الموضوع: كفـــــــــــــــــــاية

تحية علي الموضوع أولا......... شوفت أسمي فيه بالصدفة
بس أنا بصراحة مش معاك في موضوع منع المواضيع الدينية في المنتدي..........كيف تستقيم الحياة بدون دين!
ملخص الحل في نظري هوأداب الحديث والنقاش
وأولا وأخيرا زي ماأستشهدت بالأية الكريمة مرارا وتكرارا(( لكم دينكم ولي دين ))
وزي ما الأخوة قالو لو ها نمنع الكلام والمناقشات والأستشهاد بالدين في حديثنا أمال هانستشهد بايه غير كلام الله عز وجل شرط الحسني في الجدال(النقاش).............يبقي لا معني لمواضيع الا جتماعي.
وده رأي المتواضع والله أعلم........تحياتي

المشاركة الأصلية كتبت بواسطة Dr.Karim Emam

بسم الله الرحمن الرحيم

و في الآخر أود أن اوجه رسالة لكل من
ashouhdy
Islam_galal
otefa
Ahmed Samy
dr-mohamed

المسامح كريم و جل من لا يسهو أو يخطئ

و ياريت نصفي النفوس و نسامح بعض

صافية وزي الفل والله والحمد لله......الأختلاف في الأراء لايفسد للود قضية

المشاركة الأصلية كتبت بواسطة ashouhdy

@Dr_Karim Emam

اشكرك بجد ع دعوتك الطيبة و الحمد لله ع كل شىء ... عن نفسى انا مش شايل كراهية لأى شخص فى منتدانا الجميل بالعكس اوجة الشكر لكل من شارك فى المواضيع اللى اتقفلت لأن ع الرغم من أختلاف وجهات النظر الا انى استفدت بردة من أرائهم وارجو ان ميكنش فى حد شايل منى اى حاجة

وسلام حاار للأدارة بجد ممتازة فكرتنى بالحكم اللى عرف اذاى يدير مبارة ساخنة جدا حتى النهاية من غير ولا انذار :))

ولو ع التقارير اللى اتعملت فيا ياريت نخليها جوة المنتدى و خناقتنا متوصلش لأمن الدولة :)))))))))


شكرا لييك

أزيك يا شهدي باشا.........وفعلا كلنا بندخل المنتدي علشان نتبادل الأراء والخبرات من بعض سواء سيارات أو حياتية ولو فيه أي رأي أو نصيحة من عضو للتاني ففي الأغلب بهدف خير

المشاركة الأصلية كتبت بواسطة azmeralda

الحل ان ميبقاش فى مواضيع دينية !!!!!!!!!!!!!!!!!!!!

هو ده الحل من وجهة نظركم؟

خلاص يبقى يتلغى المنتدى الأجتماعى أصلا
المنتدى الاجتماعي مش دين و بس
ده بيتناقش فيه كل ما هو بعيد عن السيارات

لأن اذا كان هيتسمح لمواضيع من نوعية واحد عايز يزنى مع واحدة صاحبها على مراته وعامل نفسه الحمل الوديع مع ان هو اللى طلب منها تروح معاه فى عربيته وبيستخدم الفاظ تخدش الحياء
بلاش التهكم اللي في كلام حضرتك ده
الراجل كان في محنة و اختبار من الله عز و جل و الحمد لله بفضل الله ثم نصائح الأعضاء رجع الى صوابه


واذا كان هيتسمح لمواضيع من نوعية الستات تتعدل ببوز جزمة
وسيب خطيبتك تغور فى ستيين داهية
ومراتى وشها خشب ياعم انزل وسيبها تتفلق وتتربى
والشتايم المتبادلة اللى بتولع الدنيا برضه لأن مفيش اسلوب محترم ان كل واحد يعرف انه الست بتشمل امه واخته وبنته وكل واحدة تعرف ان الرجل بيشمل ابوها ولخوها وابنها ومهما نتكلم مفيش فايدة
لأ طبعا الكلام ده مايرضيش حد

دلوقتى وقفت على موضوع يعرف حاجات فى الدين هو ده اللى بيولع الدنيا

اذا كان هو منتدى متخصص فى السيارات يبقى كل الأقسام التانية تتلغى

طب ما كل المنتديات اللى فى الدنيا متخصصة وفيها قسم دينى


اللى بيولع الدنيا هو ان حد يتدخل بدون علم ممكن الأدارة متسمحش لحد يكتب فى المواضيع الدينية الا اذا كان مؤهل بأنه يبعت شهادات معينة تثبت ده وبكده محدش من الأعضاء الكرام يرد ويقول انت بتألف او الكلام ده جبته منين واللى قبلنا كانوا وقافين عند الكلام الشرعى مش بيعدلوا عليه برأيهم الشخصى
وايه الغلط ان المنتدى يبقى فرصة ان اللى مش عارف حاجة يعرفها زى مبنفيد بعض فى كل حاجة تانية ولا لازم نفيد بعض فى الدنيا بس
يمكن ناخد بايد بعض للجنة ولا واسعة دى!
هو ده مربط الفرس
الله يفتح عليكي

