دفاعا عن نفسى وتوضيح الحق ولكل من اسأ وهاجم شخصى فى الموضوع المغلق

السلام عليكم ورحمه الله

زمايلى فى نايل موتورز ..أعتقد انكم خلاص عرفتم طريقتى فى التفكير فى المواضيع الدينية وقد اية انا بكرة الافكار المتشددة الهدامة اللى من وجهة نظرى مش بشوف ليها اى فائدة غير المشاكل وبس
لما بيكون فى موضوع محتار فية دينيا مثلا بلجأ اولا لكتاب الله وبحاول ع قد علمى انى ادور ولو فشلت بأتجة للسنة الصحيحة المؤكدة وبعد ذلك الى بعض الشيوخ المستنيرين اللى يثق فى رأيهم

الموضوع المغلق اللى عمل عاصفة من المشاكل بتاع موضوع الديانة المغلق...

اتهمت فية بصفات عديدة والزميل @ahmed samy عملتلك تقارير بمشاركة و@dr_mohamed اللى قاللى عشان تعرف بعد كدة اذاى تتكلم عن العلماء وخلافة

جملة عشان تعرف ..... الى أخرة هى دى اللى بتودينى فى داهية دايما

مثال العالم الجليل العوا خرج بتصريح يوم الجمعة واتنشر فى المصرى اليوم و الدستور وارسلتة ل @ahmed samy ع الخاص ... تصريح اول ماقريتة قلت دة اكيد اتجنن عشان يقول كدة.


ودة اللى قلتة فى الموضوع المغلق انة اتجنن ....

وهى دى اساس المشكلة... هل العلماء البشر دول مثلنا لا يصح لنا انتقادهم فقط لأنهم علماء ؟؟ هل هم أنبياء غلط الانتقاد فيهم ؟؟؟ لية البعض من العلماء و الشيوخ والزملاء دول شايف ان محدش يتكلم فى الدين غير هم ونحن الرعية نقول بس سمعا وطاعا ومش من حقنا نتناقش


البعض قال عنى متأثر بالافكار الغربية و و و و واخطر حاجة اللى حييجى منا ويهدم فينا ..اللى هو انا مثلا واللى بيعترض ع كلامهم

الكلام اللى اتقالى و لبعض زملائى موجود فى المشاركة 98 صفحة 10 فى الموضوع المغلق وفيما معناة ان سمعا وطاعا وخلاص

هل مثلا العالم جمال البنا مسموح ومباح فية الشتيمة ؟؟ ما الكل بيشتمة وبيضحك وملقتش واحد اعترض ؟؟ لية عشان كلامة معجبش البعض ؟؟ لكن لما قلت انا ع العوا مجنون فى تصريحة الاخير كان حلال فى الحرق والقتل !!! لية مش دة عالم و دة عالم مثلا ؟!

زميلى @ahmed samy انا فعلا قلبى ع بلدنا لأننا كلنا عايشين فيها ومش بؤيد اللى انت عايز توصلهولى وبؤيد اى حد تانى غيرة كمان ....

لكن انا فى رأيى ان احنا عشان نتطور شوية ونتقدم شوية لازم نخفف شوية حتة المحظورات من نقاشنا ونتكلم ونتناقش ... يعنى فى موضوع أروع مشهد .....

قلت رأيى (وكنت عارف انى حتهاجم بردة) ان انا مش مع ادارة المسجد فى اللى بتعملة واللى بيحصل وقتها. بردة اتهاجمت مهاجمة رهيبة ولسة بتهاجم لحد دلوقتى :))

عشان انا بتطرق لمحظورات وهى بنتقد حاجات بنعملها وانا كمان بعملها لكن عشان يتدخل فى خانة الدين وهى اصلا الدين منها برئ دايما الكل بيزعل منى ويشتكينى

كنت اتمنى من الاعضاء و الزملاء اللى كرهونى انهم يكونى اوسع افقا ويفهموا اللى عايز اوصلة بدلا من الاتهامات...
انا وضعت كذا فيديو دينى كنت بحسبة من قنوات امريكية ذى بتاع محمد صلى الله عليه وسلم فى الحقيقة ستسود او الكلام دة وطلع متفبرك وطلبت حذفة والادارة المستنيرة مشكورة حذفت الموضوع بسرعة ...مش عيب انى اعترف انى بغلط ومن الشجاعة انى احاول افهم واطور لأوصل بدينى ذى ماربنا اراد مش ذى مابعض الاسلاف والافكار الدخيلة علية بتريد

..........................


