قرض العربية أي حد عنده معلما عن أي بنك يا ريت يقول ويفيدني ويفيد كل الناس اللي عاوزة تعرف لاني كذا حد يسألني واقوله معرفش فـقلت هنا ممكن الناس تفيدني وتفيد بعدها :satelite:
عرض للطباعة
قرض العربية أي حد عنده معلما عن أي بنك يا ريت يقول ويفيدني ويفيد كل الناس اللي عاوزة تعرف لاني كذا حد يسألني واقوله معرفش فـقلت هنا ممكن الناس تفيدني وتفيد بعدها :satelite:
!!!!!!!!!!!!!!!!!
البنوك الأسلامية: بيقولك العربية بكذا كاش هديلهالك بكذا قسط يعنى مثلا ب 60 هاديهالك ب 70
بنك البركة :
لازم المرتب قبل الأستقطاعات يعنى مش اللى بتقبضه فعلا يكون القسط لا يتجاوز 40 % منه
والتقسيط على 5 سنين او 7
بنك فيصل:
بنك مصر للمعاملات الأسلامية:
تحط وديعة
البنوك العادية :
cib وابو ظبى
اى مرتب بيعدى
كونتكت والشركة المصرفية:
القسط لا يتجاوز 35% من المرتب
وكان عندى ورقة فيها معلومات هحاول ادور عليها
طبعا أولا بشكرك جدا على ردك لانك الوحيد اللي عبرتني وطبعا ادتني معلومات كويسة بس أنا فـال أساس عاوز أفهم إيه قرض العربية ده يعني أنا أروح اخلي بانك يشتريلي عربية وأقساط تمنها كله ولا أنا بدفع حاجة وهم حاجة ولا إيه ولها ورق وكده ولا إيه ظروفها ده اللي عاوز افهمو و ممكن اليه حد يشتري أي عربية عاوزها ولا إيه أنا مش فاهم وعاوز حد يفهمني إيه قرض العربية ده
لا شكر على واجب
بتدفع مقدم طبعا والأفضل تقرب من 50 % من تمن العربية والموضوع يتوقف على مرتبك كام برضه
طبعا بيبقى في حظر بيع لغاية ما تسدد الاقساط وبتكتب شيكات وفى فوايد على القرض
وان شاء الله لما الاقى الورق هاشرح لك اكتر لأن مش مركزة دلوقتى بس انا لفيت على بنوك كتير فعندى فكرة كويسة
كان فى واحدة اعرفها جايبة من معرض اسمه عيسى بمقدم 5 الاف وقسط على 5 سنوات بس لكن الفايدة فى المعارض بتكون فظيعة ومش هعرف اسألها لك لأنى معدتش بشوفها
طبعا بتلاقى نفسك فى الآخر اقل حاجة دفعت 20 الف فوق تمن العربية الاصلى وانت طالع بقى
طبعا فى مصاريف ادارية وتأمين شامل على العربية بيقل كل سنة التأمين ده مثلا 3% من تمن العربية
وبتكتب شيك اجمالى بالمبلغ كله وشيكات منفصلة وبتجيب عرض سعر
وبتقدم وصل نور وتليفون او مياه ومفردات مرتب
ولو عايش مع والدك تجيب الوصولات بتاعة البيت
اقل بنك فى الفايدة هو بنك ناصر لكن للموظفين بس
وتقريبا6.5%
بيطلب ضامن
تحويل مرتب
160 ج وثيقة تأمين على الحياة
41 ج مصاريف فتح حساب
وبيقول ان مفيش شيكات!!!!
======================
البنك الأهلى بدون ضامن
فايدة 9% يعنى مثلا لو القرض 40 الف على 5 سنين قسطك 972 ولو 30 الف قسطك 730
وفى حالة السداد المبكر تدفع 3% على المتبقى
ومنصحكش بيه ممكن تقرا موضوع ليا على فيات (تصوروا البنك الاهلى رفض طلبى ) وهتلاقى فيه معلومات من الأعضاء برضه
وعطلنى كتير والآخر رفض يمولنى واحسن برضه
===============================
الشركة المصرفية
فايدة 8.5%
تقسيط 6 سنين
شرط المرتب زى ماقلت
=========================
كونتاكت
عايزة ضامن
التأمين اختيارى
لازم المرتب 3 اضعاف القسط
==========================================
عودة
فايدة 9.6
5 سنوات
==================
بلوم كريدى اجريكول باركليز cib
تقريبا زى بعض 9.8 %
ومبيدققوش فى المرتب
======================
البنوك الأسلامية زى ما قلت فوق
البركة اقل واحد فى الفايدة وفى عرض خاص للعاملين بمستشفيات الجامعة
فيصل
ضامن
صورة البطاقة لك وله
نفس الطلبات
لو قرضك 30 الف مثلا
يبقى القسط على 5 سنين 729
على 6 سنين 645
وطبعا الاسلامى افضل
على فكره يا اخى انا منصحكش
وخلى بالك الفائده بتكون سنويه يعنى بتضرب قيمة الافائده فى عدد سنين القسط يعنى لو فائده مثلا 9% وعايز تقسط على خمس سنوات يبقى بتزود على ثمن السياره 45% متعملش زى واحد صاحبى كان بيفكر انه بيزود 9% على سعر السياره ولما عرف اللى فيها لغى الفكره وده طبعا غير المصاريف الاخرى وعلى فكره كل واحد وامكانيّاته يعنى لو ما تقدرش على الكاش ومرتبك يسمح بالقسط يبقى ربنا يوفقك ولكن لا تنسى صلاة الاستخاره فى جميع الاحوال
شكرا ليكم كلكو مأثرتوش وأنا فهمت كده الحمد لله