هى الدنيا بقت زحمة ليه

**wsamir** · 21-09-2010 06:56 PM

المشاركة الأصلية كتبت بواسطة kamalsalem

الحل في اننا نتكاتف ونجمع من بعض ونشتري من برة دفعة مدافع 30مم تركب على سقف العربية... وانا اعرف اللي يركبهالنا ببلاش وتبقى مفهوم جديد للطارة المالتيفانكشن

بلاش موضوع المدافع ده لان الحكومة ممكن تقول ده اوبشن و تاخد عليه ضريبة زياده

**maka** · 22-09-2010 12:10 PM

المشاركة الأصلية كتبت بواسطة zanativich

لا
الزحمة فى تزايد لان الغباوة فى القيادة فى تزايد والاستهبال فى نمو
ولا احد يحترم اى قوانين للقيلدة ان وجدت

فعلا انا لما ركزت النهاردة لقيت ان بتوع الميكروباصات بيبلطجوا بغباوة و بعض الملاكى بيسوقوا الهبل على الشيطنة

**م. عصام مهنى** · 22-09-2010 12:37 PM

المشاركة الأصلية كتبت بواسطة maka

فعلا انا لما ركزت النهاردة لقيت ان بتوع الميكروباصات بيبلطجوا بغباوة و بعض الملاكى بيسوقوا الهبل على الشيطنة

دلوقتى بتوع اتوبيسات النقل العام
يعنى النهاردة كوبرى قصر النيل ماشى بالعافية وسواق اتوبيس نقل عام راح ناقل من الحارة اليمين للحارة الشمال وماشى فى الشمال على راحته ووقف الكوبرى كله وراه ولو اى راكب عاوز ينزل بيوقف فى نص الشارع وينزله عادى يعنى مفيش اى مشكلة والعربيات اللى وراه تولع !!!!!!!!!!

مفيش حل فى الزحمة
كل سنة بتزيد عن اللى قبلها لان الناس بتزيد والعربيات بتزيد والشوارع هية هية
يعملوا شوارع دورين وثلاثة ههههههههههههههههههههه

**ahmed4000** · 22-09-2010 12:41 PM

لا السنة دى مش طبيعية فعلا
فى ناس كتير فشلت تروح الشغل اول يوم الدراسة
وبعدين معروف ان الدنيا بتفضى على الساعة 9 ونص عشرة علشان الكل بيبقى راح المدارس
لكن السنة دى طول الوقت الدنيا واقفة تماما

**shaddadfalcon1** · 22-09-2010 12:44 PM

فعلا السنه دي زحمه طحن

من اول الاسبوع ده وانا كل يوم يطلع عيني عشان اركن ونزل الاقي العربيه مخبوطه عشان ولاد ال#$#$# الأغبياء سواقين الاتوبيسات بتاعة المدراس والعيال بتاعة المدراس اللي بتعملو الحب علي كبوت العربيات

**M.almaghraby** · 22-09-2010 12:51 PM

السنة دي فعلا مش زي اي سنة

الزحمة بشكل بشع بشع السنة دي عن اي وقت

و لسه القادم اسوأ

**ASKAFRAWY** · 22-09-2010 01:21 PM

واضح انها مشكلة عامة...انا لاحظت مع بداية العام الدراسي ان الناس بقت عاملة زى الصرصار المضروب شبشبين على الصبح ولا خو العاوز يموت ولا عارف يمشى
والله بشوف حاجات عجيبة غريبة مريبة...واحد قافل الزجاج الجنبه و ساندلى دماغه عشان يكمل الحلم بتاعه وواحد وهو سايق باصصلى فى مراية الصالون بيشوف تاثير الحشيش على عينه...والحاجة البتتنطط مع العيال فى العربية ولا كانها سايقة حاسة انها راكبة عربية الملاهى...و تلاقى واحد وواحدة بيكشفوا تقريبا على عيون بعض والواد سايق بكل تناحة ولا كأنه فى بيتهم....وحاجات من دى كتير...كان نفسي والله اصورلكم النماذج دى لان دة انا شوفته فعلا بعينى
وياما هنشوف....
كان معكم محدثكم من اهدى مكان فى العالم
الاسكندرية

**ahmedfd** · 22-09-2010 01:44 PM

أكيد زيادة عدد العربيات سبب لكن في رأيي سلوك الناس مع عدم وجود ضابط ولا رابط هو العامل الأكبر.
يعني تخيل حضرتك مثلاً عدد العربيات ده في شارع بنفس الشكل في مصر (لو فيه أصلاً)، تفتكر المنظر هيبقى كدة ؟؟؟؟

طبعاً للأسف مستحيل حد هنا يلاقي مسافة بين حارتين و يسبها و يفضل ماشي عادي في حارته زي بقية البني أدمين و يا سلام لو كان ميكروباص ...