طبعا حتهاجم وحيتقال مينفعش تتكلم كدة عن العلماء و البنا يستاهل دة مجنون وقال الحجاب مش فرض والافكار دى عايزة النهضة وانت بتدعوا الى الفسق و و و و و ..لكن انا واثق اننا مش كدة وحنتقبل التفكير بالعقل اكتر من العاطفة

انا مش فاهم حاجة ؟؟؟؟ هو ايه اللى حصل

انت محضرتش موضوع الديانة المغلق ؟

لا يا باشا كنت مسافر

هو كان بيدور عن ايه ؟؟؟

بص يا باشا هو حضرتك اللى حطيت نفسك فى موقف مش ولا بد بآراءك آسف الشاذة حتى حضرتك لما جيت تضرب مثل حضرتك اتكلمت عن د/ محمد سليم العوا اللى العالم اجتمع عليه و جمال البنا الشخصية الشاذة اللى اجتمع على شذوذ افكاره العالم فاذا كان جمال البنا هو اللى بيدعوا للتنوير وحضرتك مقتنع بيه اوك محدش عنده مشكله وانت وربك بقى بس هقولك دا طريق خطأ ربنا يهديك.
انا مشوفتش الموضوع المغلق لكن شفت الموضوع التانى هقول حضرتك قولت ايه وانا ومعظم الافراد شيفينه شاذ شويه كلام حضرتك اللى بالبرتقالى
دلوقتى لية التكتل فى مكان واحد بينما فى مساجد اخرى قريبة برضوا مافيهاش واحد ؟؟!
لية تصلى وسط العربيات والتراب والترام وفى الازقة وفى مداخل البيوت و المناور ونعترض حرمة البيوت لما بقية بيوت الله فاضية
كل دة عشان الشيخ صوتة جميل ؟؟؟؟؟ !!! مش عذر
فى رأيى دة مش اسلام ابدا
واللى يعترض ويقول عنى كافر والكلام دة يقول
التكتل فى مسجد معين دى حرية شخصية انا الجامع اللى جنب بيتى الامام بتاعه بيشرب سجاير مبحبش اسمعله خطبه.
مش علشان الشيخ صوته جميل بس ولو ان دا عذر بالنسبه لى كافى جدا جدا اعمل حفلة لعمرو دياب وقولى الزحمة هتبقى قد ايه هنا ولا فى امريكا سيان كمان لو انت عارف او شاكك ان الشيخ دا قريب من ربنا وبيقول اللهم اشفى كل مريض بيننا اللهم فرج كربتنا هتقف وراه وهتدعى يمكن دعوته تستجاب.
انا فى رأيى ان هو دا الاسلام بعينه الناس اجتمعت على حب الله وطاعته ولما خلصت الصلاه كله روح فى منتهى الطمأنينه والسلام.
لا محدش قال عليك كافر
دا غير الكلام التانى اللى لو جبته هيبقى ردى طويل قوى
القصد من كلامى فيه حديث الرسول صلى الله عليه وسلم بيقول فيه "ما اجتمعت امتى على باطل" د/ العوا الناس اجتمعوا عليه وجمال البنا الناس اجتمعوا على شذوذ افكاره وأفكار حضرتك معلش محدش اقتنع بيها ومكنش حد هيرد عليك او هيهتم برد حضرتك لكن انت قولت ان اللى انت شوفته كان فوضى مش اسلام لكن انا أوأكدلك ان اللى احنا شوفناه اسلام اسلام اسلام وياريت تشوفنا دايما فوضويين.

