منور دايماً يا عم فهـــــد :)
بص يا لورد انا عن نفسي معجب بالألوان التالية :
الأسود - الأحمــر-البرتقالي - الرمادى
لكن :
بالنســبة للأســـود : هو تحفة و الشياكة كلها ، لكن التراب يا حبيبي بيبان فية علي طول و انت عارف طرق مصر عامل ازاى ... و مش معقولة اسحب واحد تحت العربية و كل شوية أركن و أقولة أمسح العربية يا ابني .... اعتقد انها مناسبة إلي حد ما إلي المناطق الساحلية حيث تقل نسبة التراب فى الشوارع بالاضافة الي اتساع الشوارع بها .
بالنسبة للأحــــمر : عارف الحاجة المدلعـــة علي الطريق مش معقولة مش ها تلفت أنتباهك .... و أكيد مش ها تدور علي العربية كثير في اى مكان انت راكن فية ... لكنها مناسبة إلي الشـــباب أكثر و متميزة بالنــسبة للسيدات .
بالنســبة للبرتقالي : دة لون طالع من عيني و تقدر تقول علية نفس كلام للون السابق و هو حقيقي جميل لكن تظل المشكلة هل العربية لك بمفردك كشــاب ام للعائلة ؟
بالنسبة للرمادي : انا عجبني أنة بيجسم البودي بتاع العربية في هدوء + يصلح للشباب و كذلك لباقي العائلة + طبعاً مشكلة التراب مش ها تبقي واضحة فية قوووى
بالنــسبة للرصاصي : هو حلو بس مش عارف لما شفتة افتكرت العربية اللانســر لية ، هتلقي نص البلد معاها اللون دة .... فكرة غير منطقية خبطت في دماغي .
:eek: لحظـــة علي فكرة دة رأى انا و كل مسئول رأية و أفكارة :eek: