برجاء المساعدة ريحة التكييف الاوبترا زهقنى بصراحة !!!!!!!

**m.basha** · 21-09-2010 12:40 PM

السلام عليكم كتبت قبل كده على ان عندى زى ريحة كمكمة كده عند تشغيل التكييف و خصوصا لما التكييف بيبقى شغال على درجة واحد شوية تيجى الريحة و شوية لاء المهم روحت نظفت فلتر التكييف لقيتة فعلا ماليان ورق شجر و تراب المهم قلت بس يبقى اكيد الريحة مش حاتيجى تانى بس للاسف زى ما هى المهم جربت الاقتراح اللى قراتة فى المنتدى قيل كده و شغلت التكييف السخن لمدة ربع ساعة و برده لسه فى ريحة كمكة اخر مرة كونت فى التوكيل من يومين كده كونت بعمل صيانة 10 الاف قولتلهم قالولى ان الفلتر نظيف بس ممكن يكون عايز يتغير قولتلهم العربية لسه ما كملتشى 10 الاف يعنى استهلاك التكييف حوالى 4 شهور الصيف مثلا قالى ما هو فلتر التكييف دلوقتى عامل زى فلتر الهوا حسب كثرة الاستخدام للتكييف المهم قولتله لاء سيبة دلوقتى ما تغيروش كان غالبا ب 180 جنية المهم عشان انا طولت عليكم اوى اوى انا اسف يا ترى فى حل تانى ممكن اعملة و لا فعلا الفلتر لازم يتغير ؟؟؟؟؟؟

**Bassem Raafat** · 21-09-2010 02:30 PM

أنا لما كان معايا الهيونداى ، كانت مشكلتى إنى بشرب سجاير كتيييير وأنا مشغل التكييف وطبعاً كان الزجاج مقفول ، فكانت بتعمل ريحه بايخه جوه العربيه أول مـ أشغل التكييف ، ومره كنت بنظف فلتر التكييف وروحت راشش عليه معطر من بتاع الجو ، ومن ساعتها الريحه راحت خالص ... جرب مش ح تخصر حاجه

**aymanmaly** · 21-09-2010 06:05 PM

غريبة ان تشغيل التكيف على السخن معاملش حاجة
ممكن تقول الخطوات
و على العموم كنت محتاج 30 دقيقة مش 15 دقيقة
بس برضة قول الخطوات ممكن يكون هناك خطاء
اما عن الفلتر دة حاجة مش اساسية فى السيارة يعنى مش زى سير الكاتينة مثلا لازم يكون اصلى
يعنى ممكن تجيب كورى و هايئدى نفس الغرض و اظن ان الكوري النظيف ب 50 او 60 ج من التوفيقية ( مش متأكد من السعر بس هو فى الحدود دى )
و هافضل معاك لغاية لما تحل المشكلة
و بالتوفيق

**dj_bex** · 22-09-2010 04:11 AM

عارف البيرفيو فا او اي اسبراي مزيل العرق او اسبراي الجو بس ريحته تكون جامده ..هتعمل اييه بقى ؟؟
افتح التكيف على مروحه تلاته و رش تحت التابلوه من ناحية جمب السواق هتلاقي الريحه طالعه من فتحات التكيف رش كتير و خلي العربيه مقفوله و انته فاتح التكيف كرر التجربه كذا مره و لما تحس الريحه جت كررها تاني و تالت انا بعمل كده ....

**m.basha** · 22-09-2010 12:39 PM

والله يا جماعة انا متشكر جدا على الرد بس اا لما جربت فكرت التكييف السخن فتحت التكييف على درجة واحد و السخن اخر حاجة لمدة ربع ساعة و بعد كده سيبته و شغللته تانى بعد 5 ساعات كده و برده مافيش فايدة بس بصراحة ما جربتش موضوع المعطر ده خالص مش عارف اعمل ايه

**ahmedfd** · 22-09-2010 02:12 PM

قريت في منتدى أجنبي قبل كدة إن سبب رائحة العطانة دي في بداية تشغيل التكييف إن المياه بتدخل من فتحات الهواء لما دائرة الهواء الخارجي تكون مفتوحة أثناء غسيل العربية أو الأمطار و تعمل تراكمات تخلي في رائحة عطانة و لما تشغل التكييف بتدخل على الكابينة.
فالمفروض في حالة الغسيل أو المطر نقفل الدائرة و الله أعلم.
الحل أعتقد ممكن الدائرة كلها بتتغسل بالفوم. أنا مجربتش بس غبور كان عامل عرض على الموضوع ده في بداية الصيف.

**hossamalex** · 22-09-2010 02:55 PM

بص يا باشا انا عندى optra 2010 جايبها من 3 شهور و عندي الرائحة ديه بالضبط من اول الف كم و انا متضايق جدا من الرائحة هيا اكيد بسبب الشحن على المراكب و رطوبة البحر وكده بس انت غيرت الفلتر فايه سبب الرائحة ديه ؟!!!

**Ahmed A Rahman** · 22-09-2010 03:08 PM

الريحة لو سببها بكتيريا او فطريات حتكون حلها في السخونية
وكمان تشغلها على السخن لفترة وبعدين مرة واحدة على الساقع, تبستر الفلتر يعني !!!

انما لو سببها اي مواد عضوية مش عفونة السخونية مش حتعمل لها حاجه
يا اما تتشال عن طريق تنظيف الفلتر او رش مواد عطرية عليه بس اتاكد انها مش بتعمل حساسية لاي واحد بيركب معاك

**aymanmaly** · 22-09-2010 05:50 PM

شغل السخن 30 دقيقة مساء على اعلى حاجة سخن و المروحة على 4
بس اخرج من العربية علاشان احنا عايزينك
و اركن العربية لتانى يوم الصبح و بعد كدة دور و سخن و اعمل كل الى بتعملة الصبح و بعد كدة شغل التكيف بارد
لو اول ما شغلت شميت الريحة يبقى دى اكيد باكتريا فعيد الموضوع تانى يوم
طيب لو ماشمتوش ؟ يبقى كدة تمام
طب لو شميتة فى نصف الطريق بعد الاستعمال لفترة يبقى كدة فلتر لا تغير لاتنظيف و معطر
و ابقى طمنا