انا بقى شايف ان كل واحد ينام على الجنب اللى يريحه
و ساعتها بس هنستريح كلنا

شكرا ع ردكم .... بعد كدة فعلا حاخد بالى اوى فى الكلام فى المواضيع دى عشان تقريبا 99% معارضين ليا فى الرأى ان مكنش 100%

بس أنا بستغرب لية مش بشوف المظاهر دى غير فى مصر بينما فى بقية الدول المسلمة والغير مسلمة مافيهاش المظاهر دى

فعلا انا افكارى شاذة عشان قلت
بلاش نصلى فى الازقة والشوارع وع شريط الترام ووسط البحر عشان غلط وياريت نوزع ونقسم نفسنا ع بقية المساجد الخالية

و عشان قلت كمان بلاش نقسم المصريين مسلم و مسيحى احنا كلنا مصريين وعايشين فى بلد واحدة

وعشان قلت وضع خانة الديانة فى النايل موتورز حتسبب تفرقة

وعشان قلت ان الأستاذ العوا (ولة التقدير) مجنون لما قال ع الملا وفى الصحافة و التلفزيون ان المسيحيين بيخبوا الاسلحة و المتفجرات فى الكنايس

عشان شايف ان تصريحة السابق حيعمل مشاكل و حرايق ومصايب مفيش ليها داعى وحيدخل بلاد تانية من برة وسطينا وحيستغل ضعاف النفوس من المسيحيين والمسلميين التصريح دة فى أشعال فتن فى البلاد

و افكارى شاذة عشان قلت ان الكلام عن الاغانى مش حيودى ولايجيب ولايزود ولا يأخر لأن فى مواضيع تانية كتير المفروض تشغل بالنا كمصريين اولا غير الاغانى ذى التعليم و الصحة وخلافة

وافكارى شاذة عشان عشان بدعو اننا نفكر ونختلف ونتفاهم مش عشان الشيخ الجليل او العالم الجليل قال يبقى قرأن أنزل.

وعموما فعلا كلمة مجنون غلط منى كان ممكن اقول تصريح خاطىء احسن بس انا مش صحفى ولا كاتب عشان اعرف انتقى الفاظى.

بما انى احد من هاجموا ارائك وبما انك وضعت كلامي هنا سأرد عليك
وللعلم انا لا احبك ولا اكرهك لانى لا اعرفك كشخص حتي احبك او اكرهك انا اكره افكارك لاسباب عديدة ذكرتها في الموضوع الاخر وفي الشكوي التي كنسلت عليها لجنة فض المنازعات لاسباب هي ادري بها وساذكر بعض منها هنا

اقتباس:

---

المشاركة الأصلية كتبت بواسطة ashouhdy

زمايلى فى نايل موتورز ..أعتقد انكم خلاص عرفتم طريقتى فى التفكير فى المواضيع الدينية وقد اية انا بكرة الافكار المتشددة الهدامة اللى من وجهة نظرى مش بشوف ليها اى فائدة غير المشاكل وبس

طريقتك في التفكير امر يخصك فمن حقك ان تفكر كيفما شئت لكن ما دام تفكيرك خرج لحيز العلن بالنشر يكون من حق الاخرين قبوله او رفضه
اما وصفك لمعارضيك بأنهم اصحاب افكار متشددة هدامة فهذا امر مرفوض ايضا فمن الذي يحدد ما هو هدام من الافكار هل انا او انت باعتبارنا احاد الناس ام المجتمع ككل ؟؟؟؟؟؟
بالطبع المجتمع ككل واعتقد راي المجتمع في افكارك واضح فلم نحد من يؤيدك الا من تعلم من هم

اتهمت فية بصفات عديدة والزميل @ahmed samy عملتلك تقارير بمشاركة و@dr_mohamed اللى قاللى عشان تعرف بعد كدة اذاى تتكلم عن العلماء وخلافة

انا عملت شكوي في قسم الشكاوي ضدك لقولك عن الدكتور العوا انه مجنون واعيدها عليك اما انك لا تعرف من هو الدكتور العوا فلا تعذر لجهلك به واما انك تعرف من هو فتحاسب على خطأك فيه ووصفك له بالمجنون كون المسئول عن قسم الشكاوي اخفي الشكوي ولم ينشرها فهذا امر يرجع للادارة ولن اعلق على قرارها


جملة عشان تعرف ..... الى أخرة هى دى اللى بتودينى فى داهية دايما

لازم تعرف طبعا انت بتتكلم عن مين قبل ما تغلط فيه ولا عايز تدي لنفسك الحق في التهجم على الاخرين من كبار العلماء دون ان تحاسب ودون ان يعترض عليك الاخرين


مثال العالم الجليل العوا خرج بتصريح يوم الجمعة واتنشر فى المصرى اليوم و الدستور وارسلتة ل @ahmed samy ع الخاص ... تصريح اول ماقريتة قلت دة اكيد اتجنن عشان يقول كدة.
ودة اللى قلتة فى الموضوع المغلق انة اتجنن ....

