عملت اليوم صيانة 80000كم فى العوض جروب -لاوتستراد
زيت وفلتر وفلتر بنزين
567 جنيه
عرض للطباعة
عملت اليوم صيانة 80000كم فى العوض جروب -لاوتستراد
زيت وفلتر وفلتر بنزين
567 جنيه
يا باشا ألف مبروك وعقبال صيانة الـ 8 مليون إن شاء الله :driving:
الف مبروك الصيانة
بس عايزين تفاصيل اكثر اية الى انت عملتة بالضبط فى الصيانة و المبلغ دة تفصيلة اية
لانك اول واحد يكتب مشاركة للكيلو متر دة
مبرووك الصيانة
الف مبروك وبسم الله ماشاء الله 80 الف فى سنتين
الف مبروك ياباشا عالصيانه وعقبال المليون
السؤال بقى
هل انت غيرت سيور وبلى والكلام ده قبل كده ؟ ولو غيرته غيرته على كام الف؟
وشكرااا
شكرا للجميع
غيرت زيت موبيل 1 وفلتر زيت
فلتر بنزين 39 جنيه
مصنعيا ت الصيانة 230
طبعا كنت قولت لهم ربطوا العفشة ولا الهوا زى ماهيه
كان فى رجرجة فى العربية ولا لمسوا العربية ولما سالت
تانى يوم اتصلت وسالتهم انتوا عملتو العجل صليبة قالوا لى لا
طب ليه
قال ايه انا مركب جنوط سبور
كنت هش..................لهم
وطب وايه الى جاب القلعة جنب البحر
لان لما قلتلهم ليه ما عملتوليش ضبط زوايا قالوا نفس الاجابه الم.....................
هى دى قصة حياتى
الف مبروك الصيانه وعقبال ال1000000 كم ان شاء الله
وبعدين هما لما مربطوش العفشه ولا عملوا الزوايا ولا العجل صليبه امال المصنعيه دي كلها علي ايه عشان تغيير الزيت والفلاتر بس ولا ايه
علشان كدة انا بحب اكون جنب العربية و هى بتتعمل
كلام مظبوط واعتقد دا اللي بيميز توكيل التجمع الخامس عن اي توكيل اخر
مبروك علي الصيانة
هو في الأوبترا ايه هي الصيانات الكبيرة فيها اللي بتبقي اكبر تكلفة و بغيروا فيها الحاجات الأساسية زي سير الكاتينة
و الكاوتش الأصلي بيستحمل كام الف كيلو
الصيانه الرئيسيه واهم واحده هى ال 60 وال 30 , لان ال 60 هى تكرار ال 30
فيها تغيير فلتر هوا وسائل الفرامل وبوجيهات وفلتر بنزين وزيت الفتيس وفحص سير الكاتينه
تغيير سير الكاتينه 55
تغيير سائل تبريد المحرك 40
الكاوتش يقعد لحد 40 الف على ما اعتقد وممكن 50 حسب حالته
انا مغير بوجيهات على 30000كم ومن وقتها مغيرتش كل مره يقولولى حلوة
فلتر البنزين 30000كم و80000كم
فلتر الهوا مش فاكر انا غيرته مره واحدة حتى الان وكذلك التكييف
تيل الفرامل على 40000كم امامى بس وكل مرة يقولى لو محتاج اغيره ويطلع كزيس
الكاوتش على 70000كم
عملية تغير قطع الغيار تتغير من سيارة لاخرى حسب طبيعة السواقة و طبيعة الجو و طبيعة الطرق و بتسوق فى زحمة ولا طرق سريعة
و هى تقدير للفنى
ولكن هناك بعض القطع التى يجب ان تتغير فى صيانات معينة لحساسية هذة القطع مثل سير الكاتينة و الدينمو و دي كلها صيانة 55000
الزيت بيتغير حتى لو كان شكلة سليم حسب 5000 او 10000
لكن البوجيهات و فلتر هواء حسب حالة القطعة
مثال البطارية بتتغير امتى انا فضلت معاية 70000
فلتر الهواء لم اغيرة حتى الان بناء على نصيحة المهندس بالتوكيل
المساعدين امامى لم يغيرو حتى الان و سيتم الكشف علية خارج السيارة بالضغط فى صيانة ال 80000 ان شاء الله
الكاوتش تم غيار الاربع فرد فى 55000
يعنى العملية تقديرية بيتحكم فيها عوامل كثير
فليس هناك نظرية و احدة لتوقيت التغير ما عادا كما ذكرت القطع الحساسة
و بالتوفيق للجميع
بالضبط يا كبير
بردك فى مرة كنت شوفت على قناة المانية ان مفيش حاجة اسمها صيانة للتكييف
بس انا عندى مشكله وهى ان درجة الحرارة مابتتغيرش فى الصالون يعنى حتى لو مشغل سخن يدى ساقع
؟؟؟
دة معناة ان الزرار البكرة مكسور بتاع تغير شدة البرودة و الحرارة من الداخل و دة بيتغير فية كل الزراير بتاعة التكيف لانة بيجى قطعة واحدة
و بتتغير فى التوكيل على حساب الضمان
و ابقى ادعيلى و طمنى
اما عن القناة الالمانية
اية اخبار التراب هناك تفتكر الجو زي هنا
يا راجل انا صدري تعبنى هناك من نظافة الجو هايجى منين تراب على الفلاتر ؟ هاها
يجعلة عامر
زرار مكسور
من ايه طيب دا كان شغال زى القرد
وبعدين انا بره الضمان
برة الضمان ؟ ايييييييييييييييي
انا عندى عمل كدة بس في الزرار الى فى النص بتاع مخرج الهواء ولم اكن استعملة ابدا و اول مرة استعملة حصل كدة بدون سبب بس غيروة ليا
الحل انك تشوف حد كهرباء كويس يمكن فية حل للتصليح بدون تغير القطعة بالكامل و ممكن ارشحلك حد فى مدينة نصر لو تحب
عيب كسر الزرا دا او بمعنى اصح هو الوير بتاع الزرار بيفلت من المفتاح لانها على وير من ورا الكونسول منتشر جدا في الاوبترا كل اللي اعرفهم تقريبا عندهم نفس المشكله دي وبيركب واول ما ترحركوا تاني بيفلت وساعات كتير بيكون الفنت (الهوايات بتاعة التكيف )مفتوحه عالطول ولو المفتاح مقفول حتى وناس كتير متكنش عارفه وطبعا لما الهوا يدخل من بره عالطول بيأثر جامد علي التكيف ويخلي الفتاحات دي تلم تراب كتير ويغير ريحه التكيف
الحل ايه طيب يا شباب
الحل انك تروح زى ما قلت لحضرتك لحد فاهم و دارس العربية كويس يشوف ليها حل
و زى ما قلت لحضرتك اعرف واحد فى مدينة نصر كويس
بينى وبينك يا اينيشتين
انا بخاف اوى من موضوع تصليح العربيه ده
لان لقدر الله العربيه لو حصل لها حاجه مش هعرف اتحرك من مكانى