كنت عايز أستفسر عن تشغيل السياره الأوتوماتيك لو البطاريه نامت
أرجو الأفاده
عرض للطباعة
كنت عايز أستفسر عن تشغيل السياره الأوتوماتيك لو البطاريه نامت
أرجو الأفاده
اعتقد مفيش غير انك توصلها ببطارية تانية
فعلا مفيش غير انك توصلها بطارية لان غير كدة مش هتتحرك
عشان كدة لازم يكون معاك دايما كابل توصيلة بطارية
ممكن تشتريه من التوفيقية او من اى محل قطع غيار
و ممكن لو فاضى تروح التوفيقية و تشترى كابلات ثقيلة و اربع مشابك كبار و تركبهم بنفسك حسب الطول اللى انته عاوزه ثلاثة متر اربعة متر و نص زى ما انته عاوز و دول هيبقوا اقوى و احسن من الصينى الجاهز
مفيش غير الكابل وهي عمليه مش معقده انك توقف اي عربيه وتوصل معاه يمكن اسهل من انك تدور على شباب في الشارع يزقو معاك العربيه
بس انا افتكرت طريقة لو مافيش كابل
فك البطارية و ضع بطارية سليمة من اى عربية فى الشارع و دور العربية و اول ما تدور شيل البطارية السليمة وضع البطرية الغير سليمة بسرعة و بكدة تبقى دورت بدون كابل
بس طبع الكابل اسهل بكثير
بس الطريقة دى فى الطوارىء
طيب هيبقى السؤال مين هايوافق يحل البطارية بتاعتة
الحل سائق تاكسي و طبعا اديلة حق توصيلة فلا ذنب لة فى العطلة ( و لسة فى مصر ناس جدعان )
ألف ألف شكر على الردود أنا برده أتفق معاكم
على ما أعتقد ده الحل الوحيد
ويمكن ده يكون عيب بسيط إلى حد ما من عيوب الأوتوماتيك