للمرة التانية بعيدها عليك انت مين اصلا علشان توصف العوا بأنه مجنون ؟
واقصد من انت علما ومعرفة ودراية حتي تصف العوا بهذا الوصف ؟؟؟
يا ريت تعرفنا مؤهلات حضرتك ومعارفك الدينية والعلمية التي تتيح لك وصف عالم كبير مثل العوا بالجنون

وهى دى اساس المشكلة... هل العلماء البشر دول مثلنا لا يصح لنا انتقادهم فقط لأنهم علماء ؟؟ هل هم أنبياء غلط الانتقاد فيهم ؟؟؟

العلماء بشر لكنهم ورثة الانبياء بعلمهم ولو سمح لكل شخص ان يهاجم العلماء لما بقي في امتنا علم
وحين يختفي العلم يسود الجهل ويصبح ارازل الناس وأجهلهم هم من يفتون الناس بالحلال والحرام وقد ذكرت لك في الموضوع المغلق ما قاله النبي الكريم في جلال العلماء وأهميتهم


لكن انا فى رأيى ان احنا عشان نتطور شوية ونتقدم شوية لازم نخفف شوية حتة المحظورات من نقاشنا ونتكلم ونتناقش

نشيل المحظورات يعني نسمح لكل من يريد بأن يهاجم علماء الاسلام ويهاجم اقامة شعائر الاسلام ؟؟؟
اذا كان هذا التطور يبقي انا واحد من الناس متشكرين خلينا من غير تطور احسن

... يعنى فى موضوع أروع مشهد .....قلت رأيى (وكنت عارف انى حتهاجم بردة) ان انا مش مع ادارة المسجد فى اللى بتعملة واللى بيحصل وقتها. بردة اتهاجمت مهاجمة رهيبة ولسة بتهاجم لحد دلوقتى :))

عشان انا بتطرق لمحظورات وهى بنتقد حاجات بنعملها وانا كمان بعملها لكن عشان يتدخل فى خانة الدين وهى اصلا الدين منها برئ دايما الكل بيزعل منى ويشتكينى

التطرق للمحظورات يكون لمن لديه القدرة والحق في الخوض فيها بعلم ومعرفة وقدرة على استنباط الاحكام ومعرفة الصحيح من الباطل اما من لا يعلم الفرق بين انواع الاحاديث واسباب النزول والناسخ والمنسوخ فأعتقد انه يكفيه ان يسمع كلام العلماء ويتعلم لا ان يفتي بغير علم

كنت اتمنى من الاعضاء و الزملاء اللى كرهونى انهم يكونى اوسع افقا ويفهموا اللى عايز اوصلة بدلا من الاتهامات...
طبعا حتهاجم وحيتقال مينفعش تتكلم كدة عن العلماء و البنا يستاهل دة مجنون وقال الحجاب مش فرض والافكار دى عايزة النهضة وانت بتدعوا الى الفسق و و و و و ..لكن انا واثق اننا مش كدة وحنتقبل التفكير بالعقل اكتر من العاطفة

العقل حين لا يتعارض مع النقل يكون عقل سليم الفطرة ولا يختلف مع الشرع وهذا العقل يجب اجلاله لانه ما ميز الله به الانسان عن الحيوان
لكن حين يشذ هذا العقل وينكر ما هو معلوم وما اجمعت عليه الامة فهو عاقل لا يستحق الا الشفقة سواء كان عقل جمال البنا او غيره ولا اقول فيه كلمة ذم واحدة ولا اطلب منه الا ان يهديه الله ويهدينا جميعا
اما العقلانية التي تطلبنا بها وسعة الافق فستكون موجودة حين لا تتهمنا باننا سبب البلاء في الدنيا كلها وحين لا تغضبك صلاة المسلمين يوم واحد في السنة وتتجاهل كل ما يعيق حياتنا طوال السنة

