سرق الكوفر و خبط العربية "الحمد لله"

**nono533223** · 22-09-2010 08:37 PM

الحمد لله ومتشكر اوي علي ردودكم جزاكم الله كل خير زي ما في ناس زي اللي عمل كده في العربية لسه في خير برده الحمد لله قضاء ربنا

**ada7** · 22-09-2010 09:28 PM

بص يا باشا روح التوكيل فى اى وقت (السمكرهمش بالحجز) وادخل على السمكره وأسألهم عليها هتكلف كام أنا معرفش فى الدهان بس أنا كان عندى تطبيق فى الرفرف اللى ورا فوق الكاوتش على طول وانا فى التوكيل فى صيانة ال25000 قلت لمهندس الاستقبال عايز اعرف دى لو عملتها هتكلف كام رد عليا وقالى هتروح السمكره وهتشوف راحت السمكره ورجعت زى الفل فبريكا طيب يا نهار ابيض دى كلفت كام وليه ما قلش لحسن يكونواا بيتبعوا سياسة الامر الواقع رحت للمهندس كلفت كام قالى ولا مليم
دفعت 77 جنيه بس ده علشان انا رحت عملت صيانة ال 20000 فى الميكانيكيون العرب فهما قاللولى اما اروح اعمل الصيانه المجانيه هناك او ادفع ساعة عمل ودى كنا متفقين عليها قبل ما يطلع يعاين العربيه

**aymanay32** · 22-09-2010 09:32 PM

الحركة دى اتعملت معايا بس ربنا هدانى اسال راجل طيب قاللى ان البوابة بتاعة العمارة دى هيه اللى بتاخد الغطاء عشان متركنش هنا تانى

الخبطة اعملها فى التوكيل و اوعى تروح لسمكرى برة العربية جديدة مش موديل قديم و حرامتوديها لسمكرى و دوكو يعكوهالك و ممكن يخرجوك من الضمان لو حصلك حاجة فى الصاج زى الاخ بتاع سوزوكى sx4 اللى ظهرت عنده انبجاعات فى الصاج بتاع الرفرفين

**ada7** · 22-09-2010 09:52 PM

التوكيل افضل

**nono533223** · 22-09-2010 10:47 PM

كده ان شاء الله هروح التوكيل متشكر جدا علي مساعدتكم يا جماعة جزاكم الله خيرا

**MOK3336** · 29-09-2010 10:57 PM

و الله أنا شايف انك تنساها دلوقت خالص عشان تاخد العين شوية و لو العربية لونها أسود ممكن تغطي الحته المقشرة دي بشيركتون أسود زي ما أنا عامل بالظبط عشان الصدأ و ولو لون تاني ممكن تغيطيها بسيلوتيب شفاف لما تاخد فترتها تبقي أعملها
و عمتاً الصنيعي لو شاطر ممكن يعملها زي التوكيل بالظبط لأن ايلي في التوكيل صنيعي برضة و الحمد لله علي كل شيىء