صوت غريب في تكييف اللانوس

**mekkawy0** · 22-09-2010 09:11 AM

أنا عندي مشكلة صغيرة في تكييف اللانوس عاوز آخد رأيكو فيها.
العربية عندي الحمد لله زي الفل بس في مشكلة هايفة في التكييف.
المشكلة إبتدت من آخر الصيف اللي فات و هي إن بعد تشغيل التكييف حوالي نص ساعة لما كان ال آر بي إم يوصل 3000 كان في صوت غريب. جربت أطفي التكييف الصوت راح خالص. الصوت كان كأنه صوت بلية خشنة شوية أو تبخير لحاجة باردة على سطح ساخن. إحنا كنا في آخر الصيف فأنا ماهتمتش و قولت أستنا لأن في الشتاء كان ميعاد تغيير طقم السيور و أنا قلت أغير بلية التكييف بالمرة
المهم غيرت طقم السيور و بلية التكييف و جربت البلية القديمة كان فعلا في خشونة و قلت كدة المشكلة إتحلت.
في الصيف ده لما كنت باشغل التكييف كان نفس الصوت بيظهر و ابتدا يظهر في السلانسيه كمان.
الغريب في الموضوع إن العربية الحمد لله زي الفل و التكييف بيسقع كويس بس الصوت هو اللي قالقني خصوصا إنه مابيظهرش غير بعد تشغيل التكييف بحوالي نص ساعه و في الجو السخن أوي.
لو أي حد يقدر يفيدني في الموضوع ده ياريت يقوللي فين المشكلة.

**JAM** · 22-09-2010 09:59 AM

اعتقد ان الصوت دا هوا صوت أقرب الى صوت الهسهسة.. ولو هوا الصوت اللى انا بقصده فا الصوت دا طبيعيى وذلك لإن الكباس بتاع التكييف بيفصل اوتوماتيكيآ فى حالات منها ان تكون واقف مثلآ فى زحمة فابيفصل اوتوماتيك علشان يحافظ على ماتور العربية وصوت الهسهسة دا بتسمعه لما الكباس يرجع يشتغل تانى.. والحالة التانية اللى الكباس بيفصل فيها واللى ذكرها محمد ممدوح قبل كدة ومحصلتش معايا لانى محاولتش انى اجربها هوا انك وانتا ماشى تجيب دواسةالبنزين فى الأرض ودى ساعتها الكنترولر بتاع العربية بيفهم انك سايق العربية قيادة رياضية فابيفصل الكباس برضه الى ان ترجع رجيلك على الدواسة للمستوى الطبيعى.

هذا والله تعالى أعلى وأعلم
م/أحمد نبيل

**mekkawy0** · 22-09-2010 10:14 AM

المشاركة الأصلية كتبت بواسطة jam

اعتقد ان الصوت دا هوا صوت أقرب الى صوت الهسهسة.. ولو هوا الصوت اللى انا بقصده فا الصوت دا طبيعيى وذلك لإن الكباس بتاع التكييف بيفصل اوتوماتيكيآ فى حالات منها ان تكون واقف مثلآ فى زحمة فابيفصل اوتوماتيك علشان يحافظ على ماتور العربية وصوت الهسهسة دا بتسمعه لما الكباس يرجع يشتغل تانى.. والحالة التانية اللى الكباس بيفصل فيها واللى ذكرها محمد ممدوح قبل كدة ومحصلتش معايا لانى محاولتش انى اجربها هوا انك وانتا ماشى تجيب دواسةالبنزين فى الأرض ودى ساعتها الكنترولر بتاع العربية بيفهم انك سايق العربية قيادة رياضية فابيفصل الكباس برضه الى ان ترجع رجيلك على الدواسة للمستوى الطبيعى.

هذا والله تعالى أعلى وأعلم
م/أحمد نبيل

أنا عندي الصوت فعلا شبه الهسهسه. بالضبط كأنك بتطرطش ميه على مكواة ساخنة بس الصوت عندي مستمر على طول مش لما الكباس يشتغل بس.
إنت كده خوفتني ليكون الكباس عمال يشتغل و يفصل بس في الحالة دي هل كان التكييف هيسقع كويس؟

**JAM** · 22-09-2010 10:36 AM

فى دى بقة مقدرش افتى.. أخوانا الكبار فى المنتدى يفيدوك أكتر

**احمد المصرى** · 22-09-2010 10:36 AM

المشاركة الأصلية كتبت بواسطة mekkawy0

أنا عندي الصوت فعلا شبه الهسهسه. بالضبط كأنك بتطرطش ميه على مكواة ساخنة بس الصوت عندي مستمر على طول مش لما الكباس يشتغل بس.
إنت كده خوفتني ليكون الكباس عمال يشتغل و يفصل بس في الحالة دي هل كان التكييف هيسقع كويس؟

انا برضوا الصوت دا عندى بس على السلانسيه بس ومش عارف من ايه بس التكييف شغال كويس بس اكيد فى حاجه غلط