انا بصراحة عاجبني شكل الواجا القديم والمميز بالسبعة المميزة لمقدمة السيارة
عرض للطباعة
انا بصراحة عاجبني شكل الواجا القديم والمميز بالسبعة المميزة لمقدمة السيارة
يا اخى الكبير , انا اتضايقت اوى لما لقيت الاعضاء ديه بترمى عليا بالكلام اصلهم مالهومش دخل فى الموضوع . انا كنت متنرفز ساعتها بسبب مشكلة كده و طلعت زهقى فى حضرتك انا اسف جدا و زعلت اوى بعدها انى رديت بحدة كده بس لما جيت اتأسفلك تانى يوم لقيت الاعضاء بترمي بالكلام عليا و و خصوصا العضو كريبتون لانى فعلا بتنرفز لما اشوفه فى اى موضوع للاسباب ديه : فى موضوع المقارنة بين ياريس و النترا لما غلطت و قولت موتور ياريس اقوى و حضرتك صلحتلى خطأى و قولتلى لا و فهمتنى بالراحة فقولت فعلا انا غلطان يعنى اعترفت بغلطتى , لقيت الاستاذ كريبتون بيتريق عليا عشان انا غلطت و ده دفعنى لانى ارد عليه بحدة و خدت بسببه انذار اول , فى موضوع كده مش فاكره بس كان موضوع جد اوى و صاحب الموضوع بيتألم من مكلة فى عربيته لقيت الاخ كريبتون داخل يهزر و يتريق على صاحب الموضوع , لما حصلت مشكلة بينى و بين حضرتك لقيته داخل ينرفزنى و يستفزنى فرديت عليه و خدت عقوبة ايقاف لاسبوع بسببه برده
يعنى بسببه خدت انذار و ايقاف .. تفتكر ديه صدفة ؟ عشان كده بقوله ارجووووك ييا جدع ابعد عنى و اتجنبنى عشان مش عايز اتنرفز عليه مرة تانية و اخد ايقاف تانى بسببه
بالنسبة للدكتور الكريم احمد سامي .. مشكورا فهمنى موقفه فى رسالة خاصة و اقسملي انه ما كنش يقصد انه يغيظنى برده عشان كده احترمته و اتأسفتله
اما بقية الاعضاء ما قالوش اى حاجة لانهم فعلا كانوا عايزين يغيظونى خصوصا العضو powert اللى بيقول انا عندى فيات مطلعة عينى و انى متغاظ من حضرتك مع انى لا عمرى كلمته و لا رديت عليه فى اى موضوع و اول مرة اعرف ان فيه عضو بالام ده اصلا ... بصفته ايه يتريق عليا و يقوللى عندى فيات مطلعة عينى ؟ باى حق ممكن يقوللى كده ؟ عشان كده زى ما طلبت من الاخ كريبتون بطلب منك برده يا powert انك تتجنبنى خالص و مش لازم ترد على اى حاجة ليا عان بجد انا متأكد ان اى نقاش بينا بعد كده فى اى موضوع مش حيبقى لطيف
و فى الاخر كل سنة و كل اعضاء نايل موتورز بخير .. و بوجه اسفي لكل عضو انا غلطت فيه من غير حق و تقبلوا جميعا احترامى
ايهاب
اهلا بعودتك يا استاذ ايهاب .
اولا بس عايز اوضح حاجة انت فاهمني غلط فيها ..
انا في موضوع الياريس مقصدتش خالص اتريق عليك و لا علي اي عضو بس انت لو كنت من زمان هنا حتلافي دايما في " مشاكل " بتحصل عندما يكون في مقارنة بين سيارة كورية و سيارة يابانية .. ولو تفتكر ساعتها انا مكنتش بتريق انا كنت بوضح وجهة نظر معينة الا وهي انك ميفنعش تقارن سيارة من فئة كبيرة بسيارة من فئة اصغر فقط لتقاربهم في السعر و في راي ساعتها ان الانترا احسن من الياريس بكتير
يمكن اكون قلت الكلام في صياغ ساخر او كوميدي و لكن لم اكن اقصد اساءة ليك و لا اي حاجة .. انا بهرج مع اخواتي في نايل موتورز على طول و عمري ماقصدي اضايق حد و لا استقصدك ولا حاجة انا بس اتضايفت لما رايتك رد حضرتك العصبي و الغاضب و به اساءة شخصية لي مع اني حتى و ان كنت " استفزيتك او نرفتزك " و لكني لم اغلط فيك .
