ما خاب من استشاار (بخصوص جيجي)

**mido_soliman** · 22-09-2010 03:40 PM

ازيكوا يا اجدع بروتوناوية فى الدنيا يارب كلوا بخير وصحة ان شاء الرحمن
كنت عايز اخد رايكو فى موضوع
حاليا جينا عاملة 7000 كيلو وانا مروحتش غير صيانة الالف لانى حاطط زيت فيسكو 3000 والحمد لله معنديش مشاكل فى العربية وبالتالى مروحتش صيانة ال 5000 لسببين اولهم عطلة والثانى فلوس حتدفع على الفاضى
المهم حاليا عربيتى الحمد لله زى الفل ولون الزيت زى ما هوة وكلة تمام باثتثناء حاجة واحدة (العفـــــشة )
النهاردة حسيت انها مهلهلة :) من ورا على وجة الخصوص وبتهبد جامد فى عيون القطط والنقر البسيطة بمعنى ادق احساس التماسك اللى انا متعود علية من العفشة قل كتير جدا وبالتالى بعد دراسة للوضع الحالى عايز اخد رايكو
1-فاضلى 3000 كيلو على صيانة ال 10000 ودول مش حيجوا قبل شهر ونص شهرين دة لو انا بنزل كتير كمان هل اروح التوكيل واعمل الصيانة بدرى اوى كدة :((
2-اروح لحد اربط عندة العفشة فقط لا غير لانى مش محتاج غير كدة ؟؟؟؟
3-مين الحد دة انا من 6 اكتوبر ولا اروح مركز فيصل اللى الكل بيتكلم عنة (انا عايز حد يربط عفشة صح مش اى كلام )
4-ياترى الوقت حياخد قد اية والتكلفة كمان
5-ياريت اى معلومات عن المكان اللى حروحلة ولو فى تليفونات يكون كتر الف خيركوا
6-انا عايز كل بروتونى يقرا الموضوع يدخل يقول راية حتى لو كلة متفق مع راى واحد
تحياتى للجميع

**spiderloking** · 22-09-2010 03:54 PM

مركز فيصل كويس بس الطريق عندوا مكسر شويه و اهو تجرب صوت الشخلله شويه و انت طالع من عندهم لسه موجوده ولا لأ يعني احسن مكان اعتقد تقدر تجرب فيه عربيتك هههههههههههههه

ثانيا : انا مش معاك في موضوع انك معملتش صيانه ال 5000 ديه طالما العربيه زيرو حاول تهتم بيها في الصيانات علشان تعيش معاك و زي ما بتديك حقك اديها حقها علي العموم انت شايف انك مش محتاج للصيانه ديه يبقي ربط عفشه و استني بقي و اعمل علي طول صيانه ال 10000

**Tarek Gen 2** · 22-09-2010 03:56 PM

بص يا سيدى العربية دى بالذات مينفعش يعدى عليها 5000 كيلو من غير تربيط العفشى انا امبارح وانا بعمل صيانة ال10000 وانا اصلا عامل ال5000 كمان كان الراجل بيربط العفشة قدامى مش عايز اقواك كانت مخلعة ازاى
اطلع على اى بريدج ستون او بنزينة محترمة و خش على بتاع الزيوت خليه يربطلك العفشة من تحت صمولة صمولة او عفشجى كةيس يعنى بس بريدج ستون احلى حاجة و ب20 جنيه تقريبا و بتاخد 10 دقايق بس

**mido_soliman** · 22-09-2010 04:05 PM

المشاركة الأصلية كتبت بواسطة tarek gen 2

بص يا سيدى العربية دى بالذات مينفعش يعدى عليها 5000 كيلو من غير تربيط العفشى انا امبارح وانا بعمل صيانة ال10000 وانا اصلا عامل ال5000 كمان كان الراجل بيربط العفشة قدامى مش عايز اقواك كانت مخلعة ازاى
اطلع على اى بريدج ستون او بنزينة محترمة و خش على بتاع الزيوت خليه يربطلك العفشة من تحت صمولة صمولة او عفشجى كةيس يعنى بس بريدج ستون احلى حاجة و ب20 جنيه تقريبا و بتاخد 10 دقايق بس

100% يا روقة عندك فكرة بريدجستون اللى فى اكتوبر دة بيعملها ولا اية ؟؟؟
انا لمحت يفطة لبريدجستون على ناصية الحصرى قدام شوية مش عارف دة توكيل فعلا ولا اشتغالة وفعلا انا معاك ان العفشة لازم تتربط كل 5000 كيلو ومش حسيبها تانى

**mido_soliman** · 22-09-2010 04:09 PM

المشاركة الأصلية كتبت بواسطة spiderloking

مركز فيصل كويس بس الطريق عندوا مكسر شويه و اهو تجرب صوت الشخلله شويه و انت طالع من عندهم لسه موجوده ولا لأ يعني احسن مكان اعتقد تقدر تجرب فيه عربيتك هههههههههههههه

