الموضوع: هل الإلنترا الجديدة واطية وبتخبط بكثرة فى المطبات

بص هوا طالما في منتدي هيونداي ،،

هنقولك الإلنترا ،،


و أنا رأيي الشخصي كده ،،

الصني من جيل السيارات القديمة المعاد انتاجها محليا ،،

حاجة زي الشاهين و اللانوس و الفيرنا و ان كانت اكيد فئة اعلي

مش هتحس انك جبت عربية زيرو حديثة مجرد وسيلة مواصلات

ايه رأيك في التيدا ؟؟؟

ياباني 100% ،، الجيل الأحدث من نيسان ،، 1600 Cc

و سيارة لها اسم و عاملة شغل في العالم كله

بيقولوا عنها ناعمة و هادية جدا بدون تجربة شخصية

و شايفها افضل من للصني ،، العتيقة المجمهة محليا

و ارخص من فئتها السفيك و الكورولا و اللانسر الجديدة ب20 الف كاملة

جزاك الله خيرا لمشاركتك القيمة
بس يا أخى انا عارف ان شكل الصنى قديم والإلنترا شكلها رائع جدا وعارف اننى لو جبت الصنى حبقى زعلان كل ما أشوف الإلنترا
بس حضراتكم لما تشوفوا الناس اللى سألتها عن ارتفاع الإلنترا (عددهم شخصين) واستخدامهم عائلى يعنى تحميل فى الكنبة الخلفية وأمتعة بالشنطة ..الخ اجمعوا على كفاءة العربية الرهيب والثبات والرحابة بس واضح ان شوارع مصر هى السبب و لا حول ولا قوة إلا بالله فى أنهم عاوزين يبيعوها وبيفكروا فى عربية عالية والسلام
ليه غبور ما يطلبش مواصفات خاصة لمصر او عفشة رياضية مثلا
فى النهاية لا أعتقد ان الواحد يدفع 104000 ولما حد ييجى يركب معاه ورا يحط ايده على قلبه

أنا لم أشعر بهذه المشكلة في مصر و أعتقد إن الذين بيشتكوا يمكن بيأخذوا المطب علي سرعة عالية و لكن أنا دائما أسافر بالعربية محملة بالعائلة و الشنط ولم أحك ولا مرة

الأخ صلاح شكرا لك
ولكن هل تمشى فى الشوارع الممتلئة بالمطبات العشوائية الغير مطابقة للمواصفات حيث ان المطبات التى على الطرق السريعة غالبا ما تكون مبنية على اساس مواصفات قياسية
ارجوان تكتب لى ولا تبخل على بكل ملاحظاتك على السيارة كما لو كنت سيادتك لم تشترى السيارة وعاوز حد يدلك على الصح فى كل ما يدور بذهنك
شكرا لك

السيارة ممتازة من عدة نواحي كثير من الزملاء قد قالوها مثل أتزان السيارة و السحب و الأتساع الداخلي و قوة الفرامل و أنا كان عندي في مسقط لانسر 2002 ولم أحس إطلاقا إني نزلت في المستوي بل بالعكس حتي الآن سعيد جدا بألنترا مصر أو مسقط ولوكان عندي أي ملاحظة سلبية لكنت أشتريت نوع آخر من مسقط مع العلم إن الأسعار كانت في وقت شرائي للألنترا من مسقط قريبة جدا من الياباني و مع الأقساط مش حتفرق و لكن أسعار الياباني الآن زادت 1200 ريال عماني المهم نرجع للألنترا زي ماقلت لك إني لم ألاحظ مشكلة المطبات داخل المدن ( القاهرة أو الأسكندرية )و أنا ساكن في الشروق وكل شارع فيه في الأول و الآخر مطب صناعي ولم أحتك بأي مطب و لكن في بعض الأحيان يكون هناك مطبات عشوائية يمكن هي الزملاء بيشتكوا منها و ده حتحدث مع أي عربية و بالنسبة للتوكيل أنا لم أصطدم به حتي الآن غير السرفيس و كان هناك شك عندي (و مازال ) إن عداد السرعة فيه فرق 10 كيلو و لكن الجميع في غبور و كارتك كشف علي العربية بالكمبيوتر و أخبرني إن العربية سليمة و علي فكرة غبور في مصر أحسن من توكيل هيونداي في عمان (مسقط) وعموما أختيار موفق و ألف مبروك مقدما وأنا تحت أمرك في أي إستفسار

جزاك الله كل الخير استاذ صلاح وبارك الله فى سيارتك ورزقنا واياكم ومعلش تقلنا عليك

يا باشا انا معايا بقالها اكتر من 6 شهور وسفر اسكندريه والعجمى اللى دلوقتى مكسر وكله مطبات وببقى محمل الكنبه والشنطه كامله ومش بحك فى اجدعها مطب بس انا اصلا محترف مطبات مع اى حموله بس انت ممكن تتعامل مع المطبات بحساسيه شويه بس الكلام ده مع الحموله الكبيره لكن فى العادى لا خالص وعموما عمرها ما حكت منى فى اى مطب مع اى حموله مهما كانت