السلام عليكم جميعا أرجو الرد سريعا لأنى مسافر بعد 18 ساعة

**ashraf1212** · 22-09-2010 04:48 PM

[gdwl]أنا من أرض الجولف وعايز أروح المينا هاوس بالهرم ؟[/gdwl]

وأنا معرفش أى حاجة فى الجيزة ! أروح بطريق صلاح سالم و لا المريوطية الدائرى

أنا أسمع عنة ولكن معرفش هو مطلعو منين وهل هو خطر ومليان نقل وهل هو أمان ؟ ولا صلاح سالم أحسن

أرجو من اللى يعرف يدلنى والرجوع حيبقى أزاى ؟ شكرا للجميع الأربعاء 14 شوال 1431

تنبيه بمخالفة القاعدة رقم 6 بند أ
ممنو الكتابة باللون الأحمر حيث أنه مخصص للمداخلات الإدارية
الرجاء مراجعة قوانين المنتدى
مشرف عام 4

**kamalsalem** · 22-09-2010 05:06 PM

توكل على الله واطلع الدائري

وانزل المريوطية لحد اول نفق.. اطلع من فوقه لشارع الهرم ولف وارجع وطول على الرماية.. هتلاقي المينا هاوس في الرماية بس معرفش مدخله منين

**ashraf1212** · 23-09-2010 12:38 AM

[overline]شكرا لسرعة الرد والرجاء اللى يعرف أقرب مطلع للمحور من أرض الجولف وشكرا[/overline]

**mohamed_selim** · 25-09-2010 12:56 AM

من ارض جولف اللى يطلعك دائرى يوديك من صلاح سالم
خد صلاح سالم للاخر و تكمل من نفق الملك الصالح و منيل و جيزه و شارع الهرم طوالى ... قرب اخره هتخش يمين فى شمال فى شمال هتلاقى ميناهاوس على شمالك
المشكله ان السكه دى زحمه الصبح مع المدارس و من 1 ل 5 لحد مالناس تروح
لو رايح فى الوقت ده خد الدائرى ... اقرب مطلع خد الاوتوستراد لحد قاعة المؤتمرات و لف من تحت اكتوبر و ارجع من جنب نادى مدينة نصر و خليك طوالى ... هتلاقى نفق طريق السخنه ما تاخدوش و اطلع من فوقه يمين ... بس الطريق طويل قوى

ممكن اقترح حاجه ... خد صلاح سالم و بعد كوبرى السيده عيشه لف يوترن و خش يمين من عند البنزينه من عند عين الصيره كده و تمشى تاخد كوبرى ينزلك الكورنيش فى اتجاه المعادى و تطلع الدائرى من هناك

**ashraf1212** · 01-10-2010 05:45 AM

شكرا أ. محمد أنا فعلا أخترت صلاح سالم للأسف ردك أتأخر يومين بس أنا عملت كدة والوقت كان حوالى 6.30 مساء والصراحة الطريق كان سهل و غير المتوقع خالص

أنا عارف أنها مسألة حظ وأنا الحمد لله حظى حلو و فى ناس راحت فى نفس التوقيت ومن جنبى بس طلعو كوبرى6 أكتوبر وأشتكو من المشوار

أنا خفت من الدائرى لأن فاكر مطلعو من طريق السويس فقط و دخلت على الجوجل أيرث لقيت المسافة علشان أروح مطلعو هية 10 كيلو ! دة غير خوفى من النقل و الحوادث بتاعة الدائرى

الحمد لله أنا قولت أقول الحكاية علشان أفيد ناس تانية رايحة مشوار زى دة وشكرا لك مرة ثانية على الوصف الجميل و الدقيق

الجمعة 23 شوال 1431