حكايتي مع الاكسنت

**bebo50** · 22-09-2010 04:55 AM

السلامعليكم
اولا ارحب بالاكسنتاويه كلهم وياريت الموضوع ده يفيدكو
انا عربيتي اكسنت موديل 2000 1300 فاضيه تماما وكن شاريها زيرو ب34الف جنيه
وكنت عاوز ابيعها لاني كنت عاوز اشتري فيرنا ستار بس العربيه صعبانه عليا ولكن بفضل هذا الموقع كان في موضوع ان في واحد معاه اكسنت وعاوز يركب زجاج كهربه في عربيته ورد عليه زميل اخر قاله في واحد في بور سعيد بيركب وده رقم تليفونه اخدت رقم التليفون وكلمت الراجل ولقيته طيب وقلتله انا جيلك مع اني من اسكندريه
وقلت ابدا بازجاج الكهربائي ورحت هناك وقابلت الراجل وقلي احنا ننزل نجيب المكن الاصلي ورحنا حته اسمها الشونه عند عمارات بنك التعمير وكانت المفاجاءه تعرفو انا جبت ايه
1- 4مكن زجاج كوري 170جنيه
2- زرار الاربع مكنات اصلي 80 جنيه وده بيركب مكان العلبه الي بتبقي شمال الدركسيون الي بنحط فيها الموبايل
3-تكييف كامل متكامل اصلي بالتركيب والشحن1800 جنيه
4-سنتر لوك تايواني90 جنيه
5-انزار تايواني تحفه 140جنيه
6-وحدتين رفع يعني لما تنزل وتقفل العربية الزجاج والسنتر يقفل لوحده 80ج
7-سكاتره بور كامله بالطرمبه والخراطيم والتركيب 540جنيه
ودلوقتي بعمل سمكره ودوكو وسروجي بس حيكلفوني شويه
بس موش عارف اقلكو الحجات دي فرقت اد ايه وقطع غيار الاكسنت هناك ببلاش لو حد عاوز يعرف سعر اي حاجه هناك انا معاكو
في حاجه ياجماعه التابلوه هناك جيد جدا 400 جنيه كامل 200 جنيه بدون عدادات وده الافضل لانك موش حتطر تفصل حاجه من العدادات
وفي حاجه اهم نزلت فوانيس امامي وخلفي ماركه ديبو بسعر خرافي الكشاف ب90جنيه بس خلفي معرفش بس هايل
ودي حكايتي مع الاكسنت وانتظروا الصور

**YoussefMostafa** · 22-09-2010 09:11 AM

بسم الله ماشاء الله واضح ان حضرتك صرفت عليها

ربنا يباركلك فيها

و فانتظار الصور

**MohssenRashed** · 22-09-2010 10:41 AM

مبروك يا باشا على الحاجات الحلوة دي بس عندي كام سؤال كدة على الماشي:

1- الحاجات دي جديدة ولا استيراد؟
2- التكيف اية نظامو اثر معاك على السحب؟
3- ركبت الحاجات دي في بورسعيد؟
4- الاسكترة البور شغالة كويس؟ و بتفصل مع السرعة ولا بتفضل شغالة؟

انا اسف على الاطالة بس انا زيك من اسكندرية و العربية دي خسارة تفرط فيها.

**ruicosta** · 22-09-2010 11:33 AM

الف مبروك يا معلم برافو عليك انك سمعت الكلام وروحت على فكرة انا اللى حطيت رقم تليفون الراجل (محمد الفلسطينى)

**wsamir** · 22-09-2010 02:34 PM

الف مبروك ابقى قولنا ايه اخبار التكييف مع السحب

**Mo.Kareem** · 22-09-2010 04:06 PM

المشاركة الأصلية كتبت بواسطة mohssenrashed

مبروك يا باشا على الحاجات الحلوة دي بس عندي كام سؤال كدة على الماشي:

1- الحاجات دي جديدة ولا استيراد؟
2- التكيف اية نظامو اثر معاك على السحب؟
3- ركبت الحاجات دي في بورسعيد؟
4- الاسكترة البور شغالة كويس؟ و بتفصل مع السرعة ولا بتفضل شغالة؟

انا اسف على الاطالة بس انا زيك من اسكندرية و العربية دي خسارة تفرط فيها.

ياريت صاحب الموضوع يتكرم ويرد على الاسئلة دى لأنها بجد مهمه جداا
يعنى ينفع ننزل نشترى المكن و حدات الرفع والراجل ده يركبهم وياترى المصناعية كام وهل فيه صور للفونيس وهل هى حتة وحدة يعنى فانوس النور مع فانوس الاشارة ولا كل حتها لوحدها

**د.محمود صلاح** · 22-09-2010 04:26 PM

شكراً للموضوع وفي انتظار التفاصيل المصورة .

**Mo.Kareem** · 23-09-2010 05:16 PM

متابع من امبارح باهتمام
هو صاحب الموضوع راح فين؟؟؟؟؟؟؟؟؟؟؟؟؟؟؟

**bebo50** · 24-09-2010 06:58 PM

معلش ياشباب اسف علي التاخير
اولاالحجات اغلبها استيراد زي مكن الزجاج والتكييف
اولا التكييف بسم الله ما شاء الله وهايل مع السحب ومفيش اي مشاكل والتكييف تلاجه والله والي الاخ الي بيسال علي السكتره البور موش عارف بتفصل ولا لا بس الدركسيون بيتقل مع السرعه العاليه علشان سبات العربيه واي سؤال ياشباب مع شكر خاص للعضو صاحب الفضل الي انا فيه وهو الاخ ruecosta
لانه صاحب الفضل والصور بعد الدوكو