بالنسبة للموضوع ده . ممكن اقسملك بالله اني رديت ردي علي توت و ماكنتش متذكر خالص اسمك .. يعني لو كان شخص تاني غيرك مع توت كنت حقول نفس الرد بالظبط علشان بصراحة رد حضرتك عليه زي منت قولت كان شديد .. و توت من اعز اصدقائي في المنتدى زي ماهو قالك ,, و انا مبعملش حاجة علشان اقرب لحد و لا اضايق حد .
و ووقف و انذراتك مش انا السبب فيها - السبب ردود افعالك العصبية .. كان ممكن حضرتك بمنهى البساطة تبعتلي رسالة خاصة و تشرحلي انك مش بتحب التهريج او كلامي ضايفك و انا كنت حعتذرلك في ساعتها علي طول او اذا كنت ضايفتك للدرجة دي كنت ممكن تعمل شكوى و بالتالي حقك يبقى مضمون من غير ماتضطر تاخد انذار او وقف بسببي .
و ارجوا انك متكونش زعلان و انا لم اتعمد مضايقتك نهائيا - و كل عام و انت بخير بمناسبة رمضان .
و مبروك مقدما علي الالنترا - اختيار موفق باذن الله .
وطبعا مش حعلق علي موضوع الشكوى الي انت عامله علشان مش عايز حد يتعافب بسببي تاني في نفس الوقت انا مغلطتش في حضرتك شخصيا علشان تنعتني باللفظ الي انت بتقوله في شكوتك .
الله يسامحك .
حتى الان قام الاعضاء : الدكتور احمد سامي و الاستاذ حسن خليل و الاستاذ توت و الاخ كريبتون بتوضيح الفهم الخاطئ فى الموضوع عن طريق رد عام للاخ كريبتون و الاخ توت لبيان حسن نيتهم وانهم ما قصدوش استفزازي .. مع عتاب بسيط لاخى كريبتون بنه مش عشان استاذ توت صاحبك يبقى ترد حضرتك مكانه و تسبب مشكلة تانية بينى و بين حضرتك .. مجرد عتاب بسيط ارجوك تتقبله .. و قام كل من الدكتور احمد سامي و الاستاذ حسن خليل بتوضيح نفس حسن النية فى رسائل خاصة و قد احترمت كل من وضح لى حسن نيته و انا ابدأ معه صفحة جديدة و ادعوه الى صداقتى فى المنتدى و اسحب رجائى منه بتجنبي بل اتمنى ان اجد من هؤلاء ردودا دائمة على جميع موضوعاتى و مناقشاتي
و بالنسبة لاخى كريبتون اسف على نعتك بالذئب فى قسم الشكاوى .. انت طلعت احسن منى انا و ربنا يديم العلاقة الحلوة بيننا .. و كده انا عرفت ان حضرتك بتحب تهزر و ديه احلى حاجة فرحتنى لان انا برده بحب الهزار اوى بس ما كنتش بهزر لكتر الجدية اللى كنت بلاقى عليها موضوعات المنتدى
و قبل بداية شهر رمضان انتظروا منى اعتذار رسمي فى المنتدى الاجتماعى .. لانكم رجال اتشرف بمعرفتهم و بنصيحتهم باعتبارى اخا صغيرا لهم .. و فى انتظار توضيح حسن النية من البقية .. و قد تأكدت من سوء نية البعض حتى الان لعدم ردهم على و ارسال رسالة خاصة لى لتوضيح حسن نيتهم رغم ان فيه عضو فيهم بعتله بنفسي رسالة خاصة اعاتبه فيها و ما ردش عليا مما يؤكد سوء نيته و هو العضو powert لان فعلا مفيش ى حاجة ممكن يقولها بعد ما قال انى عندى فيات مطلعة عينى و انى متغاظ من اخى توت يعنى موجهلى الكلام بصورة رسمية عينى عينك كده عشان كده مش لاقى حاجة يرد عليا بيها
بالنسبة للبقية لم يصلنى منهم اى شئ و لن اظن السوء بهم لعلهم لم يقرأو كلامى فى هذا الموضوع بعد عودتى
كل سنة و انتوا طيبين
و عشان تعرفوا كل حاجة عنى .. انا ايهاب نصار .. 18 سنة .. طالب بكلية بترول و تعدين السويس
اخى العزيز كريم كريبتون يرضيك ان بعض الاعضاء لحد دلوقتى ما كلمونيش خالص فى الموضوع عشان يوضحوا حسن نيتهم ؟ و رغم كده انا اعتذرت لهم كلهم و ليكم فى قسم الشكاوى لانى بحبكم فى الله و ربنا يديم المعروف بينا
شكرا على اهتمامك و ربنا يوفقك
اللهم امين
يا اخ ايهاب . بعكس مايحدث معنا من قريب او غريب ارجوك دائما ما تفرض حسن النية الا ان يثبت العكس , وفي الاخر و في الاول ستكون انت احسن عند الناس و عند الله .