---

يا جدعان الموضوع هيسخن على الفاضى ملوش لازمة الكلام ده

@dr_mohamed

انا متهمتكش انك واحد من اصحاب الافكار الهدامة


رأىى واخد كبير من نسبة كبيرة فى المجتمع مش انا بس اللى بتفق ع نفس الافكار


دكتور العوا عالم ممتاز ولكنة سقط سقطة كبيرة بالتصريح اللى نشرة
و التصريح دة مش محتاج دارس لعلوم الدين والفقة عشان يعرف انة خطير جدا ومدمر


العلماء جميعا يختلفون ودايما حتلاقى واحد بيقول رأى مخالف للتانى ودة طبيعى والاختلاف دة رحمة


كلمة نخفف المحظورات اللى قلتها برضوا مش الغرض منها نشر الفسوق الغرض منها نفهمها كويس ونتكلم فيها لأن الدين برضوا علم

كلامك عن العقل والدين فى أخر جملة الرد علية فى المشاركة رقم7

اقتباس:

---

المشاركة الأصلية كتبت بواسطة ashouhdy

فعلا انا افكارى شاذة عشان قلت
1- بلاش نصلى فى الازقة والشوارع وع شريط الترام ووسط البحر عشان غلط وياريت نوزع ونقسم نفسنا ع بقية المساجد الخالية
2- و عشان قلت كمان بلاش نقسم المصريين مسلم و مسيحى احنا كلنا مصريين وعايشين فى بلد واحدة
وعشان قلت وضع خانة الديانة فى النايل موتورز حتسبب تفرقة
3- وعشان قلت ان الأستاذ العوا (ولة التقدير) مجنون لما قال ع الملا وفى الصحافة و التلفزيون ان المسيحيين بيخبوا الاسلحة و المتفجرات فى الكنايس
4- عشان شايف ان تصريحة السابق حيعمل مشاكل و حرايق ومصايب مفيش ليها داعى وحيدخل بلاد تانية من برة وسطينا وحيستغل ضعاف النفوس من المسيحيين والمسلميين التصريح دة فى أشعال فتن فى البلاد
5- و افكارى شاذة عشان قلت ان الكلام عن الاغانى مش حيودى ولايجيب ولايزود ولا يأخر لأن فى مواضيع تانية كتير المفروض تشغل بالنا كمصريين اولا غير الاغانى ذى التعليم و الصحة وخلافة
6- وافكارى شاذة عشان عشان بدعو اننا نفكر ونختلف ونتفاهم مش عشان الشيخ الجليل او العالم الجليل قال يبقى قرأن أنزل.
وعموما فعلا كلمة مجنون غلط منى كان ممكن اقول تصريح خاطىء احسن بس انا مش صحفى ولا كاتب عشان اعرف انتقى الفاظى.

---

1- كل انسان حر يصلي في المسجد اللى هو عايزه ولا دي كمان هنجبر الناس عليها وفي الاخر لما يجي حد يجبر اللى بيطالب بده بأي شئ يقولك حريتي يعني هي الحرية لمن يريد تقييد الاذان والصلاة فقط
2- محدش قال اننا نقسم المصريين لمسلمين ومسيحيين ووضع خانة الديانة كان لاسباب اخري ارجع للموضوع مرة تانية علشان تعرفها
3- ازاي توصف الدكتور العوا بأنه مجنون وتقول له التقدير ؟؟؟؟؟؟؟؟
ولما قال على الملا الكلام اللى قاله لم يكن من خياله ولكن بعد واقعة حقيقية حدثت بالفعل وهي ضبط شحنة اسلحة كان سيتم تهريبها مملوكة لأبن احد كبار رجال الدين المسيحي ببورسعيد
4- يعني تصريح الدكتور العوا اللى بيطالب فيه ان الدولة تفرض سيطرتها على كل اراضيها هايعمل مشاكل وحرايق ومصايب وهيدخل البلد في فتن ومش عاجبك وبتتهمه بالجنون علشان قاله
واللى قال ان المسلمين وافدين وسيرحلوا كما رحلوا عن الاندلس وان الدولة لو قربت من الكنائس لتفتيشها سيعود عصر الاستشهاد في اشارة لاستخدام السلاح ضد الدولة لا هيثير الفتن ولا هيعمل حرايق ولا جنون في رايك ؟؟؟؟؟؟
اكيد لانى مشفتش ليك كلمة في الموضوعات المتعلقة بمن قال هذا الكلام
5- وايه المانع اننا نعرف كل شء في ديننا ودنيانا ونتناقش فيهم ولا يعني معرفة الحلال والحرام غلط
6- العالم الجليل اللى بتتكلم عنه في صيغة استهزاء لو قال حاجة ضد الدين محدش هايسكت له لكن لما يكون ملتزم بكتاب الله وسنة رسوله فعلينا طاعته طبقا لقوله تعالى (وأطيعوا الله وأطيعوا الرسول وأولى الأمر منكم) وأولي الامر هم العلماء
يعني المفروض لا اتبع العلماء واتبع الجهلة ومن يبتدعون في الدين علشان ابقي متنور
طيب انا مضلم يا سيدي
ولو من البداية كنت قلت انك اخطأت حين وصفت الدكتور العالم محمد سليم العوا بالجنون وانك لم تقصد هذا الوصف مكانش اي حد من الاخوة ولا انا علقت لكنك اصريت ولم تعتذر عن هذا الوصف بل وتكتب موضوع جديد هدفك منه ليس الاعتذار عن الخطأ في حق أحد كبار علماء الاسلام بل لتأكيد رأيك مرة اخري