ثانيا : انا مش معاك في موضوع انك معملتش صيانه ال 5000 ديه طالما العربيه زيرو حاول تهتم بيها في الصيانات علشان تعيش معاك و زي ما بتديك حقك اديها حقها علي العموم انت شايف انك مش محتاج للصيانه ديه يبقي ربط عفشه و استني بقي و اعمل علي طول صيانه ال 10000

يباشا متشكر على ردك بس انا الحمد لله من الناس اللى واخدة بالهم من العربية اوى واعضاء كتير هنا عارفين متقلقش مش مهمل ولا حاجة كل ما فى الامر انى بحب اخد راى اخواتى هنا فى اى حاجة متعلقة بجىجى وكنت سالت استاذ ابومريم فى مقابلة سماش فى القرية الذكية لو كنت جيت وكان قالى طالما العربية مفيهاش حاجة متروحش وفعلا انا كنت مقتنع براية خصوصا ان الزيت يستحمل يعد فترة اكبر من كدة كمان ادى حكاية عدم ذهابى لصيانة ال 5000 ولكن فعلا انا مقتنع دلوقتى ان العفشة لازم تتربط كل 5000 حتى لو مفيش صيانة
تحياتى ليك يباشا وشرفنى تعلقيك

**Tarek Gen 2** · 22-09-2010 05:02 PM

المشاركة الأصلية كتبت بواسطة mido_soliman

100% يا روقة عندك فكرة بريدجستون اللى فى اكتوبر دة بيعملها ولا اية ؟؟؟
انا لمحت يفطة لبريدجستون على ناصية الحصرى قدام شوية مش عارف دة توكيل فعلا ولا اشتغالة وفعلا انا معاك ان العفشة لازم تتربط كل 5000 كيلو ومش حسيبها تانى

اى بريدج ستون بتعمل يا معلم عدى و اسال عليهم و ممكن تروح اى بنزينة فيها تغير زيت اللى بيرفع العربية ده زى شل او موبيل و خليه يربطلك العفشة واحدة واحدة و هى 10 ولا 20 جنيه زى الفل هتفرق جامد و ده نفس اللى بيحصل فى التوكيل بالظبط

و بالمرة بيبقى عنده هوا خليه يديك هوا كدة فى حوض الماتور و السربنتينة و المراوح و كدة ولو فلتر التكييف يبقى انت كدة هتلاقى نفسك راكب عربية تانية

**sayed911** · 22-09-2010 07:32 PM

بص يا اخي الموضوع بنه في في صيانة الـ 5000 يمكن تكون اهون الأشياء هيا تربيط العفشة لكن سدقني وعن تجربة والله العظيم انا والدي بيعمل للعربية الصيانة من اول ما اشتراها في مواعيدها بالضبط وعاملة الأن 32000 وعايز ااقولك انه من ساعت لما اشترى العربية مفتحش الكبوت بتعها ولا حتى بص على المياه جوة عاملة ازاي عشان التوكيل بيقوم بكل حاجة اي نعم اسعاروا غالية ولكن يكفيني انه عندي ضمان على العربية ولو فيها مسمار اتفك ها اروح الاقي حد اكلمه لكن اهمل في العفشة والصيانة وارجع اقول انه العربية فيها حاجات قلت كتير عن الأول وخصوصا انه الـ 5 الاف بتبقى نهائية مرحلة التليين للمحرك عشان كده كنت المفروض تروح لأنهم عاملين الف وبعدين 5 وبعد كده عشرات لكن الإتنين الأولانين عشان يشوفوا استجابة العربية ولو فيها عيوب تصنيع لا قدر الله تبان من اولها ولكن قدر الله وما شاء فعل والحمد لله ونصيحة ليك خليك دايما مع التوكيل يا اخي حتى وان كان له مساوءه فهو ارحم من نار الصنايعية وبالتوفيق

**Tayer** · 22-09-2010 07:35 PM

أحمد بريدج ستون الفى أكتوبر ده مخزن فقط

**Raul_7** · 22-09-2010 07:45 PM

ابو حميد, عامل ايه يا معلم..

أنا بصراحة بما إني بمشي على طرق سريعة طول الوقت, معظم الوقت صحراوي ومحور, وطريق أكتوبر, وبمشي بالراحة جدا في أي حتة مكسرة (بطء ممل) لقيت إن العفشة عندي كانت كويسة يوم الصيانة بتاعت ال 5000..يعني أنا تعمدت ابص, لقيته لف المفك واول لفة كانت مسكت.

المهم أنا شايف إنك تعملها في محطة بنزين محترمة أو في بريدجستون زي ما طارق قال لك.

وبقى طمنا يا معلم.

**mido_soliman** · 22-09-2010 08:14 PM

المشاركة الأصلية كتبت بواسطة raul_7

ابو حميد, عامل ايه يا معلم..

أنا بصراحة بما إني بمشي على طرق سريعة طول الوقت, معظم الوقت صحراوي ومحور, وطريق أكتوبر, وبمشي بالراحة جدا في أي حتة مكسرة (بطء ممل) لقيت إن العفشة عندي كانت كويسة يوم الصيانة بتاعت ال 5000..يعني أنا تعمدت ابص, لقيته لف المفك واول لفة كانت مسكت.

