عرض للطباعة
السلام عليكم
لو الواحد هيجيب عربيه جديده فى حدود 80 الف يجيب نوع ايه يا شباب ويكون 80 كاش ومش عايز يبق عليا اى فلوس
المطلوب من العربيه تكون عائليه ومصارفها طبيعيه ذى الدايو مثلا وتكون عربيه امكانيتها كويسه وشكلها كويس والاوشان ال فيها معقول
تنصحونى بايه ... وانا اقصد عربيه زيرو
لو الاوبترا في السعر ده تبقى عربيه تمام
السلام عليكم
حضرتك ادخل على موقع كونتاكت كار و هتلاقى أسعار جميع العربيات و ممكن تشوف المبلغ اللى معاك يشترى ايه و برضة فى قسم المقارنات فى المنتدى هنا موجود أسعار العربيات فى المواضيع المثبتة و ربنا يكرمك بحسن الاختيار .
لو مش فارق معاك انك تركب عربية صغيرة شوية... يبقى جيتز
لو عايز عربية عائلية وبرستيج... يبقى اوبترا
+1اقتباس:
المشاركة الأصلية كتبت بواسطة m.zaher
لان اصلها دايو وانت عايز حاجة زى الدايو
اوبترا او صني او برسونا
1-نيسان صنى اوتوماتك
2-الاوبترا
3-هيونداى نيو اكسنت
الماتريكس بيشكروا فيها اوى
هى الاوبترا قطع غيارها اخبارها ايه غالية وللا رخيصة
هما3عربيات
مانيوال2011
1_اكسنت80500 غبوررررررررر
2_اوبترا88500 منصوررررررررررر
3_صنى84000 السبع
ماتريكس اوتوماتيك كسر زيرو ... وادعيلى بجد عربية فوق الرائعة و مفيش فيها عيوب
انا كان معايا اويل 90 فيكترا الماني مش المصري ....... كنت فاحتها و كانت ماشاء اللة و فين و فين اما كنت بحتاج اعمل فيها حاجة و بعتها و جبت نوبيرا كوري بريميام علشان الكماليات و الدلع و جايبها من الجمرك هنا في بورسعيد يعني مش متهانة
مصاريفها الأضعاف
طلمبة بنزين.. و ده بالعبيط .. لا عداد الطلمبة بيخرف لا طلمبة المية فسحت لا البوابة عملت ايه مصاريفها كتير للامانة
انا الأوبل اعدت معايا 7 سنين و ما اعرفش شكل عوامة مؤشر البنزين بتاعها ده بيتفك منين اصلا
خليك في الألماني
80 ممكن تجيب فيكترا كويسة
نيو اكسنت
1 / نيسان صنى
2 / اوبترا شفر
بص انا ليا نصيحة وهتدعيلي بعديها .......
انت لازم تنزل سوق العربيات وتركب بنفسك وتشوف ايييه المناسب بالنسبة لك ومش هتخسر حاجة بالعكس هتكون متطمن وخلي سؤالك ايييه العربيات المتاحة في رينج الـــ 80 ألف جنيه ... وحاول تحدد طلباتك بزيادة شوية ...... هل هتحتاج هاتش باك ولا سيدان ... هل محتاج اوتو ولا مانيوال .. هل يفرق معاك الاوبشن الزيادة مقابل السعر وده بالنسبة لكل عربية قدامك .... وحاول تكون موضوعي في الشراء يعني لو لقيت على سبيل المثال فرق بين عربية بفتحة سقف تفرق عن اختها منغير سقف 10 آلاف حدد ان كانت فتحة السقف تساوي ال10 آلاف ولا ما تساويش وهكذا
وكل الردود السابقة ردود شخصية وكلهم اكيد عاوزينلك الأفضل بس الاجابة ليست جازمة ..... وزي ما بيقولو لولا اختلاف الازواق لــــبارت السلع
ورأيي (الشخصي) هـــات نيو اكسنت sport النسخة الرياضية مالهاش حل ... ركبتها كانت مانيوال مالهاش حل والله وتستاهل فلوسها
لو زي ما حضرتك ما قايل عربية عائلية و مصاريفها معقول و ب 80 الف كاش نصسحة هات حاجة كسر زيرو و تكون حاجة من ال 3
1- لانسر 1600 اوتو 2007 و انت طالع
2- اوبترا اوتو
3- ماتريكس اوتو
و لو حضرتك بتفضل المانيوال يبقي ما فيش مشاكل
كيا ريو او بيرسونا او اكسنت او اسبيرانزا تيجو مثلا
يا اكسنت يا جين 2
80 الف يبقى يا أكسنت مانيوال يا فيرنا اوتوماتيك
حد برده يا حسام يدفع 80 الف في فيرنا اوتوماتيك
و راحت فين البرسونا ,,,, يارجل دا مفيش مقارنة بينهم اصلا
البيرسونا على عينى وراسىاقتباس:
المشاركة الأصلية كتبت بواسطة m.almaghraby
بس على حد معلوماتى مفيش بيرسونا ب 80
والراجل عايز عربيه عائليه ب 80 الف كاش ميتبقاش عليه فلوس وتكون زيرو وتكون مصاريفها قليله زى الدايو
يبقى ايه غير فيرنا اوتوماتيك ب 75 او أكسنت مانيوال ب 80 ؟
طيب ايه رأيك فى البرليانس fsv
هيا فعلا الفيرنا اقتصادية بس تمنها مغالي فيه جدا ...
