بخصوص لمبه التشك بتاعت النيو اكسنت والالنترا

عرض للطباعة

21-09-2010, 08:27 PM
mahamedaraby

بخصوص لمبه التشك بتاعت النيو اكسنت والالنترا

النهارده كنت فى التوكيل بعمل صيانه الالف

وعرفت ان غيور ليه الناس كلها بتشتم فيه حاجه فى منتهى الغباء العربيه داخله تعمل صيانه الالف يعنى تغير زيت وفلتر بس تقعد من الساعه 1 الظهر لحد الساعه 5 المغرب واقعد نص ساعه علشان ادفع الفاتوره تهريج يعنى (فرع ابو رواش)

ماعلينا نكمل موضوعنا
دخلت على المهندسه قولتها انا لمبه التشك مش بتنور عندى قالتى ازاى ؟
قولت ليها تعالى شوفى اقعدت تفتح الكونتكت كذا مره مفيش قالتى ماشى وكتبتها فى الصيانه
العربيه دخلت الصيانه وانا بستلم منها العربيه بتقولى اصل الموديل ده مفهوش لمبه اتشك :stink[1]: انا اتصدمت الصراحه يعنى ايه عريبه موديل 2011 ومفهاش لمبه اتشك يعنى ايه عربيه انجكشن ومفهاش لمبه التشك يعنى ايه عربيه فيها كنترول كامل ومفهاش لمبه اتشك

واللى متاكد منه مليون الميه انك لو فكت التابلوه ووصلت سلك بلمبه لمكان لمبه التشك هتنور وتشتغل عادى جدا
تانى حاجه مكتوب فى الكتالوج على اللمبه انها موجود فى كل العربيات ولازم تنور لما تفتح الكونتكت لكام ثانيه ولو ما اشتغلتش توجه لاقرب فرع معتمد

طيب الحل ايه ؟
21-09-2010, 11:36 PM
Ashraf_Ibrahim

فليحيا غبور
مش قلتلكم مشكلة غبور سببها
ما ينفعش اللمبة تكون في الفيرنا ومش موجودة في الأكسنت !
22-09-2010, 01:40 AM
modydosoki

مككن اعرف المبه دي شكلها عامل ازاي بالظبط علشان اقدر اقولك انها موجوده في الالنترا ولا لا
22-09-2010, 01:56 AM
mahamedaraby

ده شكل الصوره فى التابلوه

http://www.darbysieben.com/images/checkengine.jpg
22-09-2010, 01:58 AM
modydosoki

لا يا باشا دي بتنور عندي في الالنترا 2011 انا متاكد لو انت مش بتنور عندك روح اعمل فرح في التوكيل لان افنكر انها برده المفروض تنور في عربيه حضرتك واكيد حد من الاعضان معاه اكسنت وحا يقولنا بتنول عنده ولا لا
22-09-2010, 02:05 AM
Ayman-Ahmed

بس هو انت رحت فرع ابو رواش ازاى يا باشا.ده انا بحاول من بعد العيد احجز هناك وقاللولى الفرع قافل لحد يوم 26 وبعد كده رحت فرع قليوب ولا عشان ضغط الشغل يمكن فى فرع ابو رواش.وحتى لما رحت فرع قليوب لقيت الاسم مش موجود فى الكشف.
22-09-2010, 02:08 AM
mahamedaraby

انا النهارده كنت هناك والفرع زحمه جدا ولا انصح اى حد يروح الصراحه

وحجزت عادى بالتليفون

وبالنسبه لا الالنترا انا كنت عامل الموضوع ده قبل ما عمل الصيانه وكان كل الناس اللى معاهم الاكنست المبه مش بتنور وفيه ناس معاهم الالنترا قالت انها مش بتنور برضوا

وده لينك الموضوع
http://www.nilemotors.net/Nile/17807...post3873035871
22-09-2010, 02:11 AM
Ayman-Ahmed

هو الفرع ده علطول زحمة.انا بطلت من صيانة ال5000 اروح هناك وبروح قليوب.مرتاح معاهم بصراحة وتحسهم شغالين برواقة ومدير الورشة والمركز رايح جاى على العمال.

