مشكلة في مروحة الميجان...ارجو المساعدة
السلام عليكم..
حصلت مشكلة معايا في مروحة التبريد عايز اعرف رأيكم فيها...
من كام يوم كنت ماشي مشغل التكيف لقيت في صوت حشرجة جامدة اوي من ناحية الموتور كده والصوت باين من جوه العربية...روحت الحرفيين عند واحد اسمه الشيخ جمال بتعامل معاه على طوول...قاللي دي محتاجه موتور مروحة بس الموتور مش بيتباع لوحده لازم المروحة بالكامل...
اخدت المروحة وركبتها بس ركبتها على الريشة القديمة اللي كانت عندي عشان عرفت اتفق معاه اني اخد الموتور بس...
نفس اليوم بالليل لقيت بردوا في صوت vibration كده باين من جوه العربية وبيسكت لما اقفل التكييف...روحت لخالد الزيني قاللي ارجعله وغير الموتور عشان ده بايظ...
دلوقتي انا بقيت مقلق اجيب المروحة استيراد وامشي بيها شهر ولا حاجة ترجع تعمل كده تاني وارجع ادفع ثمن المروحة تاني...وفي نفس الوقت المروحة الجديدة عاملة 1000 جنيه والمبلغ مش قليل والفرق بينهم كبيير...
رأيكم ايه يا جماعة ...؟