكس .. الشاهين الجديد كله بيجيب تاكيهات .. و الصباب بيتمدد مع الحراره كمان و يقرف الدنيا ...
PERFECT
الشاهين لازم تتظبط تاكيهاتها مرة واحدة على الأقل بعد ما تكمل 20 ألف كيلومتر، وممكن ما نحتاجش لظبطة اخرى ، لكن الظبطة الأولانية دى مهمة جدا بعد ما التاكيه يكون خد وضعه
وفعلا صبابات الشاهين بتتأثر اوى بالحرارة ولذلك صوت الموتور بيكون عالى جدا والعربية باردة فى الشتاء لحد ما الصباب يتمدد ويظبط نفسه على القاعدة بتاعته ، وكذلك بتكون العربية صعبة فى الحركة لحد ما تسخن
لكن العربيات الشاهين اللى بتعمل عمرات وبيتحط فيها صباب فيرا ايطالى بتتحل فيها المشكلة دى جدا
بس برضه يا بييشو العربيات الشاهين روعة ، صدقنى مش هتعرف طعمها إلا لو عاشرتها، العربية دى ليها جو تانى خالص غير كل عربيتا فئتها، مش عارف اوصفه فنيا، لكن هى لون تانى خالص
يا مومبيه عندنا 2 بجد مش واحده .. واحده شاهين 2007 تاكسي .. من الزيرو معانا ... 1400 و قلبناها غاز طبيعي .. و التانيه بقي البرنس .. دوجان 1600 موديل 1995 اس ال اكس تركي فول اوبشن معانا من الزيرو برضه ..(انا عن نفسي مش شايف اي اوبشن ... يمكن علشان انا واخد علي البي ام :cool: ) .. المهم مانطولش .. الدوجان عمي بيزن و عاوز يبيع .. هيا بني ميتاليك (البني المحروق ده ) .. .. .. لو عاوزها العربيه اضمنها بنفسي (مش هاقولك فابريكه و وجع دماغ .. هيا بتتبااس بس من هنا شويه و من هنا شويه .. بس العربيه مابيبخلش عليها بحاجه ) ;)
لو ممكن نتقل على الاستاذ سبعاوي و بقية الزملاءو يقولو لنا مزايا الشاهين و ليه هي ليها طعم تاني مختلف؟
بصراحة أنا شوية أحس ان الشاهين دي نعمة و ساعات أبقى عاوز اغيرها بأي حاجة دللوعة شوية. لكن كل معارفي(القليلين) بيقولولي "بلاااااش . ها تندم يا جميييل"
أنتو أيه رأيكم؟
علمابان استخدامي أغلبه سفر(170 كيلو. يوم شغل و يوم لأ)
باختصار : عربيه عضمها ناشف .. قطع غيارها متوفره و رخيصه .. فانوس اشاره ب 8 جنيه و وش فانوس كبير ب 10 جنيه و ماشي حالك حالك يمشي .... صيانتها رخيصه .. الكفتجي يفهم فيها ... متوسطه الحجم (ضيقه شويه ورا انما ماشي الحال) .. اقتصاديه في البنزين .. ماسكه سعر في البيع و الشراء الحالات النضيفه ...تدعك فيها ماتقولش لاء ..
العيوب : الثبات علي الطريق .. العجل اللي ورا مسخوط جوه العربيه ...عربيه شكلها وحش هههه .. ساعات باحس انها للغيط و المقاولين و اللي محتاجين عربيه حمال قاسيه ..
"الشاهين لازم تتظبط تاكيهاتها مرة واحدة على الأقل بعد ما تكمل 20 ألف كيلومتر، وممكن ما نحتاجش لظبطة اخرى ، لكن الظبطة الأولانية دى مهمة جدا بعد ما التاكيه يكون خد وضعه
وفعلا صبابات الشاهين بتتأثر اوى بالحرارة ولذلك صوت الموتور بيكون عالى جدا والعربية باردة فى الشتاء لحد ما الصباب يتمدد ويظبط نفسه على القاعدة بتاعته ، وكذلك بتكون العربية صعبة فى الحركة لحد ما تسخن
لكن العربيات الشاهين اللى بتعمل عمرات وبيتحط فيها صباب فيرا ايطالى بتتحل فيها المشكلة دى جدا
بس برضه يا بييشو العربيات الشاهين روعة ، صدقنى مش هتعرف طعمها إلا لو عاشرتها، العربية دى ليها جو تانى خالص غير كل عربيتا فئتها، مش عارف اوصفه فنيا، لكن هى لون تانى خالص"
انا كشفت على التاكيهات مرة واحدة عند 10 ألاف تقريبا مع الصيانة و لحد الأن مفيش أى مؤشر يقول انها محتاجة ضبط و انا معدى ال40 ألف.
موضوع صعوبة الحركة و ال"كحة" لما تطلع الصبح عامل مشترك عموما بين سيارات فيات كلها.
و المفروض انك تكشف على التاكيهات كل 10 ألاف فى أى سيارة سواء كانت شاهين أو حتى بى أم زى بتاعة أستاذ اكسبرت و ده الى مكتوب فى الكتالوج فمن الأفضل انك تكشف عليها برضه زيادة فى الاطمئنان.
.....:D .....
ضبطها الحمد لله والصوت راح وبقى الموتور ناعم
بس بصراحه مش حاسس بفرق في السحب ولا استهلاك البنزين ولا السخونه كله زي ما هو ماعدا الصوت طبعا
فهل ممكن اعرف هي كده اضبطت ولا لازم يبقى في فرق في كل دول علشان تكون اضبطت وشكرا جزيلا
انا دلوقتي عامل بيها حوالي 27000 واول مرة اضبط تاكيهات بس انا اغلب سفرياتي بتبقى 140 ل 160 السرعه يعنى على طول بشد بيها وعلى طول بجري بيها ويمكن ده اللى خلى التاكيهات تعلى لكن اعرف ناس لحد 45000 معملش التاكيهات ومش محتاجه هي اكتشفت وهما اكدولي في الشركة انها على حسب الاستخدام وشكرا
هو غالبا التاكيهات عندك كانت مفتوحة ، وده زى ما اتفقنا بيكون اثره فى الصوت بس ، لا اثر له فى السحب او استهلاك البنزين لكن أثره على المدى الطويل بيكون فى تآكل الكامة فكويس انك ظبطتها
وغالبا مش هتحتاج تظبطها تانى غير بعد فترة طويلة ان شاء الله، لما تكمل 70 ألف وللا 80 ألف
بص ، الحاجات اللى فى الشاهين اللى مش هعوضهالك اى عربية تانية هى
1- نغمة موتورها الناعمة مش هتلاقيها فى عربية تانية فى فئتها ، صوت موتورها عالى لكن ناعم جدا
2- احساسك العام بمتانة السيارة وانت قاعد جواها، ولو انها لا تقارن من وجهة نظر الأمان بالسيارات الاحدث لكنها بتديلك احساس انها متينة جدا
3- رؤية جميع اطرافها من مكانك على كرسى القيادة وسهولة العبور بها من خرم ابرة
4-عدم قلقك عليها لمعرفتك ان اتخن قطعة غيار فيها تمنها ربع جنيه
5- عدم تأثر صاجها الخارجى بسفالات الجلوس على السيارة ولعب الكرة
السيارات هيا مقاعد مجانيه وفرتها الحكومه للشعب هعهعهع
عرفت بقي يا معلم سبعاوي ان كان عنده نقره في التاكيهات هعهعهع