و خصوصا مع اقتراب شهر رمضان .. خليك انت الكبير و سامح الناس حتى لو انك شاكك انهم اخطئوا .
و كله ليك في الاخر مش عليك .
فين ردود استاذنا توت ؟ هو غايب ليه كده بقاله كام يوم ؟ انا نفسي الاقى ردود جديدة فى الموضوع ده لكل اللى حصلت معاهم المشكلة اللى فاتت ديه و ماتحرمناش من ردودك برده يا كريم و بعدين انا عايز اعرف اعماركم بالظبط عشان اشوف الفرق فى السن و اقولكم يا عواجيز ههههههههههه
من هذه القائمة :
1 - لانسر الشكل القديم
2 - كورولا الشكل القديم
3 - أوبل إسترا
من خارج القائمة :
1 - مازدا 3
2 - هوندا سيفيك
3 - سوبارو إمبريزا ( Hb )
انا بقى باحتار الكورولا الجديدة
وبعدين الميجان الهاتش ياك
ولو من برة القائمة اكييييييييييييييييييد الماتيريا
انته لسه ناسيته حراااااااااااااااااام بجد
ميتسوبيشى لانسر الشكل الجديد
شكلها تحفة
واللهي ياباشا هيه العربيات أزاواق أنا عن نفسي أرشح
رينو ميجان سيدان
وأرشح عربيه تانيه بس هسه مش موجوده هيونداي ألنتر الشكل الجديد
انا اخترت لانسر الشكل الجديد
شكلها عصري جداااا
Megane Hatchback
-GEN2- 4 sure
:S_thum1[1]:
من القائمة
ميجان هتشباك
من خارج القائمة
سوبارو إمبريزا هتشباك
اه والبيجو 308 الجديدة روعه .. حاجه مالهاش وصف
بروتون جين 2
كافية انها صنع بلد اسلامى - اندونيسيا
بيتهيا لي في موضوع شبيه في المنتدى..
على العموم
من القائمة:
1- Lancer EX sport full
لان بصراحة شكل الموديل العادي
منها من غير بودي كت..مختلف خالص
2- GEN 2 sport
بس البودي كت بتاع 2008 هو
اللي احلى في رأيي
3-grand punto
من خارج القائمة:
1- SEAT LEON
2- Mazda 3
3- Fiat Bravo
مــــــــــــــــــــــيـ ـــــــــــــــــــــــجـ ــــــــــــــــــــان
ميجان هاتشباك
انا شايف ان بروتون جن من اجمل العربيات الشبابيهمن حيث الشكل الله اعلم الاداء ظروفه ايه ولا التقفيل
من القائمة اختارت رينو ميجان هاتش باك
من برة القائمة Alfa Romeo 159 GTI
هو ليه مافيش مرسيدس وفولكس باسات ولا بى ام
الافيو شيك وكمان اللانوس:S_thum1[1]:
شفرولية لانوس:lovlie02[1]:
افيو :Ob_mak1[1]:
يارس:U_thin1[1]:
نيو اكسنت:k38:
بالنسبه للعربيات اللى موجوده فى الاستطلاع بس
اوبل استرا
لكن عموما انا باعشق اى تصميم لل BMW بالذات X6 بس ما شوفتهاش فى مصر
[IMG]http://up2.m5zn.com/photo/2009/2/27/...egzya6.jpg/jpg[/IMG]
الجراند بونتو جميلة..والاشد اوى البرافو فخمة جدااااااا
اكيد طبعا متسوبيشى الشكل الجديد دة من راية
أنا ترتيبي لهم من حيث الشكل طبعا :
1- لانسر شارك
2- الجين 2
3- الجراند بونتو
معليشى سامحونى انا هخرج عن النص انا مع البى ام
الانسر الشكل الجديد بدون منازع
من خارج القائمة نصر 128 جامدة :S_thum1[1]:
سيراتو الشكل الجديد (فورتي) انا عارف يا أستاذ توت ان ساعة لما عملت الموضوع ماكانتش لسا موجوده , بس دلوقت لازم تضاف و بقوة للقايمه
فعلاً السيراتو الجديده شكلها جامد جداً من بره كمان التابلوه بتعها شيك قوي...
عيبها الوحيد سعرها المبالغ فيه...
بيجو 406 جذابة جدا