ممكن يا جماعة حد يشرحلي الطريق من الاتوستراد لحد كوبري العياط..والمسافة تقريبا اد ايه
وشكرا ليكم
عرض للطباعة
ممكن يا جماعة حد يشرحلي الطريق من الاتوستراد لحد كوبري العياط..والمسافة تقريبا اد ايه
وشكرا ليكم
تنزل منزل المنيب وتاخد الطريق الزراعي المسافة حتي مدينة العياط نفسها حوالي ساعة الا ربع تقريبا
+11111111111111111111111
المسافه حوالي 60-65 كم ..
و خد بالك من المطباااااااااااااااااااا ااات .. كتيره جدا و عاليه و جديده
و الأسفلت عالي وواطي و كله مطبات هواااااء
و الأسفلت فيه مناطق مرصوفه و مناطق لأ .. و ممكن مره واحده تلاقي الطريق مستويين ..
نصه عالي و نصه واطي
أنصحك تمشي ورا ميكروباص تويوتا عشان هما حافظين
و متزودش عن 80 .. ( و ان كان التويوتا في بعض المناطق بيوصلوا 140-160 ) .. بس في لحظه بتلاقيه فرمل تاني
و تروح و تيجي بالسلامه
المده الزمنيه للرحله هتاخد حوالي ساعه و نص .. الا لو كنت الصبح بدري .. ساعه فقط
الف شكرا ليكوا
يا باشا الطريق ده اكل لي مش اقل من 8 فرد كاوتش خلاص حفظته لما زهقت من شكله
ونصيحة اخونا احمد خضر مهمة جدا خد بالك اويعلشان الطريق شوية مسفلت وشوية مفيش اسفلت
واوعي تجري ولا تزود عن ال60 حتي لان ممكن تلاقي اذ فجأة واحد ماسك جاموسة وقرر يعدي الطريق وانت اللى تاخد بالك
او تلاقي عربية كارو قرر سواقها مرة واحدة يعدي الطريق رغم ان والله في اوقات بشوف الحمير مش عايزة تعدي لكن نعمل ايه في ال ....... اللى سايق الحمار