الشرطة جابت عربيات كامري ؟؟؟؟

**Karim_Monir** · 21-09-2010 03:56 PM

السلام عليكم ورحمه الله
ماشي من يومين في طريق النصر
لقيت قدامي كامري سوداء
ولما كان ان الطبيعي اشوفها جمرك او هيئة سياسية نمر صفرا او خضرا
لقيتها في وشي نمر شررررطة
لونها اسود بخط اصفر من الجنب
دي شرطة مرور ولا انضباط ولا ايه بالظبط
وليه عربيات الشرطة كل مجموعة بلون
الاتاري بيضاء سواء الاكسيل القديم ولا الكرولا العيون ولا البيجو ال 405
والاوكاتفيا زرقاء
والبوكس كحلي
والكيا الاسبورتاج بتاعت المحور والداري بيضا بخط اصفر
ودي سواد بخط اصفر

ايه المفيد
ودي صورتها

**eng.m7md.ali** · 21-09-2010 04:01 PM

حاجة غريبة فعلا
كلو من فلوس الغلابة

**sayed911** · 21-09-2010 04:09 PM

واضيف كمان لحضرتك انه فيه كمان bmw x3 بنفس لون الكامري دي بالزبط بس انا ها اقولك الصراخة انا كذا مرة اشوفها واقفة كأنك رايح على العبور بالضبط ها تلاقيها واقفة في مدخل طريق مدينة السلام على الناحية التانية تحت الشاشة الكبيرة ولكن دول تقريبا مش بيطلعوا الا لما يكون فيه رئيس اجنبي موجود عشان يححسسوه انو احنا عندنا آمان + والله الأجانب لما بيجوا مصر ولما تحصل ماهم مشكلة بيحتاروا انهي فيهم عربية الشرطة الحقيقية :d على رأي المرحوم حسين الشربيني الله يرحمه لما قال لأحمد آدم كلمني في الجهاز قالوا مانا سامعك من غير جهاز قالوا يا .... عشان الأجانب يعرفوا انو في شرطة في مصر هه وتحياتي

**Ahmed Samy** · 21-09-2010 04:11 PM

و ازيدك من الشعر بيت

الX3 دي مش العادية حضرتك

دي sport فيها جنوط و فتحة سقف و فرش جلد وباي زينون و حساسات ورا و قداااااااااااااااام

**grumby78** · 21-09-2010 04:12 PM

فيه حاجات كتير في البلد تدل ان فيه فلوس زياده اوقات تروح اعربيات المسئولين اللي بتجدد كل سنه واوقات تروح لتزيين شوارع ودهان مباني بالكامل لزياره مسئول و اوقات سفلتة نفس الشارع 3 مرات في خلال اشهر زي مابيحصل في اسكندريه و تكسير رصفان وعملها تاني واوقات بتروح لعربيات كامري ...
تناقض غريب البلد فيها عجز في الموازنه ولافائض ؟؟
انا مش فاهم حاجه

**NaderNabil** · 21-09-2010 04:15 PM

حراسات خاصة.....جداً

**Karim_Monir** · 21-09-2010 04:24 PM

المشاركة الأصلية كتبت بواسطة grumby78

ف و اوقات سفلتة نفس الشارع 3 مرات في خلال اشهر
تناقض غريب البلد فيها عجز في الموازنه ولافائض ؟؟
انا مش فاهم حاجه

والله انا ساكن في شارع رئيسي (جمال عبد الناصر بالحرفيين) متكسر لدرجة ان بقي فيه حفر الكرولا لو وقعت فيها تحك مش مطبات عادية
الشارع ده ماتسفلتش من ساعة ما سكنت فيه من 8 سنين وبقى ادغال
واللي بيدخل جمال عبد الناصر للحرفيين عارف يعني ايه الشارع الزفت ده

وجسر السويس نفسه لما اتسفلت ودخلو الغاز من اول الحرفيين لغاية الجراج بطول 7 كم كل 10 متر مطبر بالعرض نتيجة الحفر والرم والسفلتة غير المستوية

حاجة زبالة وانعدام تخطيط وموازنة

انا متاكد ان الكامري دي منحة (اتاوة)من الفطيم ولا حاجة
زي ال x3 كدة

**أحمد كمال** · 21-09-2010 04:24 PM

ده انت قديم تنين يا كيمو

أنا اول مرة شفتها من سنتين

-

-

الموضوع: الشرطة جابت عربيات كامري ؟؟؟؟

LinkBack

أدوات الموضوع

عرض

الشرطة جابت عربيات كامري ؟؟؟؟ - انشر الموضوع فى :

-

-

-

-

-

-

-

المواضيع المتشابهه

::: ~ مش عاجبكوا الشرطة نخش على الشرطة السكرية ~:::

عربيات الشرطة

لوطات عربيات الشرطة حد يرضى يشتريها؟

الكلمات الدلالية لهذا الموضوع

المفضلات

المفضلات

ضوابط المشاركة