مشكله فى الدريكسيون

**AhmedZayed** · 21-09-2010 06:43 PM

انا عربيتى لانوس 2001 وعندى مشكله غريبه فى الدريكسيون لما باجى اخد ملف واسيب الدريكسيون مش بيرد لواحده بل بالعكس بيكسر نفسه على الاخر ولازم انا اللى ارده بنفسى والمشكله دى موجود سواء لفيت يمين او شمال وهى مش مشكله بالنسبالى انا عارف اتأقلم معاها بس خايف يكون كده فى حاجة كبيره

**kamalsalem** · 21-09-2010 06:45 PM

بص ع المقصات والبارات والبيض.. عشان دي مشكلة لو البيض فنس منك لا قدر الله وانت ماشي... بيتهيألي هما دول اللي يخلوا العربية يبقى عجلها مقلوب

**AhmedZayed** · 21-09-2010 06:52 PM

هو فى تخبيط جامد فى العفشه من قدام لما بمشى فى اى حته مكسره

**kamalsalem** · 21-09-2010 06:56 PM

جميييل اللي انت بتقوله ده... كده اكييييد في حاجة مفكوكة في العربية دي من تحت واغلب الظن انها المقصات... نظامها ايه على السرعات؟ الدركسيون ملبن؟

ارفع العربية على الكوريك بحيث الفرد تعلى من على الارض واقفل الدركسيون وهي العربية مبطلة وهز الفرد.. لو بتلب يبقى البيض روح