هبص على لمبة التشيك واقولك.
22-09-2010, 02:31 AM
modydosoki

بكره ابص عليها واقولك برده يمكن انا غلطان
22-09-2010, 02:40 AM
kamalsalem

يا جماعة اي عربية انجكشن لازم يبقى فيها لمبة تشك... من اول الاكسنت القديمة واللانوس الدايو اول ما نزلت
22-09-2010, 02:42 AM
modydosoki

هوه الي انا متاكد منه اني بشوفها لما اكون فاتح الكونتاكت وبرده اشوف بكره واتاكد
22-09-2010, 09:37 AM
lol64

موجوده فى النترا 2010
22-09-2010, 01:10 PM
kh_fawzy

انا معاى النترا 2005 ومافيهاش لمبه التشك وبعت ايميل الى كوريا وبعتوة لغبور وجالى الرد :
Dear sir
Good day for you
Kindly be informed that the Elantra 2005 haven’t check engine lamp

Yours
Emad naguib
Technical support manager
22-09-2010, 01:30 PM
Ayman-Ahmed

مش موجودة فى النيو اكسنت 2010
23-09-2010, 03:00 AM
mahamedaraby

برضوا مش قادر افكر ازاى يعنى مش معموله
فى الكتالوج مكتوبه انها لازم تبقى موجوده

انا بفكر اروح لحد بتاع عدادت يوصلها ليا وخلاص اصل اكيد مليون الميه مكانها موجود وناقص بس التوصيل ؟
23-09-2010, 08:59 AM
OilMan

بجد حاجة تعل يعنى انا كان معايا فيرنا 2004 وكان فيها اللمبة وبتنور وزى الفل واليوم مع زوجتى نيو اكسنت 2011 ومش بتنور بجد حاجه تخللى الواحد يهب فى عمو غبور استهبال بجد ياريت لو جميع ملاك العربية يقولوا الموقف عندهم هل موجودة من اصله ومش بتنور ولا مش موجوده من اصله
23-09-2010, 10:08 AM
ramy_fiat_2000

انا مش بتنور عندى برضه
الانترا 2008
23-09-2010, 10:43 AM
bob12345

طيب انا معايا الالنترا 2008 خليجي
و مش بتنور
23-09-2010, 11:03 AM
khpopo

ياجماع ده موجوده فى الاسبارك لانها مهمه دلوقتى جدااا
ربنا يوفق
23-09-2010, 01:25 PM
M.Elhamy

للاسف مش مشكلة غبور عشان حتى الخليجي مفيهاش

عمتا أنا قلت كده برده

The Car is not equipped with Check Engine Light
23-09-2010, 09:42 PM
mahamedaraby

طيب والحل ؟ ؟
24-09-2010, 03:05 PM
abosamra

انا كمان معاكو النترا 2011 مفيش لمبه تشيك او مؤشر حراره اكيد هما شايفين انها حاجات ملهات لازمه ياريت يكون فيه موقف جماعى واقتراح بالحل
27-09-2010, 09:00 PM
=ISLAM=

انا بعد اللي انتوا كتبتوه بصيت وبرده اللمبه دي منورتشي بس مشفتش بقي هيه موجوده اصلا ولا لأ ؟؟؟

طب ايه ممكن يكون الحل ؟؟؟؟؟

انا ان شاء الله هاروح ابو رواش في صيانه ال 5 الاف بس هيه فاضل عليها شويتين وانا عارف واحد هناك وهاعمل فرح هناك ان شاء الله لو طلعت

موجوده ومش متوصله.

ولو حد وصل لحاجه ياريـــــــــــت يبلغنا.
27-09-2010, 09:05 PM
M.Elhamy

لأ الموضوع مش موضوع لمبة , أصلا أنا مش لاقي Socket بتاع ال ECU جوه العربية !
28-09-2010, 09:13 AM
OilMan

للاسف الموديل ده مش موجوده وانا عملت صيانة الالف بابو رواش وسالتهم ومش موجوده من اصله ولا حتى الوصله ولا ليها مكان وغير كده بقى انى اكتشفت حاجة انيل من ديه انا اخويا معاه العربية ديه موديل 2007 او 2008 مش فاكر وفيها ُeps واللمبة بتاعته بتنور وشفتها بعينى وكان سعرها ايامها 81 الف يعنى مفيش فرق فى السعر
بجد حسبى الله ونعم الوكيل فيك يا غبوووووووووووووووووور
10-10-2010, 12:36 AM
bob12345