**maka** · 23-09-2010 09:08 AM

المشاركة الأصلية كتبت بواسطة midomahany

دلوقتى بتوع اتوبيسات النقل العام
يعنى النهاردة كوبرى قصر النيل ماشى بالعافية وسواق اتوبيس نقل عام راح ناقل من الحارة اليمين للحارة الشمال وماشى فى الشمال على راحته ووقف الكوبرى كله وراه ولو اى راكب عاوز ينزل بيوقف فى نص الشارع وينزله عادى يعنى مفيش اى مشكلة والعربيات اللى وراه تولع !!!!!!!!!!

مفيش حل فى الزحمة
كل سنة بتزيد عن اللى قبلها لان الناس بتزيد والعربيات بتزيد والشوارع هية هية
يعملوا شوارع دورين وثلاثة ههههههههههههههههههههه

هههههههههههههه

النقل العام دول ملهمش حل تماما , انا بخاف اقرب منهم العربيات هلكانة و كل حتة فيها بتمشى فى ناحية

المشاركة الأصلية كتبت بواسطة ahmed4000

لا السنة دى مش طبيعية فعلا
فى ناس كتير فشلت تروح الشغل اول يوم الدراسة
وبعدين معروف ان الدنيا بتفضى على الساعة 9 ونص عشرة علشان الكل بيبقى راح المدارس
لكن السنة دى طول الوقت الدنيا واقفة تماما

بشاير بدر الدين

انا الحمد لله من اول الاسبوع و انا شغال وردية ليلية العقبة الوحيدة و انا راجع الدنيا زحمة بطريقة غير طبيعية

المشاركة الأصلية كتبت بواسطة ASKAFRAWY

واضح انها مشكلة عامة...انا لاحظت مع بداية العام الدراسي ان الناس بقت عاملة زى الصرصار المضروب شبشبين على الصبح ولا خو العاوز يموت ولا عارف يمشى
والله بشوف حاجات عجيبة غريبة مريبة...واحد قافل الزجاج الجنبه و ساندلى دماغه عشان يكمل الحلم بتاعه وواحد وهو سايق باصصلى فى مراية الصالون بيشوف تاثير الحشيش على عينه...والحاجة البتتنطط مع العيال فى العربية ولا كانها سايقة حاسة انها راكبة عربية الملاهى...و تلاقى واحد وواحدة بيكشفوا تقريبا على عيون بعض والواد سايق بكل تناحة ولا كأنه فى بيتهم....وحاجات من دى كتير...كان نفسي والله اصورلكم النماذج دى لان دة انا شوفته فعلا بعينى
وياما هنشوف....
كان معكم محدثكم من اهدى مكان فى العالم
الاسكندرية

هههههههههههههههههههه

محرمتكش من حاجة اهو

واضح ان تاثير المدارس فى مصر كلها بس قلبة مع الاسكندرانية بمراجيح , احنا عندنا الناس تبتة جدا جدا و هى بتعدى تحس انهم زامبيى مش مدركيين للحياة الواقعية

بس ايه رايك فى يومين الفراغ اللى انا قضيتهم

المشاركة الأصلية كتبت بواسطة shaddadfalcon1

فعلا السنه دي زحمه طحن

من اول الاسبوع ده وانا كل يوم يطلع عيني عشان اركن ونزل الاقي العربيه مخبوطه عشان ولاد ال#$#$# الأغبياء سواقين الاتوبيسات بتاعة المدراس والعيال بتاعة المدراس اللي بتعملو الحب علي كبوت العربيات

انا برده حواليا مدارس بنات كتيير و بعانى من الحبيبة دول تقريبا احتلوا عربيات الشارع اما قعدة او البت مندول تنام قدام المرايا تظبط شعرها

المشاركة الأصلية كتبت بواسطة M.almaghraby

السنة دي فعلا مش زي اي سنة

الزحمة بشكل بشع بشع السنة دي عن اي وقت

و لسه القادم اسوأ

ربنا يستر

-

الموضوع: هى الدنيا بقت زحمة ليه

LinkBack

أدوات الموضوع

عرض

-

-

-

-

-

-

المواضيع المتشابهه

زحمة يا دنيا زحمة ...!!!

الدبرياش تقيل شوية ولا الدنيا بقت زحمة اوى ؟؟؟؟؟

زحمة فى الأوتوستراد

زحمة 5 يناير 2011

زحمة يادنيا زحمة

الكلمات الدلالية لهذا الموضوع

المفضلات

المفضلات

ضوابط المشاركة