| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 19

  1. #1

    الصورة الرمزية =ISLAM=

    رقم العضوية : 71936

    تاريخ التسجيل : 30May2010

    المشاركات : 345

    النوع : ذكر

    الاقامة : Cairo

    السيارة: NEW ACCENT AT 2011

    السيارة[2]: LaNoS 1 - 2000

    دراجة بخارية: لا يوجد

    الحالة : =ISLAM= غير متواجد حالياً

    افتراضي حجز - استلام - ترخيص - صيانه الالف للنيو اكسنت 2011 الاوتوماتيك ( تقرير كامل مصور ) - Facebook Twitter whatsapp انشر الموضوع فى :

    hasad">

    بسم الله الرحمن الرحيم



    انا الحمد لله بعد طول تفكير في شراء عربيه زيرو – الحمد لله ربنا كرمني واستقريت علي النيو اكسنت - الاوتو 2011 - اللون فيراني – السعر 86.500 الف ج – تقسيط اسلامي مع البنك الوطني للتنميه علي سنتين – جبت العربيه من معرض السقا اللي في ش السباق بجوار الميريلاند.




    وهاحكيلكم علي الخطوات اللي مريت بيها من اول الحجز ثم الاستلام والترخيص مرورا بصيانه الالف في فرع قليوب.

    اولا: الحجز:

    - رحت في الاول الي فرع هيونداي غبور اللي امام نادي هليوبوليس وحجزت العربيه ودفعت 1000 ج حجز والكلام ده كان يوم الثلاثاء ( الثلاثاء قبل الاخير من رمضان ) وخلاص كنت مستني علي اساس يجيلي استعلام البنك والموافقه خلال 24-48 ساعه بالكتير وكنت كل يوم اكلم المندوب ويقولي متقلقشي لحد مارحتله يوم الخميس بليل (12 ص) كنت راجع من مشوار قلت اعدي عليه لقيته بيقولي انت عايز لون ايه قلتله فيراني زي مااتفقنا قاللي مفيش فيراني قلتله ازاي قالي في الوان تانيه كده قلتله ازاي مش انا حاجزها قاللي خلصت قولتله خلاص سيبني افكر.
    - المهم رحت علي معرض السقا علي طول كان في ناس اصحابي كتير اتعاملوا معاه وشكّروا فيه سألته اذا كان موجود اللون الفيراني قاللي اه في اخر واحده اوتو قاللي ممكن تجيلي بكره بعد الصلاه وتحجزها – انا قولت بدل ماتروح مني اروح البنك بسرعه اسحب واروح احجزها وفعلا عملت كده ودفعت حجز 1000ج .
    - يوم الاحد الصبح الناس بتوع البنك كلموني وعملوا الاستعلامات الازمه والحمد لله الموافقه طلعت نفس اليوم , المندوب اتصل بيا وقاللي ممكن تيجي تستلم بكره (يوم الاثنين).
    - طبعا في الوقت ده انا قدمت علي طلب الغاء حجز في نفس الفرع بتاع غبور وكتبت السبب عدم توافر اللون واسترديت المبلغ 1000ج كامل بعد اسبوع .

    ثانيا:الاستلام:

    - رحت والحمد لله استلمت العربيه يوم الاثنين (الساعه 3عصرا ) , رحت الاول البنك علشان اخلص حوار الشيكات وبعد كده رحت المعرض خلصت الاجراءات واستلمت العربيه .
    - العربيه كانت عامله 80 ك (كنت حاسس انه كتير شويه بس قولت مش مشكله).
    - كان في طبعا شويه حاجات لازم بتشيك عليها وانت بتستلم العربيه (معلشي هما كتير شويه بس ده حقك) وهما:

