بالظبط كدة السبب في دة المناهج التعليمية المفرغة من المحتوى الأسلامي يعني الطالب المصري بيدرس أيه مواد دينية ؟ هي حصة الدين أو التربية الأسلامية ومحدش بيحضرها للأسف وأنا فاكر كويس أن كان الجدول بتاعنا في الثانوي كان بيتعمدوا يحطوا مادة الدين في آخر اليوم الدراسي عشان ساعات كتير المدرس بيمشي الطلاب وميحسبش غياب من أنها في نظري أهم من كل الحصص اللي قبلها دة على أعتبار أننا مسلمين وعايشين في بلد أسلامي .
على جانب آخر شوف في السعودية على سبيل المثال وعد معايا كام مادة دينية بيدرسوها من أبتدائي لحد ثانوي :
1- قرآن .
2- حديث .
3- فقه .
4- توحيد .
5- تفسير .
6- تجويد .
دة غير المسابقات الدينية والجوائز القيمة والتكريم من الأمراء والملوك .... طبعاً الفرق واضح .
على الهامش : لازم أنتقد التقرير دة بشدة لأنه ناقص وجاب المشكلة فقط ولم يأتي على ذكر السبب .