المشاركة الأصلية كتبت بواسطة otefa

تحية علي الموضوع أولا......... شوفت أسمي فيه بالصدفة
بس أنا بصراحة مش معاك في موضوع منع المواضيع الدينية في المنتدي..........كيف تستقيم الحياة بدون دين!
ملخص الحل في نظري هوأداب الحديث والنقاش
وأولا وأخيرا زي ماأستشهدت بالأية الكريمة مرارا وتكرارا(( لكم دينكم ولي دين ))
وزي ما الأخوة قالو لو ها نمنع الكلام والمناقشات والأستشهاد بالدين في حديثنا أمال هانستشهد بايه غير كلام الله عز وجل شرط الحسني في الجدال(النقاش).............يبقي لا معني لمواضيع الا جتماعي.
وده رأي المتواضع والله أعلم........تحياتي

أنا قلت توقف المواضيع الدينية في الفترة دي بس كمحاولة لضبط النفس و عشان نعطي فرصة لكل واحد انه يراجع افكاره و اراءه مره اخري
وبعدين ترجع تاني المواضيع الدينية

و بالنسبة للإستشهاد بآيات أو احاديث دي شئ و فتح مواضيع دينيه من الأول أو تحويل اتجاه الموضوع الى الدين شئ آخر

الحمدلله إن الدعوة جابت مردود إيجابي

بس أنا عندي فكرة
ممكن الإداره تعين احد الأعضاء المشهود لهم بالتدين و حسن الخلق و يكون مضطلع دينيا و يكون زي (مفتي المنتدي)
و لو اي عضو احتاج أي مشورة دينيه يلجأ له و يأخذ برأيه عشان نضع حد للقيل و القال

المشاركة الأصلية كتبت بواسطة dr.karim emam

الحمدلله إن الدعوة جابت مردود إيجابي

بس أنا عندي فكرة
ممكن الإداره تعين احد الأعضاء المشهود لهم بالتدين و حسن الخلق و يكون مضطلع دينيا و يكون زي (مفتي المنتدي)
و لو اي عضو احتاج أي مشورة دينيه يلجأ له و يأخذ برأيه عشان نضع حد للقيل و القال

أنا معاك بس متحفظ في أنه يكون مفتي(كلامه مسلم بيه).......هو يوضح ويستشهد بأيات من القران والسنة لأنه وببساطة في رأي لايوجد أنسان منزه عن الخطأ بس الموضوع ممكن يقلل من الخلاف واللبس في كثير من المواضيع
بس ماتنساش نقطة مهمة أننا موقع عام للسيارات وغير معلن له رسميا ديانة محددة ولا يجوز ذلك في نفس الوقت فتطبيق الأقتراح هايبقي صعب شوية لأنه مش موقع ديني بالأساس.

المشاركة الأصلية كتبت بواسطة azmeralda

خلاص طالما هيناقش كل ماهو بعيد عن مجال السيارات يبقى منستسنيش الدين

بس ياريت نستسنى المواضيع التى تخدش الحياء



وبعدين انا بتكلم كده عنه لأن فى بداية قرايتى للموضوع فعلا صعب عليا وحسس الجميع ان هو واقع فى مصيدة البنت دى ومحدش يبكتنى ومعرفش ايه مع ان هو اللى قال لها تعالى معايا نروح مصر سوا
يعنى فتح الباب للشيطان على مصراعيه
وبعدين بعد كل الكلام الرائع اللى الأعضاء الكرام قالوه واللى يهز جبل و يطفش شياطين كتير جدا لقيته بيقول وبعد كمان ما لقاها مع واحد تانى فى عربية مش معقول بقى فى بعد كده

"يا جماعة انا دلوقتى مش بقاومها هى خلاص انا بقاوم شيطانى انا اللى بيقول لى ---- "ومقدرش اصلا اعيد اللفظ الفظيع
اللى بين جدا ان هو مش الحمل الوديع اللى بيحاول يظهر نفسه عليه واذا كنتو مخدتوش بالكو معلش يعنى الكلام ده بين جدا ان هو على قدم المساواة معاها فى الجرم اللى عايزين يرتكبوه وان خلاص معدش ينفع معا ه الطبطبة فى الكلام وميصحش اصلا يتكلم عن الفكرة الظريفة اللى شيطانه بيقول له عليها دى عالعام يبعت بقى للناس اللى ردوا عليه عالخاص لكن ده اسمه خدش للحياء وعيب واذا كان فى حاجة تستاهل نقول لها كفاية يبقى ده

طبعا عندك حق والله.......ده غير أذا بليتم فأستتروا طمعا في التوبة و المغفرة