    · لازززززممممممممممممم تستلم العربيه بالنهار علشان لو فيها اي خدوش تبان معاك والخدوش مش شرط تكون من بره بس (صاج + فوانيس + طاسات العجل ) لازم كمان تبص علي التابلوه لو متخربش او اي جزء في الابواب.
    · قراءه عداد السياره (اللي كان 80 ك في حالتي).
    · الورق الابيض علي السقف – الكبوت – الشنطه (عايز تشيله في ساعتها او وقت الترخيص براحتك بس ميكونشي موجود علي العربيه اكتر من 2-3 ايام علشان ميعملشي فرق في الالوان من الشمس).
    · وباتالي اللزق الشفاف + الاكياس اللي بيكون مغطي الكراسي والابواب .
    · ضمان العربيه والكتالوج ( عربيه + كاسيت ).
    · مفاتيح السياره (2 مفتاح +2 ريموت ده غير ان في مفتاح بريموت فيهم بيبقي معاه الكود الخاص بالمفتاح).
    · الأنوار الخارجيه (الاشارات كلها يمين وشمال – الفوانيس الاماميه عالي وواطي ورعاش – لمبه الاستوب - الفوانيس الخلفيه ونور الفرامل والمارش – الفوجات لو موجوده).
    · الانوار الداخليه (نور التابلوه و العدادات – نور القرايه – نور الصالون ).
    · التكييف (تشغله وتتأكد ان الفتحات كلها بها تهويه وجرب السرعات بتاعت المروحه وجرب اوضاع التكييف المختلفه ولازم تحس بالتكييف علي حسب الاوضاع المختلفه ) – طبعا مش هاتشغله اول الف ك.
    · السنتر والانذار جرب افتح واقفل وحاول تفتح والسنتر قافل شوف هايحصل ايه وجرب الابواب كلها (لازم المفتاحين بالريموت طبعا تجربهم).
    · الاستبن والكوريك وشداد العربيه (لو هاتقطر العربيه).
    · الزجاج الكهربا (افتح واقفل من عند السائق ومن عند كل باب منفصل).
    · المساحه (جربها وشغل المياه وعلي سرعات مختلفه ).
    · الكاسيت (الراديو وال CD ووصله ال USB ) والسماعات الاماميه والخلفيه.
    · USB CABLE بتاع الكاسيت (ده لازم تاخده علشان هما ساعات بيطنشوا لو انت نسيت).
    · الولاعه تكون موجوده + طفايه السجاير اللي بتركب (علبه صغيره سوداء) .
    · الاريال بتاع العربيه وهايكون محطوط في كيس بلاستيك.
    · فتح الشنطه والتنك من الداخل (اتأكد بس ان هما شغالين).
    · الفتيس (يعني شوفه كده علي الواقف وحركته سلسه ولا لأ).
    · المرايات (حركهم يمين وشمال وتحت وفوق ).
    · الكلاكس (تأكد من عمله).
    · الدركسيون بينزل وبيطلع (جربه برده).
    · الكراسي (حركها قدام وورا وحرك الضهر بتاعها ).
    · الابواب والشنطه والكبوت (افتحهم واقفلهم وشوفهم ساهلين وعاملين معاك ايه).
    · الكبوت (بص علي الزيوت والمياه والشكل العام ).
    · الموتور والبطاريه (بتدور بسرعه والموتور صوته حلو وناعم).
    · الكاوتش (بص بصه عليهم كلهم وانت رايح تفول العربيه لازم تنزل ضغط الكاوتش علشان بيبقي علي 40-45 ضغط فلازم تقلله علي 28-30 علي حسب الموصي به).

    انا حاولت اجمع تقريبا كل الحاجات اللي لازم تشيك عليها وانت بتستلم العربيه علشان انا لقيت ناس كتير بتسأل علي الحاجات دي ويارب اكون منستشي حاجه منهم.

    ان شاء الله نكمل في الجزء الثاني وابقي اطلب من الاداره دمج المشاركتين في مشاركه واحده واتمني اني اكون افادتكم ومطولتش عليكم.

    ثالثا:اجراءات البنك :

    - بالنسبه لاجراءات البنك فطبعا انا كنت عايز تقسيط اسلامي فكنت سألت علي كذا بنك وكانوا بفوائد مختلفه واللي لقيته ان انت كل ما تقل بالفايده بتزيد الاجراءات وبيطلب مثلا ضامن حكومي بمرتب معين.

    - المهم البنك اللي لقيته مناسب كان البنك الوطني للتنميه (ابو ظبي) بفايده 9.5 %

    السعر كاش 86.500 ج


    المقدم كان 50.000 ج


    القسط 1809 علي سنتين (24 شهر)


    السعر بعد سنتين 93.416 ج


    فرق السعر اصبح 6916 ج


    التأمين تبع مصر للتأمين 3670 ج


    مصاريف اداريه 512 ج


    الحساب والشيكات بتاعت البنك كانت ببلاش


    بالنسبه للشيكات فكل 3 شهور هاخد شيك


    - بالنسبه لفتح الحساب والشيكات واجراءات البنك الموضوع ماخدشي نص ساعه بعد كده تروح تستلم العربيه.
    - علي فكره في كذا نظام للدفع مع اختلاف المقدم وعدد سنوات التقسيط طبعا مش شرط التقيد بالمقدم والقسط المذكورين.