اقتباس:

---

المشاركة الأصلية كتبت بواسطة ashouhdy

@dr_mohamed
انا متهمتكش انك واحد من اصحاب الافكار الهدامة
رأىى واخد كبير من نسبة كبيرة فى المجتمع مش انا بس اللى بتفق ع نفس الافكار
دكتور العوا عالم ممتاز ولكنة سقط سقطة كبيرة بالتصريح اللى نشرة
و التصريح دة مش محتاج دارس لعلوم الدين والفقة عشان يعرف انة خطير جدا ومدمر
العلماء جميعا يختلفون ودايما حتلاقى واحد بيقول رأى مخالف للتانى ودة طبيعى والاختلاف دة رحمة
كلمة نخفف المحظورات اللى قلتها برضوا مش الغرض منها نشر الفسوق الغرض منها نفهمها كويس ونتكلم فيها لأن الدين برضوا علم
كلامك عن العقل والدين فى أخر جملة الرد علية فى المشاركة رقم7

---

بما انك وصفت من خالفوك في الموضوع الاخر بانهم من اصحاب الافكار الهدامة وانا واحد منهم فالوصف ينطبق علي كما ينطبق عليهم
والدكتور العوا في رايك سقط سقطة كبيرة لكن من هربوا السلاح لم يسقطوا فيها
الدكتور العوا سقط سقطة كبيرة لكن من وصف 90% من مواطني الدولة بانهم ضيوف وانهم سيرحلوا كما رحل المسلمين عن الاندلس لم يسقط فيها

الاختلاف يكون بين العلماء وليس بين عالم وعوام يرفضون رايه

الدين علم لمن يتعلمه وليس لمن يفتي فيه بغير علم وتخفيف المحظورات مرفوض ان كانت هذه المحظورات دينية والهية

حضرتك مصر توضح و جهة نظرك بالرغم من انك معترف بأن 99% و يمكن 100% من الناس بتعارضك
بما إنك وضحت رأيك و مصر عليه و مش بتتناقش فيه لأنه رأيك و انت حر
أحب أعرفك إني بارفض رأيك جملة و موضوعا و في أي موضوع له صبغة دينية سأتحري آرائك و أرد عليها لأنك لم تستوعب الردود في الموضوع السابق و هي كافية تماما
أدعو الله أن يهدينا و إياك إلي ما يرضيه

أما لما أتحري آرائك و أردها لأنك لا تدري انك تثير عاصفة من الجدل
نعم أنت نفسك و ليس غيرك
أنت لا تشعر بأنك الشخص الذي تنتقده
نعم أنت نفسك

