التوكيل خلاني اغير فكرتي تماما عن العربيه

عرض للطباعة

22-09-2010, 05:35 PM
ramyar

التوكيل خلاني اغير فكرتي تماما عن العربيه

الميعاد
يوم الاحد الموافق 19/9
المكان ابو رواش في التوكيل\
السبب تركيب تعديل علبه الدركسيون
طلعت من البيت الساعه 8 الصبح وكان الطريق زحمممممممممممممممه تاي اقص درجه \
وصلت التوكيل الساعه 9.40
دخلت تحت التانده
الجو العام مريح ومنظم جداااااااااا
كان المهندس محمد عبد الهادي بيستلم العربيات وفي مهندس تاني وللامانه انا كان نفسي المهندس محمد الي يستلم عربيتي مش عارف ليه لاكن انا بستريحله

المهم فعلا ربنا اكرمني واستلم البشمهندس محمد العربيه وكان معادي الساعه 12
الحمد لله العربيه خلصت قبل المعاد واتغسلت وكله تمام
وطلعت اجرب وبسم الله ماشاء الله العربيه بقت زي الفل مش معني كده انها كانت وحشه لا
لاكن الدركسيون بقي زي الفل وفعلا التوكيل في تحسن مستمرررررررررررررررررر
والحمد لله بعد شويه مشاكل وخناقات بيني وبين العربيه في فتره العيد رجعت برسونتي وصالحتني تاني
يعني يوم الوقفه الجاج الخلفي للباب الخلفي شمال اتكسر وقبلها خبطه والعربيه واقفه وبعدها تجريحه للاكصدام كنت خلاص علي وشك اني اكرهه نفس بس الحمد لله اخدت العين تاني والحمد لله ربنا يستر بعد كده
22-09-2010, 07:08 PM
eng.m7md.ali

مبروك يا استاذ رامي وعقبالنا يارب
22-09-2010, 07:16 PM
momopersona

الف مبروك يا رامى باشا
يابختك ياعم المشكله ماطولتش معاك
انا العربيه بقالها سنه و 4 شهور 30000 كم فى تزايد فى حالة علبة الدريكسيون بدون حل

طلب شخصى
ايه الخطوات اللى اتبعتها بالظبط لحل المشكله ؟؟
ويارب تتحل عند الجميع والتوكيل يبئا احسن توكيل فى الدنيا يا رب
22-09-2010, 07:17 PM
Ahmed.Ali

مبروك و قلنا رأيك ايه في التعديل هل في صوت خبط في الطرق المكسره دلوقتي؟
22-09-2010, 07:42 PM
ramyar

اقتباس:

المشاركة الأصلية كتبت بواسطة ahmed.ali

مبروك و قلنا رأيك ايه في التعديل هل في صوت خبط في الطرق المكسره دلوقتي؟

بشمهندس احمد الصوت اختفي تماما ولا في صوت خبط خالص
كان الاول وانا ماشي علي سرعه 20 ومثلا في زلط صغير او مثلا عيون القطه الي فيها العواكس وانا بعدي عليها بسمع صوت خبط حديد في بعض تحت رجلي عند دواسه الفرامل كده وعلي فكره لو المطبات الصغيره دي اخدتها بسرعه مابسمعش حاجه خالص المشكله كانت علي السرعات اقل من 30 كموكنت دايما بجرب العربيه في المنطقه بتاعت التوكيل وفي الشوارع الجانبيه ومن يوم التعديل الف حمد وشكر لله مافيش اي حاجه خالص

اقتباس:

المشاركة الأصلية كتبت بواسطة felix

مبروك يا استاذ رامي وعقبالنا يارب

ان شاء الله

اقتباس:

المشاركة الأصلية كتبت بواسطة momopersona

الف مبروك يا رامى باشا
يابختك ياعم المشكله ماطولتش معاك
انا العربيه بقالها سنه و 4 شهور 30000 كم فى تزايد فى حالة علبة الدريكسيون بدون حل