و البرسونا الهاف اوبشن ب 79 علي فكرة :))
برضه حسب معلوماتى :)اقتباس:
المشاركة الأصلية كتبت بواسطة m.almaghraby
ان البيرسونا هاف أوبشنز مانيوال ب 79.900 موديل 2009 واعتقد مبقاش فى منها دلوقتى
والموجود حاليا 2010 مانيوال فل أوبشنز ب 85.900 بعد التخفيض وبعد فتره هاتغلى تبقى ب 88.900
وانت برضه بروتونى وتعرف اكتر منى لو غلطان فى حاجه صححلى :)
ايوا تمام فعلا حتغلي بعد 16 اكتوبر
بس 2010 في منها هاف اوبشن موجود عند عز العرب ,,, حتغلي حتبقي ب 82900 السعر الجديد
الفول اوبشن مانيوال فعلا حتبقي ب 88900 بعد العرض ما يخلص
تماماقتباس:
المشاركة الأصلية كتبت بواسطة m.almaghraby
انا كنت فاكر ان مفيش هاف أوبشنز هاتنزل تانى خلاص , بيتهيألى انى قريت الكلام دا فى مشاركه لأيمن من فتره
عموما شكرا على المعلومه
الف مليون شكر يا شباب انا حاليا لحد كبير مقتنع ان المبلغ دا يجيب نيو اكسنت اسبورت او جين 2
بس لما شفت الاكسنت الاسبورلات من جوا فى جريده الاهرام لقيت ان شكلها عادى جدا ذى الدايو مفيش فرق كبير بينهم بس انا ناوى علشان ابق عادل انى اروح اى معرض واركبها
بس انتم ايه رايكم فى المحرك بتاعها وكدا
المحرك بتاعها 112 حصان علي وزن خفيف اكيد يعني سرعه و تسارع زي الفل بس مفيش عوامل امان ده غير ان في شكاوي من الفتيس الاوتوماتيك بياكل تيل الفراملاقتباس:
بس انتم ايه رايكم فى المحرك بتاعها وكدا
اية علاقة الفتيس بتيل الفرامل :b4_592:اقتباس:
المشاركة الأصلية كتبت بواسطة eng_ahmed_90
عموما اللى اعرفة و مجربة المانيوال و التيل الاصلى لسة موجود و عامل 34000 كيلو لغاية دلوقتى و شغال كويس و الحمد لله
و لو رسيت على النيو اكسنت رايى بلاش الاسبورت و خليك فى العادية و وفر فلوسك احسن لان مفيش اى تعديل جوهرى بين الاتنين .
جين 2
بيرسونا او واجا عليها عروض فى السعر دلوقتى
ربنا يوفق
بلاش من عربيه وكيلها منصور شوف عربيه وكليها محترم وعربيه بنت ناس
+1111111111111111111111111111اقتباس:
المشاركة الأصلية كتبت بواسطة raedegypt
يعنى ايه ؟؟؟؟اقتباس:
المشاركة الأصلية كتبت بواسطة eng_ahmed_90
النيو اكسنت اسبورت شكلها عادى ودا ال مش مشجعنى ليها وحاسس انها صغيره
طيب معلش هل ممكن الاقى نيو سيراتو اتوماتيك وكسر زيرو بمبلغ 90 الف تقريبا
هل ممكن الاقى بالسعر دا
ممكن بس مش عارف هاتكون انهى فئهاقتباس:
المشاركة الأصلية كتبت بواسطة احمد المصرى
ممكن تلاقي اوتو كسر زيرو علي 95000 ادخل مثلا علي contactcars.com ودوراقتباس:
المشاركة الأصلية كتبت بواسطة احمد المصرى