لو والله يا أخي الفاضل ،،
170 و انتا مستريح جدا ،،، و طبعا تجيب اكتر من كده بكتير
ماتتحداش حد و اسأل مجرب ،،،
بس مش مكلبشة في الأرض ،، يعني متعملش غرز ،،، تمشي عدل ،،
انتا تلاقيك بس ركبت عربية مش مضبوطة ،،،
و يمكن عشان الجنوط عندي 14 ،،،،
عرض للطباعة
احمد باشا احب افهمك ان الثبات مش بيتقاس علي طريق عدل بمعني لو مثلا انت ماشي علي 140 وفجأه طلعلك حاجه لازم تتفادها هل
العربيه ديه هاتسعفك ساعتها ولا هاتفضل تعموم بيك شمال ويمين هنا تقدر تقول ان ده ثبات عربيه مش في طريق عدل زي ما انت فاهم
يعني في السرعه وفي المنورات ... غير انك مركب جنوط 14 ديه ممكن تكون فارقه معاك شويه في الثبات مش زي باقي العربيات الفيرنا
انا بتكلم علي الفيرنا عموما مش عربيتك انت يعني اللي واخد العربيه من التوكيل من غير ما يركبلها جنوط هايحس بانها بتعوم ولا اكنها في
البحر الاحمر :D
بالنسبة لكماليات فهى كافية جدا,
- تكييف هواء لا بأس به أبدا و أكثر من كافى بالنسبة للسائق و الجالس بجانبه, أما الناس الى قاعده ورا فمحتاجين بعض الوقت عشان يحسوا بالتكييف.
- باور مريح و أوروبى الطابع يعنى مش خفيف زى الأمريكانى و اليابانى (و الذى يفقدك التحكم على السرعات العالية) لكن مريح جدا و ممكن تلفه بايد واحدة.
- فوانيس شبورة, و سنتر.
- مقود بوضعية قابلة للتعديل.
الحاجة الوحيدة الى ناقصة هى الجزاز الكهربا و بينى و بينك هذا أفضل لأن القزاز الكهربا المصرى دايما بيبوظ, احنا كان معانا بيجو 405 على الزيرو و فى اول أسبوع الجزاز الكهربا باظ, غيرناه و باظ تانى بعديها بشهر, فغيرناه تانى كل ده كان فى الضمان, لكن المشكلة انو القزاز الكهربا المصرى فيه مشكلة. مع ان المكونات المصرية الأخرى الميكانيكية (تيل, أجزاء المحرك, فلاتر, و غير ذلك) ذات كفاءه عالية جدا.
صوتها عالى قليلا, و ثباتها على الطرق السريعة لحد ال120 جيد جدا بعد كده بيقل شوية.
فى المنحنيات العربية ثابتة جدا و فى خلال الانطلاق و الفرملة, العربية بتبقى متماسكة لحد كبير و ده لأنها دفع خلفى و توزيع وزنها ممتاز و مفيش مشكلة ال"اندير ستيرنج" الموجودة فى الدفع الأمامى.
المحرك الانجيكشن أفضل كثيرا, هو انجيكشن احادى النقطة (يعنى رشاش واحد) بس انجيكشن كامل و بالكمبيوتر (فيه انجيكشن بيعمل بالضغط و بطرق ميكانيكية و فيه انجيكشن بيتحكم فى حقن الوقود فقط و معاه أسبيراتير), و الانجيكشن بيزود قوة المحرك بنسبة 5-10% على الأقل لأنه أدق فى معايرة نسبة الهواء/الوقود.
عيبه الوحيد انه رشاش واحد لكل الاسطوانات عشان كده مبيضمنش توزيع متوازن تماما لكل اسطوانه لكن بنسبة بسيطة جدا.
بالنسبة للأعطال انا معدى بيها ال40 ألف و مفيش أى مشكلة أو عيوب تصنيع احد دلوقتى. عيب واحد فقط فى ال10 ألاف الأولى هو الكلاكس كان صوته ضعيف, و رحت غيرته تبع الضمان.
الفيرنا بصراحة فيها مشاكل تصنيع كتير و مشكلة سمعتها كتير انها بتجيب زيت و ديه مصيبة.
عموما فى حدود السعر ده 70 ألف فى رأيى أفضل سيارتين هم شاهين و سيينا, و الاتنين من مصنع واحد (توفاش فى تركيا), السيينا أحدث قليلا, بس الشاهين أفضل منها فى ان موتورها أكبر و أقوى, و دفع خلفى. و السيينا بتتميز أنها أحدث و شكلها أحدث شوية, و فيها كماليات أكتر, بالنسبة للأداء و ثبات السيينا فالناس بتشيد بيها بس أنا مجربتهاش.
بس الشاهين أضمن من ناحية قطع الغيار و التوكيل.
يعنى لو ميهمكش الشكل (مع انى شايف انو شكل الشاهين مش وحش أبدا) فعليك بالشاهين.
انت بتسمي دي كماليات . انا عندي تكييف لو سبت ال"جزاز" مفتوح يتلجك ! .. 4 زجاج كهرباء .. تسجيل حتتين .. باور .. فرامل السيرفو هيدروليك علي طلمبه الباور .. اي بي اس .. كمبيوتر اعطال .. كمبويتر مركزي (تاريخ- ساعه - متوسط السرعه - المسافه المقطوعه - معدل استهلاك البنزين - تايمر ...) .. المساعدين ورا علي طلمبه زيت هايدروليك .. كراسي كهرباء .. جلد طبيعي .. جنوط الومونيوم .. مكنه 3500 سيسي .. ده انا باركب العربيات التانيه باحس انها مافهاش كماليات اساسا ً!
"انت بتسمي دي كماليات . انا عندي تكييف لو سبت ال"جزاز" مفتوح يتلجك ! .. 4 زجاج كهرباء .. تسجيل حتتين .. باور .. فرامل السيرفو هيدروليك علي طلمبه الباور .. اي بي اس .. كمبيوتر اعطال .. كمبويتر مركزي (تاريخ- ساعه - متوسط السرعه - المسافه المقطوعه - معدل استهلاك البنزين - تايمر ...) .. المساعدين ورا علي طلمبه زيت هايدروليك .. كراسي كهرباء .. جلد طبيعي .. جنوط الومونيوم .. مكنه 3500 سيسي .. ده انا باركب العربيات التانيه باحس انها مافهاش كماليات اساسا ً!
معلش يا عم احنا غلابة مش قدك, انت راجل راكب بى أم يعنى عربية معدية ال300 ألف (اللهم لا حسد) احنا غلابة بنتكلم فى 60 ألف و 70 الف و لو العربية فيها مروحة بنبوس ادينا وش و ضهر.
مين قالك ان انا راكب زيرو .. انا راكب 735 موديل 1979 و تمنها اقل من 60 الف (نسيت اقول عندي خشب ابانوس اصلي كمان ههه)
ههههههههههههه