يا سلااااااااااااااااام الله ينور عليك يا وحش
فى الحقيقة انا اتعاملت معاة مره واحدة بس بصراحة جامد جدا
تعالى يا باشا تنور القهوة و المنطقة و كل الدنيا
عرض للطباعة
هوجو
دانهيل
بلاك اكس اس
كوول وتر
ازارو
بولو
هوجو دارك بلو
هاريرا كارولين
دانهيل
بص ياباشا انا مش هاقولك اسماء عطور لان الرجاله قامت بالواجب وزياده حبتين وكلنا استخدمنا الانواع دى وجربناها
بس خد منى اللى اتعلمته من كتر مالفيت فى موضوع البرفانات دى لانى بحبها جدااااااا ونقطة ضعفى بصراحه
اولا : هاتعمل عطور تركيب ما تحطهاش على جسمك مباشرة كتير وخليها للصيف بس وبالليل والبدى سبراى الصبح زى اكس و ماليزيا خصوصا الخضرا لانها نفاذه فعلا وبتقعد كتير فى عز الحر
ثانيا : فى انواع عطور تقيله بطبيعتها وماينفعش تعمل منها تركيز عالى يعنى ممكن تعمل اتنين تركيز معقول وتشتغل زى الفل بتمن واحده تقيله وريحتها هاتبقى نفاذه بشكل مش يضايق اللى حواليك
ثالثا : عمرك ماهاتلاقى حد يركب برفيوم زى الاصلى والفرق دايما بيبقى واضح عشان كده حاول تمسك مبلغ وتجيب حاجه اصلى كل فتره ولو حتى تخليها للمناسبات وتشيلها فى مكان ضلمه وتقفل عليها كويس لان ده بيخليها احسن واقوى مع طول فترة التخزين ( والاهم مايكونش عندك اخ بيدلقها على نفسه دلق لو عرف مكانها ) وميزة العطور الاصليه ان رشتين اتنين بس بيخربوا الدنيا ولو طالت هدومك بتمسك فيها ومرتين تلاته بعد الغسيل ريحتها بتطلع وانت بتكوى القميص كمان
اهم حاجه فى اللى هاوى العطور التميــــــــــــــــــــ ز يعنى تحط حاجه محدش حاططها وخللى بالك عطرك سفيرك
الناس ممكن تعرف انك كنت موجود فى مكان بالرغم من انك مشيت منه وممكن تعرف انك جاى لو الهوا سبقك ووصلهم محمل بعطرك
يا سدى انا حريف برفانات:وجربت انواع كتير جدا_واللى بتعجبنى بشترى الاوريجينال منها"بس انا فى البرفانات_لازم ابقى مميز مش بحب اشترى حاجة مشهورة.
شوف دول وقولى_دنهل فريش_هوت ووتر_دنهل بيور_إسكاد سنتمنت_هوجو اكس واى_فهرنهايت 32_أكوا دى روما_باكو ريبان وان مليون_بربرى بيت_لاكوست_اسينتيل_سى كى فرى_اكوا هيريرا_بيكهام سيجناتر.دى افضل عطور ممكن تشتريها جرب وقولى_وانا ارشحلك بشدة_سى كى فرى.جامدة آخر حاجة.
موضوع جامد يا جماعة
انا برضوا كنت محتاج اعرف الانواع المميزة
لان الواحد ساعات مش بيعرف يختار من كتر المعروض ولما الواحد بيشم كذا نوع ورا بعض مش بيعرف يقرر كويس
ياريت بس توضحوا البرفانات اللي بتنفع في الصيف واللي افضل في الشتاء اللي مناسبة للصبح واللي افضل لليل
عندي معلومتين للناس فى موضوع تجربة البرفانات
1- بعد ما تشم 3 انواع مش هاتعرف تميز كويس - شم بعض البن (القهوه ) و ارجع شم العطور تاني هاتلاقيها زي الفل و هاتعرف تميز (عن تجربه )
2- فى نوع مش منتشر كتير و هاتلاقيه غالبا فى صيدليات سيف و فى مزايا
نوعه blue suger ) ودا رجالي
pink suger) و دا حريمي
النوعين دول سيكسي جدا (للمتزوجين فقط )
بمعني صعب انك تميزهم من على بعد 20 سم من اللى حاطتهم
لكن بمجرد ماتشمهم عن قرب ..................... انت فاهم الباقى
فى رأيى رقم واحد
1- 212
2- blue jeans
insurrection -3