طلب شخصى
ايه الخطوات اللى اتبعتها بالظبط لحل المشكله ؟؟ الاول بعت للمهندس امر هنا في نايل موتورز وشرحتله المشكله وبعد كده كلمت المهندس عبد الباسط وسالته عن التعديل الكلام ده قبل العيد وقالي ان شاء الله بعد العيد هتوصل التوكيل وفعلا حجزت طقم تعديل الدركسيون وللعم كنت في التوكيل يوم الخميس 16/9 بشتري زجاج للعربيه وكانت الحاجه لسه سادوب هتدخل التوكيل واول ما الحاجه وصلت التوكيل تابعت معاهم وحجزت معاد حتي البشمهندس عبد الباسط لسه مكامني امبارح بيبلغني ان الحاجه وصلت وقلتله كله تمام انا كنت هناك من يومين وتم التركيب والحمد لله وع العلم اني مقيم في البحر الاحمر يعني انتا اسهل لانك في القاهره
ويارب تتحل عند الجميع والتوكيل يبئا احسن توكيل فى الدنيا يا رب

ان شاء الله
22-09-2010, 07:49 PM
Raul_7

اقتباس:

المشاركة الأصلية كتبت بواسطة ahmed.ali

مبروك و قلنا رأيك ايه في التعديل هل في صوت خبط في الطرق المكسره دلوقتي؟

أنا عملته في صيانة ال 5000, وبصراحة شديدة هو كان بيطلع من أقَل نقرة في الأرض...دلوقتي معظم النقر عادية بس في الحتت المكسرة جامد....الصوت يزعل قوي!
22-09-2010, 07:51 PM
Ahmed.Ali

اقتباس:

المشاركة الأصلية كتبت بواسطة Raul_7

أنا عملته في صيانة ال 5000, وبصراحة شديدة هو كان بيطلع من أقَل نقرة في الأرض...دلوقتي معظم النقر عادية بس في الحتت المكسرة جامد....الصوت يزعل قوي!

يعني لسه في الحتت المدغدغه بيعمل صوت؟؟
عموما انا متعايش جدا و مش حاسس بالمشكله اساسا بس لو في تعديل يبقي قشطه اعمله :vctry:
22-09-2010, 08:03 PM
Raul_7

اقتباس:

المشاركة الأصلية كتبت بواسطة Ahmed.Ali

يعني لسه في الحتت المدغدغه بيعمل صوت؟؟
عموما انا متعايش جدا و مش حاسس بالمشكله اساسا بس لو في تعديل يبقي قشطه اعمله :vctry:

ما أنا زيك برده شاري العربية وعلى علم بالمشكلة فـماكانش فدماغي بس أنا بقولك على تجربتي. :satelite:
22-09-2010, 10:36 PM
khpopo

مبروووك التعديل كل حاجه بتتحل فى التوكيل بالمتابعه والهدوء :Ta_clap[1]:
مش هاتكتشف وتشرح لنا سر خلطة التعديل ؟؟؟ ... فى الانتظار :3_3_102[1]:
ربنا يوفق
23-09-2010, 01:00 AM
jisso82

مبروك يا رامى و طمنتنى عقبال ما أعمل أنا كمان التعديل ده و أخلص يا رب بس ادعيلى أستلم العربية الأول
23-09-2010, 01:08 AM
midosalah

ميروووك التعديل يا استاذ رامى يا ريت تتابعنا على طول بالموضوع والصوت بيظهر ولا لا كده يعنى
23-09-2010, 09:36 AM
Eng. Rafy Samy

م/ رامي الف مبروك للتعديل وفعلاُ التوكيل في تحسن بس بصورة بطيئة وده لان محاولة تصحيح كل الاخطاء اللي كانت اكيد حتاخد وقت طويل,.. بس وصورة عامة التوكيل على الطريق الصحيح للتحسن...

كان نفسي اي حد من الاخوة اللي عمل او ناوي يعمل التعديل ده انه ياخد معاه الكاميرا ويكتبلنا تقرير مفصل عن عملية التعديل بالكامل علشان نقدر نفهم المشكلة وحلها من الناحية الفنية ...

