انشأو القنبلة وكبرت القنبلة وظلت تكبر وتكبر حتى ارتدت كالصاروخ على من تركوها تكبر امام اعينهم بل وغذوها وانفجرت فيهم......انها رسالة من السماء
عرض للطباعة
انشأو القنبلة وكبرت القنبلة وظلت تكبر وتكبر حتى ارتدت كالصاروخ على من تركوها تكبر امام اعينهم بل وغذوها وانفجرت فيهم......انها رسالة من السماء
أنا شفت المآساه بنفسي بعد ما حصلت
على فكره الناحيه اللي جايه من إسكندريه على مصر كانت مسدوده طبعاً بسبب الحادث وما كانش فيها ولا عربيه ماشيه، الحمد لله إن ده حصل عشان عربيات الإسعاف اللي كانت جايه من الهرم مشيت في الناحيه دية عكسي لحد مكان الحادث وقدرت توصل مكان الحادث بسهوله.
انا لله وانا اليه راجعون
ذنبهم في رقبته منه لله
كان الفاروق عمر بن الخطاب رضى الله عنه يبكي ويقول والله لو تعثرت دابة فى العراق لسئل عنها عمر !
فما رأى ساستنا الأكارم فى تعثر أكثر من مليون دابة الآن. قارن بقى بين ده وموقف سيدنا عمر بن الخطاب رضى الله عنه اثناء خلافته وخوفه من سؤال ربنا ليه عن دابة في العراق تعثرت لماذا لم يمهد لها عمر الطريق
اللهم لاتؤاخذنا بما فعل السفهاء منا
يا جماعة أنا فى نقطة مش فاهمها يا ريت حد يوضحها
باين من الصورة إن سيارة النقل ماداستش على جنود الأمن المركزى زى ما المقال بيقول
بالعكس ده واضح إن الصندوق الخلفى بتاعها سليم فيا ترى إيه السبب فى ارتفاع عدد الضحايا بهذا الشكل؟ هل هو فقط اندفاع أجسامهم جراء الاصطدام
معلش أنا آسف إنها نقطة بعيدة شوية بس أنا حقيقى مش قادر أتصورها
مين يقول ان الناس تركب فى صناديق العربيات زيهم زى البضائع
مين يقول ان الطريق يبقى مسافات طويله بدون وجود شرطه
لو فيه ضابط شرطه لكل 20 كم من الصحراوى مفيش حد حيجرؤ يمشى عكس الاتجاه
لابد من محاسبه من سمح بركوب العساكر فى العربيات بالشكل ده
انتوا تعرفوا ان فيه مخالفه مروريه فى القانون المصرى نصها (سمح بوجود أشخاص فى الأماكن المخصصه للحموله )
اذا كانت الشرطه بترتكب المخالفات دى
يبقى اذاى نلوم على اللى بيمشى عكس الإتجاه ؟
ما هو لو كان عند احتمال 10 % ان حيقابل حد يوقفه مكانش عمل كده
لازم القضاه يصدروا أحكام بالحبس فى هذه الجرائم
وعلى فكره ده مش محتاج تعديل تشريعى ولا حاجه
لأن القانون المصرى ينص على عقوبه الحبس فى عده مخالفات مروريه
منها السير عكس الاتجاه
السرعه
تركيب اجهزه تكشف الرادار
ونص العقوبه كالآتى
يعاقب بالحبس مده لا تزيد عن 3 شهور وغرامه لا تقل عن 100 جنيه ولا تزيد عن 500 جنيه أو بإحدى هاتين العقوبتين
الشرطة فرضت حزام الامان علي الركاب
طب والعساكر الغلابة بتوعهم ....دول راكبين زي السردين في علبة حديد كبيرة لا يوجد بها اي وسيلة امان
من كام سنة بعض المعتقلين ماتو اختناقا اثناء ترحيلهم في عز الصيف الي المعتقل في هذا الصندوق الحديد ذو الاربع عجلات
حسبي الله ونعم الوكيل
إن لله وإن إليه لارجعون
الكمين ده لازم يقف عنده تمامااقتباس:
كشك المرور قبل الحادث بـ500 متر فقط وأن السائق المتهور الذي لقي مصرعه كان يسير بعنف بعد أن تخطي الكشك المروري بمسافة فوقع الحادث ودفع حياته ثمنا لتهوره هو ومن معه, كما تسبب في وفاة الأبرياء من الجنود الشهداء
ازاي عربيه بمقطوره تقدر توصل لسرعه عاليه وجنونيه قي مسافه 500 متر
هي الحته دي منزل بس ما اعتقدش انه يلحق يجيب 100 مثلا
ده غير ان الجزيره اللي في النص عاليه جدا
بصراحه انا شايف ان موضوع اتهامنا للمرور هنا بالتقصير مش نافع
طب ها يعملو ايه لما في كمين على بعد 500 منر والباشا عدا منه وطلع كانه في فورميلا ون
انا رأي ان العربيات النقل دي لازم تكون تبع مؤسسات كبيره مرخص لها بممارسه النشاط ... هي اللي تختار السواقيين و تدربهم وفي نفس الوقت تقدر تحاسبهم على الاخطاء الفظيعه دي قبل ما تحصل بمجرد ملاحظتها لسلوك السواق ورعونته.
وهنا الشركه مالكه العربيه تبقى هي المسئوله في حاله حدوث مثل هذه الحوادث ونقدر نطالبها بتعويضات ضخمه وممكن تتقفل كمان ويتلغي ترخيصها
حسبنا الله ونعم الوكيل :(:(
وربنا ينتقم من كل سواقين النقل البهايم ولاد ال******
ومن اللى وصلهم للدرجه دى من الاستهتار
ودا لينك فيديو المهذله
http://videohat.masrawy.com/view_vid...99a75f0d02fc3d
انا واحد جاري ظابط في القطاع ده
و كان ماشي ورا عربيه الامن المركزي ...
و اللي قاله ان عربيه ملاكي دخل علي عربيه الامن ..
فسواق عربيه الامن دخل مره واحده وطلع علي الناحيه التانيه
مش عارف بقي ايه الصح!!!!