المهم أنا شايف إنك تعملها في محطة بنزين محترمة أو في بريدجستون زي ما طارق قال لك.

وبقى طمنا يا معلم.

حودة حبيبى ازيك عامل اية يارب تكون بخير والله يباشا انا زيك بالظبط فى الحتت المكسرة ممل جدا ولكن عيون القطط بنت التيييييت اللى فى الشوارع لما ببقى ماشى على سرعة لازم اخدها ودة يمكن اللى خلانى حسيت فى الفترة الاخيرة انها سابت شوية

المشاركة الأصلية كتبت بواسطة tayer

أحمد بريدج ستون الفى أكتوبر ده مخزن فقط

طارق باشا فعلا انا نزلت ولقيتة مخزن يا كبير ومتشكر على سؤالك

المشاركة الأصلية كتبت بواسطة sayed911

بص يا اخي الموضوع بنه في في صيانة الـ 5000 يمكن تكون اهون الأشياء هيا تربيط العفشة لكن سدقني وعن تجربة والله العظيم انا والدي بيعمل للعربية الصيانة من اول ما اشتراها في مواعيدها بالضبط وعاملة الأن 32000 وعايز ااقولك انه من ساعت لما اشترى العربية مفتحش الكبوت بتعها ولا حتى بص على المياه جوة عاملة ازاي عشان التوكيل بيقوم بكل حاجة اي نعم اسعاروا غالية ولكن يكفيني انه عندي ضمان على العربية ولو فيها مسمار اتفك ها اروح الاقي حد اكلمه لكن اهمل في العفشة والصيانة وارجع اقول انه العربية فيها حاجات قلت كتير عن الأول وخصوصا انه الـ 5 الاف بتبقى نهائية مرحلة التليين للمحرك عشان كده كنت المفروض تروح لأنهم عاملين الف وبعدين 5 وبعد كده عشرات لكن الإتنين الأولانين عشان يشوفوا استجابة العربية ولو فيها عيوب تصنيع لا قدر الله تبان من اولها ولكن قدر الله وما شاء فعل والحمد لله ونصيحة ليك خليك دايما مع التوكيل يا اخي حتى وان كان له مساوءه فهو ارحم من نار الصنايعية وبالتوفيق

متشكر جدا على النصيحة الغالية وان شاء الله اعمل بيها ومتشكر على تشريفك جدا

المشاركة الأصلية كتبت بواسطة tarek gen 2

اى بريدج ستون بتعمل يا معلم عدى و اسال عليهم و ممكن تروح اى بنزينة فيها تغير زيت اللى بيرفع العربية ده زى شل او موبيل و خليه يربطلك العفشة واحدة واحدة و هى 10 ولا 20 جنيه زى الفل هتفرق جامد و ده نفس اللى بيحصل فى التوكيل بالظبط

و بالمرة بيبقى عنده هوا خليه يديك هوا كدة فى حوض الماتور و السربنتينة و المراوح و كدة ولو فلتر التكييف يبقى انت كدة هتلاقى نفسك راكب عربية تانية

متشكر جدا يباشا وفعلا انا لسة راجع من بنزينة توتال اللى عند ميدان جهينة شمال الميدان لو انت جاى من اكتوبر او يمين لو جاى من المحور ولقيت عندهم راجل طيب اسمة عم محمد بيربط العفشة وفعلا رفع العربية واعد يربط فيها بس الحمد لله كلها كانت متربطة تمام وكل اللى كان محتاج تربيط الاتى
الاستارت بار كان مهوى حاجة بسيطة اوى ربط علية كلة وعلى المساعدين اللى قدام ومفيش اى مسمار فى العفشة قدام مهوى (الراجل كان بيعافر الله الوكيل)
العفشة اللى ورا كلها متربط عليها كويس اوى باثتثناء حاجة اسمها الميزان دى لما لقيتة بتربط معاة سالتة اية دى ياعم الحج قالى دة الميزان عندك مهوى شوية وهوة دة الى عاملك احساس انها بتتهز من ورا فى اى تكسير او عين قطة واديتة 15 وادانى رشة هوا فى السربنتينة زى ما قلتلى وركبت والحمد لله رجعت ماسكة نفسها وكلة تمام
متشكر جدا يباشا ومتحرمش منك

الموضوع: ما خاب من استشاار (بخصوص جيجي)

LinkBack

أدوات الموضوع

عرض

ما خاب من استشاار (بخصوص جيجي) - انشر الموضوع فى :

-

-

-

-

-

-

المواضيع المتشابهه

جيجي بتسخن .

مساحات جيجي بطيئه والرشاشات مش شغاله

مين اللي معاه جيجي سوده و كان في الرحاب امبارح

اخيـــــــــــــــــرا استلمت جيجي اخيــــــــــــــــــــرا

جيجي رجعت بالسلامة

الكلمات الدلالية لهذا الموضوع

المفضلات

المفضلات

ضوابط المشاركة