اقتباس المشاركة الأصلية كتبت بواسطة moudy88 مشاهدة المشاركة
عربيتي النوبيرا فتحت بوقها على البحري .. وخلاص قربت اقفله ويارب تكون لحد كده وخلاص .. العربيه كل لما اصلح حاجه تفتح حاجه تانيه

بالنسبه للكهرباء
تم شراء مارش استيراد من عزبة شلبي وتغييره 3 مرات لانه كان بايظ وفي اخر مره وبعد دفع رشوه (10 جنيه ) للصبي اخدت واحد شغال
تم تغيير البطاريه بنوع كوري

وبالنسبه للميكانيكا

تم تغيير البطاحات وتيل وطنابير خلفي وحساس tps وغطا تاكيهات وجوان ومقصات

ودي اسعار قطع الغيار والمصنعيات واماكن الشراء

1- مارش استيراد ب135 جنيه من عزبة شلبي والمصنعيه 25 جنيه

2-بطاريه كوري مش فاكر اسمها لونها اسود فيها عين سحريه تبين حالتها ب330 جنيه

3- تيل خلفي وطنابير خلفي ب120 و240 (المفروض انهم اصلي ) من لاكي تريد في شارع دمشق والمصنعيه 50 جنيه

4- طقم بطاحات اصلي ب170 جنيه من لاكي تريد والمصنعيه 50 جنيه برده
5- حساس tps باظ بسبب غسيل الماتور بالفوم والمياه في المحطه (ربنا يجازي اللي كان السبب ) جبته ب125 جنيه من لاكي تريد والمفروض انه اصلي والمصنعيه 20 جنيه

6- طقم بوجيهات ngk الكتروني واحد شمعه ب50 جنيه وسلوك ب65 جنيه والمصنعيه 20 جنيه

7- غطا تاكيهات اصلي ب225 جنيه من المنير في فيصل والمصنعيه 20 جنيه ( كان فيه رشح زيت رهيب في الحوض )
8- مقصات اسباني ب400 جنيه من المنير في فيصل ولسه هغيرهم النهارده ان شاء الله
9- خزان الفيبر بتاع الريدياتير وتم تنضيف وتسليك الريداتير ب140 جنيه ...ولسه الريدياتير بينقط من نفس الحته

كل ده اللي انا غيرته ..وللاسف العربيه مخلصتش لان زيت الباور بينقص ولسه معرفتش المشكله
ده غير ان الريموت باظ (المشكله من الجزء اللي في العربيه )
ومابك من نعمة فمن اللة الاسعار دى تتحسد عليها من ملاك الاوبل والرينو نفس الفئة بتاعتك