تقبل تحياتي اخي العزيز
23-09-2010, 04:57 PM
eslamkasem

الف مبروك يا استاذ رامي علي التعديل

بس عندي ملاحظه

اقتباس:

أنا عملته في صيانة ال 5000, وبصراحة شديدة هو كان بيطلع من أقَل نقرة في الأرض...دلوقتي معظم النقر عادية بس في الحتت المكسرة جامد....الصوت يزعل قوي!

امال ايه لزمة التعديل اذا الصوت مختفاش ؟
23-09-2010, 06:50 PM
Raul_7

اقتباس:

المشاركة الأصلية كتبت بواسطة eslamkasem

امال ايه لزمة التعديل اذا الصوت مختفاش ؟

ما أنا مش عارف بصراحة, بفكر أروح التوكيل وركب باشمهندس امر معايا...فيه حتة مكسرة في زايد مش عايز اقولك الصوت بيبقى عامل فيها إزاي.
24-09-2010, 02:16 AM
Tarek Gen 2

اقتباس:

المشاركة الأصلية كتبت بواسطة raul_7

ما أنا مش عارف بصراحة, بفكر أروح التوكيل وركب باشمهندس امر معايا...فيه حتة مكسرة في زايد مش عايز اقولك الصوت بيبقى عامل فيها إزاي.

ازاى يا حودة
انا عملته انهاردة انا و احمد بدرو و تمام جربنا اوى و محصلش حاجة ده انا حتى قرصت و هديت على الحتة المدغدغة اللى قدام التوكيل و مكانش فيه حاجة !!

و رامى باشا اه كمان

لا ممكن تكون عندك بس اطلع على التوكيل و طمنا بقى
24-09-2010, 02:54 PM
M.almaghraby

Raul_7

انتا اعتقد قصدك علي صوت الطارة نفسها "تزييق غبي كدا "

صح؟
24-09-2010, 04:59 PM
khaledmontero

مبروك علينا كلنا .. اللى عنده المشكلة واللى معندوش وان شاء كله يتحل .. وفى تقدم مستمر يا بروتونية .. شكرا ع التجربة يا رامى
25-09-2010, 10:28 AM
pedro732000

اقتباس:

المشاركة الأصلية كتبت بواسطة Tarek Gen 2

ازاى يا حودة
انا عملته انهاردة انا و احمد بدرو و تمام جربنا اوى و محصلش حاجة ده انا حتى قرصت و هديت على الحتة المدغدغة اللى قدام التوكيل و مكانش فيه حاجة !!

و رامى باشا اه كمان

لا ممكن تكون عندك بس اطلع على التوكيل و طمنا بقى

طارق باشا
ايه الاخبار والله انا لما جربت العربية تانى لقيت زى ما رامى بيوصف ان فى صوت اقل من الاول بس ده ممكن يرجع ان فى نسبة تاكل فى العلبة
وبالنسبة لوظيفة التعديل هو عبارة عن خرطوم وراكب عليها سكس بالف او صمام عدم راجع عشان يحافظ على اتجاه الزيت فى اتجاه العلبة مش العكس وبكده يبقى فيه زيت بكمية وضغط مناسبين
مما يؤدى لحدوث dampping او عدم نقل صوت الدغدغة اللى فى الارضية للتارة او الدركسيون
اتمنى اكون وضحة وظيفة التعديل
المهم ياطارق مش لاقيت الزيت فى بنزينة الامارات جنب التوكيل
فكنت عايز اجيب علبه لتر اخليها احتياطى معايا لانه مش موجود فى السويس
بس للاسف مالاتش علب صغيره
25-09-2010, 11:13 AM
Raul_7

اقتباس:

المشاركة الأصلية كتبت بواسطة tarek gen 2

ازاى يا حودة
انا عملته انهاردة انا و احمد بدرو و تمام جربنا اوى و محصلش حاجة ده انا حتى قرصت و هديت على الحتة المدغدغة اللى قدام التوكيل و مكانش فيه حاجة !!

و رامى باشا اه كمان

لا ممكن تكون عندك بس اطلع على التوكيل و طمنا بقى

أنا ما عنديش الصوت في الحتة اللي قدام التوكيل, بس فيه حتة في زايد قليلة الأدب والله الصوت بيظهر فيها قوي.

