طلب مساعدة في حادث مش صغير ومش كبير

**Mohamed.Kader** · 22-09-2010 08:26 AM

السلام عليكم
إخوانا الزملاء عندي واحد صاحبي عمل حادثة مع مقطورة بعربيتة Mazda 3 High Line (Step Tronic, Sensors....)
وصف الحادثة : هوا كان ماشي وأتفاجئ بمقطورة بتلف فحاول يفادية لكن قدر الله ما شاء فعل المهم هوا رما شمال على قد ما قدر لكن باردوا ما أمكنش الجنب اليمين فــ عربية زميلي عدى من تحت المقطورة وكانت الخساير كالتالي
- أكصدام أمامي (شاسية الأكصدام سليم وباقي الصدر كلوا سليم)
- رفرف يمين وشوية أستعدلات في جنب الحوض اللي ورا الرفرف لكن قاعدة المساعد سليمة والشاسية مفيهوش حاجة تماما
- نص القايم اليمين من فوق الرفرف بالسقف
- البابين اليمين
- السقف
- القايم اليمين اللي في نص العربية
- الكبوت
- الطابلوة أتخلع من الجانب اليمين
السؤال الل بطلبوا من حضراتكم لو في حد يعرف أسعار الخساير جديدة بكام يتفضل يفيدنا علشان هوا عايز يعرف يتصرف إذاي يبعها بالحادثة ولا ممكن تتصلح برقم معقول

**Frozen_Pain** · 22-09-2010 09:53 AM

بص فى الاول الحمدلله ان صاحبك بخير لان الواضح ان الحادثة كانت جامدة

والف مليون سلامة عليه وربنا يكفيه ويكفينا شر الطريق يارب

انا شايف انه يروح مركز العالمية ويسال هناك احسن هو فى مصر الجديدة شارع دمشق

**Thebutcherr** · 22-09-2010 10:48 AM

كلم مهندس احمد العالمية 0108886669 و راييى توديلهم العربية لانهم شغالينفى قطع الغيار الاصلية جديدة و استيراد و حريفة مازدا

**bedo13** · 22-09-2010 11:40 AM

اولا الف سلامة لصاحبك..
ثاتيا لو صاحبك ممكن يبيع بعد التصليح يبقى يبيع دلوقتي احسن عشان هتقرفه في التصليح ولما ييجي يبعها برده هتبان انها عاملة حادثة وهينزل من تمنها كتيير..
انما لو هيصلحها ويركبها يبقى مافيش مشكلة بس الخساير دي هتكلف مش قليل يعني في حدود 12:15 الف في تقديري..
وربنا يعوض عليه وحمدالله على سلامته تاني مرة

**Mohamed.Kader** · 22-09-2010 11:54 AM

السلام عليكم
ألف شكر يا جماعة لمشاركتكم أنا فعلا أتكدت أن Mazda Decide Who Ride مازدا تختار اللي يركبها وأنا فعلا كلمت المهندس أحمد من العالمية وغن شاء اللة هشوف هيعمل أية وأنقلكم التجربة نيابة عن زميلي وبالنسبة للرأي اللي بيقول أنها تتباع هوا فعلا يحترم وكلاموا صح بس فية شوية أعتبرات تانية منها
- أكيد أى حد بتاع حوادث هيخسف بيها الأرض بوضعها دا مش بعيد يتكلم في 50:60 ألف والعربية موديل أخر 2009 فحرام
- كدا كدا العربية بتخسر في بيعها فلما يمشي 3:4 سنين بيها كدا وبعدا يخسر زيادة شوية هتبقا معقولة على الأقل كان راكب عربية محترمة فيها عيب بس الحمد لله أنها ما جاتش في أكتر من كدا الشاسية سليم بحالتة والحوض ذي ما هوا مفيهوش خربوش بخلاف القرب اللي بتبقى متعلقة تحت الرفرف اليمين دي اللي تخلعت من مكانها فـ إن شاء الله مفيش حاجة في الميكانيكا ولا العفشة ورا و قدام

**bedo13** · 22-09-2010 12:17 PM

انا قصدي لو هيصلح ويبيع يبقى الاحسن يبيع على كده..
انما لو هيقعد بيها شوية خلاص..
بس عايز اقولك حاجة احساسك وانت راكب عربية عملت حادثة غير لما تكون جديدة حتى لو رجعت زيرو, بجد هتقلق انها ممكن تعمل حاجة معاك..
الاوبل معايا عملت حادثة وليها 9 شهور دلوقتي والله بخاف وانا مسافر بيها..
وربنا يعوض عليه خير ان شاء الله, والحمد لله انه ماحصلوش حاجة ودي العربيات المحترمة فعلا تتدمر والواحد بطلع منها سليم بفضل الله,
والله انا واحد صاحبي عمل حادثة بنيو النترا والعربية مشيت بعدها وهيا مخبوطة يعني الحادثة مش جامدة , وايدو اتكسرت واللي جنبه اتعور..
ابقى طمنا عملتوا ايه وربنا معاكو..

**amrnagy** · 22-09-2010 12:23 PM

قدر الله ما شاء فعل طيب صاحبك مش مامن عليها
من رايي بلاش يبيعها حادثة لان فعلا وعن تجربة مش حتجيب 50 او 55 الف بالكتير اوي

**amrnagy** · 22-09-2010 12:25 PM

معلش طلب غلس شوية لو صاحب حضرتك حب يبيعها علي حالتها ممكن حضرتك تقولي وانا ممكن اشوفها ونقدر قيمتها وبعتذر مرة تانية

**amrnagy** · 22-09-2010 12:27 PM

ممكن برضة صاحب حضرتك ينزل السلام حيلاقيلها قطع غيار استيراد زي الببان والكبوت والاكصدام
مشكلتها بس قطع غيارها غالية شوية بس لو راح السلام يلف كتير ويفاصل

**Frozen_Pain** · 22-09-2010 03:50 PM

هو مش مأمن على العربية؟

الموضوع: طلب مساعدة في حادث مش صغير ومش كبير

LinkBack

أدوات الموضوع

عرض

-

-

-

-

-

المواضيع المتشابهه

حادث كبير داخل نفق السلام ربنا يحفظنا

الحمد لله على كل حل و قدر الله و ما شاء فعل (حادث كبير)

اسعار قطع الفيرنا ...حادث كبير

زينون بموديول صغير ولا كبير أفضل؟

حادث صغير بالأوبترا

الكلمات الدلالية لهذا الموضوع

المفضلات

المفضلات

ضوابط المشاركة