مشكلة فى الميجان ll .. والتوكيل مش عارف يحلها
السلام عليكم
انا عندى يا رجالة مشكلة فى العربية الميجان والعربية فى التوكيل بقلها حوالى 3 ايام مش عارفين يحلوها
المشكلة فى انى لما امشى فترة بالعربية يعنى مثلا من اكتوبر للمهندسين .. العربية فجأة تهدى لوحدها لحد ما تقف خالص .. اكنها بتفصل كدا ومهما ازود بنزين او احاول اسقط غيار مفيش لازم اركنها وابطلها واسيبها حوالى 15 دقيقة او اكتر وبعد كدا ادورها وامشى بيها شوية كمان وتعمل نفس الحوار بعد خمس دقايق مثلا ولا حاجة .. العربية فجأة بقت بتعمل الموضوع دا ومكنش فيها المشكلة دى قبل كدا .. دا حتى كانت مركونة بقلها 3 شهور ولا حاجة مش بتتحرك غير كل فترة ومشاوير جوا اكتوبر.
محلوظة: عداد الحرارة مش بيبين ان العربية سخنة او اى حاجة يعنى المؤشر بيكون فى المستوى الطبيعى.
ياريت اللى يعرف العربية مالها عشان هى فى التوكيل وبيقولوا انهم جربوها وحطوها على الاسكنر ومفيش حاجة .. على اساس ان انا مثلا بيتهئلى .. دى عملتها اكتر من 3 مرات فى ال3 مشواير اللى انا عملتهم بيها عشان كانت العربية التانية فى التوكيل .. وفى كل مرة المشكلة بتفضل تظهر ومش بتروح خالص لحد لما اوصل البيت واسيبها كام ساعة كدا.