ممكن تدفعوا مخالفات مش بتاعتكو؟؟

**shiko85** · 21-09-2010 03:09 PM

زمان كانت الرشوه علشان الواحد ياخد حق مش حقه
دلوقتى الرشوه علشان الواحد يعرف ياخد حقه

**أبو_يوسف** · 21-09-2010 03:10 PM

المشاركة الأصلية كتبت بواسطة icehearted girl

ونا داخلة لوكيل النيابة فوقتها لقيت الموظف جيلي بيقولي الله يكرمك يا استاذة اوعي تجيبي سيرة...(كان تقريبا فاكرني داخلة اخبص عليه)

بصراحة بصيتله من فوق لتحت وسبته ومشيت

هو ممكن يكون خايف تجيبي سيرة ال 100 جنيه تحديدا .. مش خايف تقولي انه مرتشي ..

**icehearted girl** · 21-09-2010 03:16 PM

علشان ميقسمش معاه مثلا؟؟؟

شيكو 85 ..انت جبت المفيد والله حاجة تحزن وتوجع القلب

**icehearted girl** · 21-09-2010 03:25 PM

لا ومش رشوة 100 جنيه ويخلصلك الرخصة مثلا..

لا

دا عشان يفتح سيادته بس الشباك وياخد رخصتك ويطلعلك شهادة المخالفات اللي غالبا هتصد نفسك وتجبلك ازمة قلبية

**ahmed4000** · 21-09-2010 04:06 PM

100 جنيه علشان يفتح الشباك؟
هى الفيزتا عليت كده ليه؟

**icehearted girl** · 29-09-2010 08:33 PM

لا إله إلا الله

بجد انا كرهت نفسي وحرمت اكتب اي عربية باسمي تاااااااااااااااااااااااا اني

وقال اول يوم رايحة وكلي أمل... واقول لنفسي دا تجديد بس.. دنا مش هتعطل زي محصلي السنة اللي فاتت

بقالي 5 ايام مابين المرورين وشاربه الامرين

وكل يوم افضل ورا الموظفين لاخر لحظة وفالاخر يقفلوا الشبابيك علشان الساعة جت واحدة

وكل يوم بلمنظر دا وكل ملمف بيقعد بيطلبوا طلبات اكتر... لحد ملنهاردة جبت اخري بصراحة

والله صعبت علناس اللي واقفين وبقي كل ملاقي ورقة ناقصة الاقي حد بيطلعلي ملفه ويديهالي لحد مخلصت وخلاص الملف داخل الكمبيوتر

الاقي كمان ساعة كانت 2 تقريبا .. ملفي الوحيد ومعاه ملف تاني رجعوا وقال ايه الموظف تعب وهيخلي دول لبكرة

بصراحة بقي قلت عليه وعلي اعدائي

النهاردة الصبح صليت ركعتين قضاء حاجة وسألت ربنا انه ميحوجنيش لاي بني آدم ولا يحوجني اني اتدبس في اي رشاوي..

وطبعا باخد تريقة كل يوم من ماما اد كدا علشان مش عارفة اخلصها كلعادة

حاولت اقابل وكيل النيابة لقيته مشي...

حاولت اقابل الظابط لقيت امم ملمومة عليه وبيتسولوله وهو اساسا ميساويش...

بصراحة مرضتش اروحله.. ورحت ندهت العسكري قلتله خش قول للي مشغلك جوا فلانة الفلانية برا من طرف فلان الفلاني

مبدهاش بقي....

وفلان الفلاني دا اتصل بيه فجأة لقيت المرور دا اتحول لجنينة الاسماك

واتفتحلي مكتب ظابط مكيف كان مشي اقعد فيه

وملفي جه لأوضة الكمبيوتر.. وكل مقابل موظف من اللي كانوا لطعنني يقولي ياخبر يفندم هو حضرتك من طرف... طب مش كنتي تقولي :(

ولقيت اكوااااااااااااام ملفات قدام الموظف كلهم طبعا متوصيين عليهم وخلاص جت علملفين اللي رجعهم في الاول

وعشر دقايق كانت رخصتي خلصانة

آه والله.. وجيه استلمها لقيتهم ولاد الذين... كتبنلي التجديد لسنة واحدة بس.. نفس غلطة الموظف السنة اللي فاتت ربنا ينتقم منه

وطبعا طلعت غلي فيهم وبقيت اكلمهم من طرطوفة طرطوفة مناخيري

وازاي التهريج دا وبتاع ونا هدخل للظابط دلوقتي عشان انتو شوية مساطيل...

وفخمس دقايق لقيت الرخصة اتعدلت ورجعتلي تاني كانت حوالي الساعة 3 ونص

ااااااااااااااه ياني ياني ياني

انا مش هجدد تااااااااااااااااااني

بصراحة علي اد مفرحتي اني خلصت من كابوس المرور الا اني اضايقت جدا اني لجئت للحيلة دي في الاخر وخدت حق ناس احق مني في الدور

مش عارفة ليه افتكرت وقتها احمد حلمي ففيلم عسل اسود لما استرد البسبور الامريكي تاني وقال انا مواطن امريكي واللي مش عاجبه هديله بالجزززمة

**icehearted girl** · 29-09-2010 09:04 PM

لا وغيظاني اوي شنطة الاسعافات الحقيرة دي

انا اول مرةاشتريها بصراحة

شوية قطن معفنين لو اتحطوا علي جرح يلوثوه مش ينضفوه

وشاش مسود من كتر الهباب اللي عليه

وحتت بلاستر بايظة ومقص مبيقصش

ومثلث جيباه ملتوفيقية بعشرة جنيه

يبيعوهم هم ب 73 جنيه ليييييييييييييييييييييييي ييه حار ونارررررررررر

**gebreel** · 29-09-2010 09:17 PM

طيب على الققل المخالفة بتاتك دي اخوكي عملها اومال انا لما اروح اجدد السنة الجاية هلاقي عليا مخالفة ب1300 جنيه سير عكس الاتجاه و تعمد تعطيل المرور و العربية دي مبيسقهاش غيري انا و والدي ولانا ولا والدي عملنا المخالفة دي

واخدة بالك انتي من تعمد تعطيل المرور يعني الدنيا كانت واقفة البيه الظابط اللي لقطني ده بافتراض اني عملتها مجاش و حصلها مني وقتي ليه و سبني اكمل تعطيل المرور

انا محروق دمي و خصوصا من مرور مدينة نصر اللي عاوز الولعة فيه بجاز مش نضيف مفيهوش حد محترم الا مديره المقدم عمرو راجل محترم و لما بيتواجد وسط الصالة الدنيا بتمشي زي الساعة بس تقولوا لمين

حسبي الله و نعم الوكيل

-

-

الموضوع: ممكن تدفعوا مخالفات مش بتاعتكو؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

ممكن ادفع مخالفات في حتة غير مروري؟

محمود سعد قال بلاش تدفعوا الخمسة جنيه بتاعة الزباله

توكيل بالبيع للنفس والغير - ممكن أطلع بيه شهادة مخالفات ؟

عايز ابقى سيريوناوى وانضم للمجموعة اللذيذة بتاعتكو

الكلمات الدلالية لهذا الموضوع

المفضلات

المفضلات

ضوابط المشاركة