اقتباس:

المشاركة الأصلية كتبت بواسطة m.almaghraby

raul_7

انتا اعتقد قصدك علي صوت الطارة نفسها "تزييق غبي كدا "

صح؟

لأ التزييق ده موضوع تاني...وموجود برده.
25-09-2010, 12:35 PM
Tarek Gen 2

اقتباس:

المشاركة الأصلية كتبت بواسطة pedro732000

طارق باشا
ايه الاخبار والله انا لما جربت العربية تانى لقيت زى ما رامى بيوصف ان فى صوت اقل من الاول بس ده ممكن يرجع ان فى نسبة تاكل فى العلبة
وبالنسبة لوظيفة التعديل هو عبارة عن خرطوم وراكب عليها سكس بالف او صمام عدم راجع عشان يحافظ على اتجاه الزيت فى اتجاه العلبة مش العكس وبكده يبقى فيه زيت بكمية وضغط مناسبين
مما يؤدى لحدوث dampping او عدم نقل صوت الدغدغة اللى فى الارضية للتارة او الدركسيون
اتمنى اكون وضحة وظيفة التعديل
المهم ياطارق مش لاقيت الزيت فى بنزينة الامارات جنب التوكيل
فكنت عايز اجيب علبه لتر اخليها احتياطى معايا لانه مش موجود فى السويس
بس للاسف مالاتش علب صغيره

انا تمام الحمد لله
طب هشوفلك عندى فى المهندسين اذا كان فى صغير ولا لا بس انت هتجيبه ليه ما الزيت مبينقصش !!

و انا التعديل تمام بس ظهر تزييق لا يطاق كدة بيشتغل خمس دقايق و يسكت 10 دقايق و هكذا و مش مرتبط بتكسير ولا حاجة و طالع من قلب الدركسيون معرفش ايه ده بقى هحجز و اروح التوكيل ان شاء الله
25-09-2010, 12:37 PM
Tarek Gen 2

اقتباس:

المشاركة الأصلية كتبت بواسطة raul_7

أنا ما عنديش الصوت في الحتة اللي قدام التوكيل, بس فيه حتة في زايد قليلة الأدب والله الصوت بيظهر فيها قوي.

اه هو زايد فيها بلاوى فعلا
انا شايف انك تسفلت الحتة دى اسهل ما تروح التوكيل تانى :ma::ma:

لأ التزييق ده موضوع تاني...وموجود برده.

التزييق اللى عندك وصفه ايه و ظهر بعد التعديل ولا كان معاك من زمان ؟؟
25-09-2010, 02:05 PM
Raul_7

اقتباس:

اه هو زايد فيها بلاوى فعلا
انا شايف انك تسفلت الحتة دى اسهل ما تروح التوكيل تانى :ma::ma:

ههههههههههه

اقتباس:

المشاركة الأصلية كتبت بواسطة tarek gen 2

التزييق اللى عندك وصفه ايه و ظهر بعد التعديل ولا كان معاك من زمان ؟؟

لأ كان معايا من زمان, بس أنا زمان كان أقل نقرة في ملف تعمل صوت, دلوقتي الحتت المكسرة جامد هي اللي بتعمل صوت لكن اللي أنا حاسه إن التعديل تأثيره مش 100%
25-09-2010, 04:18 PM
M.almaghraby

انا التزييق الي فالطارة دا مكانش عندي خالص :((

بس ظهر بعد الحادثة للاسف
25-09-2010, 04:32 PM
pedro732000

اقتباس:

المشاركة الأصلية كتبت بواسطة tarek gen 2

انا تمام الحمد لله
طب هشوفلك عندى فى المهندسين اذا كان فى صغير ولا لا بس انت هتجيبه ليه ما الزيت مبينقصش !!

و انا التعديل تمام بس ظهر تزييق لا يطاق كدة بيشتغل خمس دقايق و يسكت 10 دقايق و هكذا و مش مرتبط بتكسير ولا حاجة و طالع من قلب الدركسيون معرفش ايه ده بقى هحجز و اروح التوكيل ان شاء الله

ياساتر يارب ربنا يستر
ابقى طمنا