    رابعا:الترخيص ( سنه واحده – حظر بيع لصالح البنك ) :

    - رحت بعد استلام العربيه بيومين علشان ارخص في المرور ( عبود – شبرا ) ,وكان معايا واحد تبع المعرض (الحمد لله معملشي اي اجراء واحد للأسف وانا اللي خلصت الليله كلها).
    - بالنسبه لخطوات الترخيص فهي كالتالي :
    · تصوير البطاقه 4- 5 نسخ احتياطي.
    · دوسيه من الكشك اللي بره ( 1.5 ج) .
    · ورق الترخيص والفحص من الخزنه (20 ج) .
    · طفايه الحريق( 121.5ج) .
    · التأمين الاجباري (115 ج) (الحمد لله غلي علي حظي من 80 ج الي 115 ج ) .
    · شنطه الاسعافات + المثلث العاكس (71.5 ج) (لازم تجيبهم علشان مهندس الفحص يمضيلك الورق) .
    · بصمه الموتور + الشاسيه ( اكراميات ) .
    · مهندس الفحص ( اكراميات ) .
    · تدخل تاني علي الشباك وتقدم الورق وتروح تدفع في الخزنه الضريبه (385 ج – سنه واحده ) .
    · ترجع للشباك تاني وتديلها صوره الفاتوره ( اكراميات ) .
    · استلام الرخصه من شباك الاستلام ( رخصه سنه مع وجود حظر للبيع للبنك –ولازم اسم البنك يتكتب علي الرخصه يعني حظر بيع لصالح البنك الوطني للتنميه ) .
    · استلام اللوحات الجديده من شباك استلام اللوحات ( اكراميات ) .
    · تروح بقي تعلق النمر الجديده ( اكراميات ) والف مبروك عليك .

    - الموضوع تقريبا اتكلف حوالي 800 ج بالاكراميات.
    - بعد كده بتطلع علي البنك علشان ياخد صوره من الرخصه.

    برجاء من الاداره دمج هذه المشاركه مع المشاركه الاساسيه

    ونلتقي مع صيانه الالف + تقييم للنيو اكسنت ان شاء الله مع بعض الصور التوضيحيه.


  2. #2

    الصورة الرمزية ahmad82

    رقم العضوية : 78708

    تاريخ التسجيل : 27Aug2010

    المشاركات : 18

    النوع : ذكر

    الاقامة : Alex & Cairo - Egypt

    السيارة: N/A

    السيارة[2]: New Accent 2011 A.T

    الحالة : ahmad82 غير متواجد حالياً

    افتراضي -

    متابع باهتمام .. انا لسه مستلم النيو اكسنت من اسبوعين و مقسط مع الوطنى للتنميه برضه و كنت لسه هاكتب موضوع مشابه

    على فكره انا جبتها من التوكيل بس غيرت اللون الى نبيتى لما ملقتش فيرانى .. ميزة التوكيل انها كانت عامله ٢٨ كيلو بس عند الإستلام
    ربنا يباركلك فيها و يديك خيرها و يكفيك شرها