اقتباس:

المشاركة الأصلية كتبت بواسطة OilMan

للاسف الموديل ده مش موجوده وانا عملت صيانة الالف بابو رواش وسالتهم ومش موجوده من اصله ولا حتى الوصله ولا ليها مكان وغير كده بقى انى اكتشفت حاجة انيل من ديه انا اخويا معاه العربية ديه موديل 2007 او 2008 مش فاكر وفيها ُeps واللمبة بتاعته بتنور وشفتها بعينى وكان سعرها ايامها 81 الف يعنى مفيش فرق فى السعر
بجد حسبى الله ونعم الوكيل فيك يا غبوووووووووووووووووور

باشا eps ده electric power steering
مش esp ولا abs وكل الالنترا فيها باور كهرباء
و الالنترا اول ما نزلت في 2007 كانت ب 88 تقريبا
بس في 2008 غليت كان اعلي سعر
10-10-2010, 12:37 AM
bob12345

اقتباس:

المشاركة الأصلية كتبت بواسطة M.Elhamy

لأ الموضوع مش موضوع لمبة , أصلا أنا مش لاقي Socket بتاع ال ECU جوه العربية !

لا موجود ياباشا
10-10-2010, 01:47 AM
M.Elhamy

لقيتها فعلا وعملت أردر ل Scanner

حبقى اقولكم إلاخبار والاسعار ان شاء الله
10-10-2010, 02:38 AM
mahamedaraby

اقتباس:

المشاركة الأصلية كتبت بواسطة m.elhamy

لقيتها فعلا وعملت أردر ل scanner

حبقى اقولكم إلاخبار والاسعار ان شاء الله

مش فاهم يعنى انت لقيت مكانها والوصله بتاعتها ولا ايه ؟
10-10-2010, 10:03 AM
OilMan

مشكور يا باشا وده فعلا اللى فمهته من احد المهندسين فى التوكيل بس لعلمك ده عيب انى الباور على كهربا مش ميزه وده برده اللى فهمته من المهندس هناك فى صيانة الالف
بس عامة هى عربية ما شاء الله عليها احسن امكانيات باقل سعر يعنى انا جبتها 2011 ب 78 الف وبعد اسبوع بقت 80800 وادى المدام راكباها وبجد انا لما باركبها عجبانى وكمان سحبها رائع

اقتباس:

المشاركة الأصلية كتبت بواسطة bob12345

باشا eps ده electric power steering
مش esp ولا abs وكل الالنترا فيها باور كهرباء
و الالنترا اول ما نزلت في 2007 كانت ب 88 تقريبا
بس في 2008 غليت كان اعلي سعر
10-10-2010, 01:45 PM
bob12345

اقتباس:

المشاركة الأصلية كتبت بواسطة oilman

مشكور يا باشا وده فعلا اللى فمهته من احد المهندسين فى التوكيل بس لعلمك ده عيب انى الباور على كهربا مش ميزه وده برده اللى فهمته من المهندس هناك فى صيانة الالف
بس عامة هى عربية ما شاء الله عليها احسن امكانيات باقل سعر يعنى انا جبتها 2011 ب 78 الف وبعد اسبوع بقت 80800 وادى المدام راكباها وبجد انا لما باركبها عجبانى وكمان سحبها رائع

لا ياباشا الباور الكهرباء مش عيب و لا حاجة ده بالعكس و علي فكرة الكورولا و السيفك و الشارك و معظم
العربيات حاليا باور كهرباء
وربنا يباركلك في النيو اكسنت عربية جميلة بس انا فاكرك يا باشا بتتكلم علي الالنترا مش النيو اكسنت
عشان كده بقول لك اول مانزلت كانت نزله ب 88 الف تقريبا
08-12-2010, 10:19 PM
ahmedabutaleb

انا معايا نيو اكسنت 2010 وبرده مش موجوده