انت بتجادل فقط لمجرد الجدال ... كلامك ياأستاذى لم يضف جديدا لاستفسارى

موضوع المسجد برضوا دخلت ان رأيى فى النظام دة يعتبر تقييد للأذان والحرية فى اقامة الشعائر الاسلامية .... لم تفكر للحظة مفهوم كلمة النظام مش ماشية بس ع موضوع المسجد لكن ع كل مافية فوضى لكن برضوا انت اختزلت وضيقت تفكيرك فى نقطة واحدة وهى الصلاة
اذاى طلبك بوضع خانة الديانة مش حيفرق وانت اصلا قلت عشان اعرف بكلم ميين واذاى...
تصريح الدكتور العوا سابق لأوانة جدا ولما تثبت تماما صحتها والنيابة تحقق يبقى مسموحلة يتكلم وبرضوا هو عمم خلى بالك ولعلمك كل الكنايس واقف عليها أمن وعساكر!

فى امور حتى لو ثبتت صحتها مينفعش تتقال ع الملأ فى الصحافة لأنها حالة فردية و التصريح بتاعة حيخلق حالة من التوتر والحنق و الغضب بين طرفين الامة لأن برضوا فى ناس مسيحيين كتيير جدا محترمين لكن مانشيت دكتور العوا فى صفحة رئيسية سقطة كبيرة.

@islam galal

أنا بنتقد نفسى ؟!! ماشى ... فعلا انا أثرت عاصفة من الجدل عشان قلت أراء مش ماشية مع اراء اغلبية الاعضاء هنا

شكرا ...

اقتباس:

---

المشاركة الأصلية كتبت بواسطة dr-mohamed

90% من مواطني الدولة بانهم ضيوف وانهم سيرحلوا كما رحل المسلمين عن الاندلس لم يسقط فيها

الاختلاف يكون بين العلماء وليس بين عالم وعوام يرفضون رايه

الدين علم لمن يتعلمه وليس لمن يفتي فيه بغير علم وتخفيف المحظورات مرفوض ان كانت هذه المحظورات دينية والهية

---

طبعا وصف مجنون أخر و رد ع رد !

محظورات دينية والهية عشان قلت ننظم نفسنا !!

ياجماعة انا كدة مش حوصل لأى نقطة ايجابية معاكم

و الغضب بين طرفين الامة لأن برضوا فى ناس مسيحيين كتيير جدا محترمين


عشان الناس المحترمين دول الكل مصرى يبحب يعيش فسلام و أمان معهم كان لازم الدكتور يذكر موضوع الأسلحه و خطرها الجسيم على المصريين كاكل و تهديدها للامن القومى معروف موضوع السلاح و ظهر فى أكثر من خلاف بين الكنيسه و الأهالى على وضع الأراضى (( هى دى مش فتنه المفروض و المفروض صدها )) و محاولة وجود حل ؟؟

بس يأستاذ saberman لسة الموضوع بتاع الاسلحة جارى التحقيق فية كان الاولى الصبر وانتهاء التحقيقات والحكم فية عشان يبقى الكلام لا يسمح بأحد يرد علية ذى ماحصل من الوصف بتاع ضيوف والكلام دة وتقوم معركة .. معايا ولا لأ

أسلحه جايه(من أسرائيل) على باخره مش مثبته (مهربه) يعنى التحقيق لا هيزود ولا يأخر , طيب ليه يستنى التحقيق نقطة الاسلحة دى معروف انها استخدمت فعلا فى النزاع على اراضى اكثر من مره و معروف أنها موجوده فى ألأديره و الحكومه معروف موقفها فى مثل هذه الأحداث , الراجل أتصرف صح - هيا متجيش غير كده ارزع الخبر على الهوا ... الحكومه معندهاش نقطة دم يمكن يحسوا على دمهم و يعرفوا أن فيه خطر بيهدد امن البلد و وحدتها .

الله يرحمك يا سادات وحسبى الله ونعم الوكيل

الجدال فى دين الله على نوعين
الاول :- جدال محمود شرعا وهو الذى يهدف لتبيين الحق بالحجة والادلة من كتاب الله وسنة رسوله صلى الله عليه وسلم وعلى هدى السلف الصالح رضى الله عنهم ورحمهم
و لا يلتفت لشىء بعد ذلك من أقوال او مذاهب او آراء لا تستند الى دليل من الكتاب او السنة فكل ماينشده اتباع الحق ولو كان عند غيره
قال الشافعى رحمه الله = ماناظرت أحدا الا وتمنيت أن تكون الغلبة له (يعنى من اهل السنة )
وهذا النوع قد ذكره الله تعالى بقوله (ادع الى سبيل ربك بالحكمة والموعظة الحسنة وجادلهم بالتى هى أحسن ان ربك هو أعلم بمن ضل عن سبيله وهو أعلم بالمهتدين ) النحل
فاذا بينت حجتك بالبراهين من آيات وأحاديث وفندت اقوال خصمك على ضوئها فقد أديت ماعليك
الثانى = جدال مذموم محرم
وهو الجدال بالباطل والشدة فيه وعدم الوقوف عند آيات الله واحاديث نبيه صلى الله عليه وسلم وعدم التسليم لها وسماه الله (جدالا بغير علم) وهو الذى نهى الله عنه فى كثير من الايات وشدد النبى صلى الله عليه وسلم فى ذمه
قال الله عزوجل(وَمِنَ ?لنَّاسِ مَن يُجَادِلُ فِي ?للَّهِ بِغَيْرِ عِلْمٍ وَلاَ هُدًى وَلاَ كِتَابٍ مُّنِيرٍ) لقمان
نعم فالعلم ماقام عليه الدليل وهذا يجادل فى دين الله بغير دليل بل مجرد شبهات واراء ليس عليها اثارة من علم
ولا يخلو صاحب هذا النوع من الجدال من تعصب لرجال بعينهم او مذهب بعينه يريد مناصرته واعلاءه ولوكان قوله على خلاف الحق وماجاء به كتاب الله والاحاديث النبوية فهو فى جداله متبع لهواه وكل ماينشده نصرت رأيه ومذهبه
قال الله (ومن أضل ممن اتبع هواه بغير هدى من الله ان الله لا يهدى القوم الظالمين )
وهذا النوع من الجدال يكون مرتعا للشيطان لانه لايحكمه دليل من قرآن ولا سنة فيسوق صاحبه ويذهب به كل مذهب بل ويوحى الشيطان اليه بالشبهات ليجادل بها ويستمر على باطله
قال الله (وَمِنَ ?لنَّاسِ مَن يُجَادِلُ فِي ?للَّهِ بِغَيْرِ عِلْمٍ وَيَتَّبِعُ كُلَّ شَيْطَانٍ مَّرِيدٍ * كُتِبَ عَلَيْهِ أَنَّهُ مَن تَوَلاَّهُ فَأَنَّهُ يُضِلُّهُ وَيَهْدِيهِ إِلَى? عَذَابِ ?لسَّعِيرِ) الحج
وقال الله (وان الشياطين ليوحون الى أوليائهم ليجادلوكم ) الانعام
وقدنزلت هذه الاية فى المشركين فانهم لما حرم الله الميتة قالوا للنبى والمسلمين اتأكلون ماقتلت ايديكم (اى الذبائح )ولا تأكلون ماقتل الله
ومثل هؤلاء مآلهم الضلال قال رسول الله صلى الله عليه وسلم ( ماضل قوم بعد هدى كانوا عليه الا أوتوا الجدل –ثم تلا –ما ضربوه لك الاجدلا )
ومثل هؤلاء هم أبغض الناس الى الله تعالى قال صلى الله عليه وسلم (أبغض الرجال الى الله الألد الخصم )

فاحذروا اخوانى ان تكونوا من هؤلاء فالانسان لن يعدم قولا يجادل به ولكن العبرة بما دل عليه الدليل
والمؤمن يجادل بالحق ليظهر الحق فيتبع الحق حيث ماكان وايا كان قائله طالما انه يوافق شرع الله ويتوقف عند كتاب الله فلا يرد قرانا ولا سنة فانما الامر دينا يلقى الله به يوم القيامة
(وَمَن يُشَاقِقِ ٱلرَّسُولَ مِن بَعْدِ مَا تَبَيَّنَ لَهُ ٱلْهُدَىٰ وَيَتَّبِعْ غَيْرَ سَبِيلِ ٱلْمُؤْمِنِينَ نُوَلِّهِ مَا تَوَلَّىٰ وَنُصْلِهِ جَهَنَّمَ وَسَآءَتْ مَصِيراً)
اللهم اهدنا الى ما تحبه وترضى