  3. #3

    الصورة الرمزية Ashraf_Ibrahim

    رقم العضوية : 73872

    تاريخ التسجيل : 26Jun2010

    المشاركات : 5,623

    النوع : ذكر

    الاقامة : Shubra

    السيارة: Fiat 131, 1300, 1976

    السيارة[2]: Hyundai Verna 2010 Gl

    دراجة بخارية: لا يوجد

    الحالة : Ashraf_Ibrahim غير متواجد حالياً

    افتراضي -

    ربنا يباركلك فيها يارب ويرزقك بخيرها ويكفيك شرها

    Ashraf_Ibrahim


  4. #4

    الصورة الرمزية ruicosta

    رقم العضوية : 39158

    تاريخ التسجيل : 29Apr2009

    المشاركات : 172

    النوع : ذكر

    الاقامة : cairo

    السيارة: no car

    السيارة[2]: kia cerato 2008

    دراجة بخارية: دراجة نارية

    الحالة : ruicosta غير متواجد حالياً

    افتراضي -

    ياريتك تقولنا اجراءات البنك والفايدة والمقدم الله يباركلك


  5. #5

    الصورة الرمزية wsamir

    رقم العضوية : 1931

    تاريخ التسجيل : 27Aug2007

    المشاركات : 285

    النوع : ذكر

    الاقامة : Giza

    السيارة: -

    السيارة[2]: Logan AT 2013

    دراجة بخارية: -

    الحالة : wsamir غير متواجد حالياً

    افتراضي -

    1000مبروك تقرير جيد ربنا يباركلك فيها و يكفيك شرها


  6. #6

    الصورة الرمزية kamalsalem

    رقم العضوية : 73039

    تاريخ التسجيل : 14Jun2010

    المشاركات : 1,292

    النوع : ذكر

    الاقامة : Cairo, Egypt

    السيارة: Chevy Cruze LS 2010 1.6

    السيارة[2]: Polonez FSO 1988 1.5

    الحالة : kamalsalem غير متواجد حالياً

    افتراضي -

    الف مبروك وربنا يباركلك فيها ان شاء الله ويديك خيرها ويكفيك شرها


    Proud Chevrolet Club Member Number 113


  7. #7

    الصورة الرمزية ezzatfox

    رقم العضوية : 12057

    تاريخ التسجيل : 02Jun2008

    المشاركات : 1,310

    النوع : ذكر

    الاقامة : cairo

    السيارة: new accent

    السيارة[2]: 128

    الحالة : ezzatfox غير متواجد حالياً

    افتراضي -

    ربنا يباركلك فيها .. الف مبروك

    الثورة شىء جميل يفكر لها الاحرار ويقوم بها الشجعان ويفوز بثمارها الانتهازيون


  8. #8

    الصورة الرمزية alaa74

    رقم العضوية : 19638

    تاريخ التسجيل : 20Sep2008

    المشاركات : 3,094

    النوع : ذكر

    الاقامة : New Cairo

    السيارة: ربنا كريم

    السيارة[2]: Honda city 2008

    دراجة بخارية: no

    الحالة : alaa74 غير متواجد حالياً

    افتراضي -

    ألف مبروك على العربيه وإختيار موفق فى هذة الفئه

    وربنا يعطيك خيرها ويكفيك شرها ومنتظرين باقى التقييم


    علاء الشناوى


  9. #9

    الصورة الرمزية د.محمود صلاح

    رقم العضوية : 1435

    تاريخ التسجيل : 14Jul2007

    المشاركات : 14,773

    النوع : ذكر

    الاقامة : مصر

    السيارة: لا

    السيارة[2]: اوبترا

    الحالة : د.محمود صلاح غير متواجد حالياً

    افتراضي -

    أنا لقيت عند اوتوسمير ريان النيو اكسنت اوتو حاطين فيها راديو سي دي رودستار تقريبا به خاصية الرد على التليفون ومايك على الشماسة امام السائق


  10. #10

    الصورة الرمزية JUVENTUS

    رقم العضوية : 71279

    تاريخ التسجيل : 23May2010

    المشاركات : 2,905

    النوع : ذكر

    الاقامة : مدينة نصر

    السيارة: لا يوجد

    السيارة[2]: FIAT Tempra 1997

    دراجة بخارية: لا يوجد

    الحالة : JUVENTUS غير متواجد حالياً

    افتراضي -

    hasad">

    الف مبروك و ربنا يديك خيرها و يحميك شرها

    http://img542.imageshack.us/img542/2...mpraswpnel.jpg

    .................. سبحان الله و بحمده ,, سبحان الله العظيم ....................



 
صفحة 1 من 2 1 2 الأخيرةالأخيرة

المواضيع المتشابهه

  1. الي اهل الخير صيانه 20000 للنيو اكسنت
    بواسطة essa144 في المنتدى هيــونــداى
    مشاركات: 1
    آخر مشاركة: 27-12-2011, 04:09 PM
  2. تقرير كامل مصور لتعديل شكل طاسات النيو اكسنت
    بواسطة fouaa في المنتدى هيــونــداى
    مشاركات: 87
    آخر مشاركة: 22-05-2011, 04:39 PM
  3. تقرير مصور كامل عن hyundai i20
    بواسطة Mohamed.Ramah في المنتدى هيــونــداى
    مشاركات: 47
    آخر مشاركة: 21-03-2010, 11:40 PM
  4. ملاحظاتي بعد صيانة الالف للنيو اكسنت
    بواسطة sss2000 في المنتدى هيــونــداى
    مشاركات: 13
    آخر مشاركة: 17-08-2009, 09:35 AM
  5. عملت صيانة الالف للنيو اكسنت النهاردة
    بواسطة sss2000 في المنتدى هيــونــداى
    مشاركات: 13
    آخر مشاركة: 23-07-2009, 11:51 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2