السلام عليكم
انا قدامي اكتر من جين تو مستعمل حوالي 40 الف كيلوا. السعر من 60 الى 70 الف موديلات 2008 اوتوماتيك ومانيوال
سؤال هوا ضمان التوكيل لحد 50 الف كيلو بس؟
تاني نقطه ايه المكان الكويس اللي ممكن اكشف فيه على العربيه قبل الشراء؟
عرض للطباعة
السلام عليكم
انا قدامي اكتر من جين تو مستعمل حوالي 40 الف كيلوا. السعر من 60 الى 70 الف موديلات 2008 اوتوماتيك ومانيوال
سؤال هوا ضمان التوكيل لحد 50 الف كيلو بس؟
تاني نقطه ايه المكان الكويس اللي ممكن اكشف فيه على العربيه قبل الشراء؟
ضمان العربيه 60000 و 3 سنين ايهم اقرب
احسن مكان عز العرب الصحرواى او العجوزه ورا البالون عشان تكشف على ملف العربيه :3_3_102[1]:
اهلا بيك :satelite:
ربنا يوفق
هديك نصيحة من واحد إشترى الجين 2 مستعمل بكل صراحة
نصيحتى بلاش تشترى مستعمل من أصله
ما دمت قادر على دفع 60 ألف : 70 ألف إدفع المبلغ ده كمقدم وقسط الباقى
وإن لم تستطع التقسيط حاول بقدر الإمكان أن تشترى سيارة بروتون تم الكشف عليها
فى أكثر من مكان عند ميكانيكى حبيبك ، عفشجى حبيبك ، كهربائي ، وكمان التوكيل
حاول تجرب السيارة بنفسك لمدة لا تقل عن 30 دقيقة ( إطلع لف بيها وإسمع صوت الماكينة ، وإمشى بيها
فى شوارع زحمة وشوارع كلها مطبات علشان تتأكد من العفشة )
حاول وإنت بتجربها لا تنبهر بكمالياتها من الداخل أوى وركز فى الاهم وهم كالتالى :
1 - الماكينة :
شوف الزيت ( المقاس بتاعها )
حاول ترفع غطاء الموتور وتشوف الوش الفبر ( غطاء البوجيهات سليم ولا
لأ موجود ولا لأ لأن ثمنه غالى حوالى 300 جنيه
شوفها من تحت هل الماكينة محكوكه من تحت ولا لأ _ أسفل الفتيس محكوك
ولا لأ اسمع صوت الماكينة كويس صوتها عالى ولا لأ وإلق نظرة
على rbm بيبدأ على كام
2 - العفشة :
شوف المقصات والمساعدين والليات ( السوست ) ، بتخبط ولا لأ
3 - من الداخل :
جرب مفتاح السيارة كويس ، جرب الريموت بتاعها مرة وإثنين
إرفع الكنبة الخلفية وشوف غطاء تنك البنزين مفكوك ولا لأ لكى تتأكد
أنه لم يتم اللعب فى عوامة البنزين
وكمان تتأكد من أماكن تثبيت الكنبة بجسم السيارة
جرب أزرار الزجاج الكهربائي بالكامل مرة وإثنين
جرب الكاسيت كويس
جرب أزرار المالتى فاكشن كويس ( أزرار بطارة الدريكسون )
4 - وإنت بتسوق السيارة شوف بتدخل عليك سخونة ولا لأ شوف عداد الحراة بيرفع لغاية كام وبينزل ولا لأ ، شوف عادم السيارة لونه ، وضع إصبعك فى الشكمان من الخلف وشوف هل به نسبة رطوبه أو به زيت علشان تطمئن على السيارة هل صاحبها بيحطلها بنزين نظيف ولا 80 ولا إيه بالضبط
وربنا يكرمك ويوفقك للصواب
شكرا على النصيحة انا بس كنت عايز عربية لمدة سنة او اتنين
ولو جبتها زيرو هاخسر فيها مبلغ محترم
اولوياتي الثبات والامان لان كل مشاويري سفر
لو حد يعرف ميكانيكي محترم في القاهرة يفهم فيها وكذلك عفشجي وكهربائي اكون شاكر.
برضه ايه رايكم في الاوتو المستعمل؟
انا كنت اعتقد انو عز العرب زود ضمان الصيانة حتى 100 الف او ثلاث سنوات ايهما اقرب ولكن توكل على الله ويستحسن يا اخي انك تروح بيها فرع العجوزة او ابو رواش وتطلب تقرير فني بحالة السيارة وكفاءة المحرك ده طبعا بعد الفحص المتأني والدقيق كما قال لك الأخ privilege عشان تبقى برده مطمن من ناحية السيارة وبرضوا ربنا يوفقك