عندي امتحان سواقه حد يساعدني

**fvks** · 22-09-2010 07:19 PM

عندي امتحان سواقه يوم الاثنين القادم علشان اطلع الرخصه
انا همتحن في مرور عين الصيره
انا كنت بتعلم ماعلينا من الي اتعلمته المهم في مدرسه المرور التابعه لمحافظه القاهرة
مقرها في كجمع التحرير
حدبقي يعرف شكل الامتحان لو فيه حد امتحن هناك من الدوره الي فاتت ايه وامتحان النظري ايه اخباره وايه نظام الرش فيه وكده والحوارات المعروفه
انا علي العموم المدرب الي معايا قلي همتحن علي نص نقل
مع اني كنت بدرب علي لاداlada2101حلو
عاوز مساعددكوافي اسرع وقت
الامتحان الاثنين القادم

**fvks** · 23-09-2010 04:01 AM

هو ليه عدد مشاهده اكبر من عدد الردود

**power** · 23-09-2010 04:06 AM

انت حتروح الامتحان لوحدك ولا المدرسه اللي كنت فيها كلها رايحه معاك

**Angel_wolf** · 24-09-2010 02:12 AM

يا عم مش مدرسة المرور هما هيظبطوا كل حاجة يس انت ادى الراجل الى معاك فى العربية 20 جنية وانت هتلاقى نفسك برنس غير كد مبتمحنش اشارات ولا اى حاجة وهتمشى ربع التراك اصلا بس على السلانسية

**fvks** · 24-09-2010 03:57 AM

المدرسه كلها راحه
المدرسه بتمتحن علي ايام السيدات - شباب - كبار السن

**Angel_wolf** · 24-09-2010 04:33 PM

طيب فل اوى
انت هتلاقى راجل بكرش كدة هو الى تبع المدرسة بيظبط الدنيا
مش مرور عين الصيرة زى يعنى الراجل دة بنفسة هيطلب فلوس
اديلة 20 جينية ولا حاجة و هتشوف احلى دلع

الملاحظات

انت هتلف ربع التراك بس بس خلى بالك من غير ماتدوس بنزين على السلانسية والعربية هتبقى النص نقل الدبابة عربية وهم ومحترمة جدا اوعى تقتلك منها اهم حاجة العربية متبطلش منك علشان لو بطلت الضابط مش هيعديك
والحياه حلوة بعد لما تخلص امتحان لو قالوا الرخصة بعد اسبوع وانت كنت مستعجل خد الراجل ابو كرش دة على جنب و قلة ملناش بركة الا انت و اديلة عشرين كمان ممكن تاخد الرخصة فى يومها انا عملت كدة

و انت اتعلمت فى السيدة نفيسة ولا شراتون
واى حاجة انا فى الخدمة

محمد

**fvks** · 24-09-2010 09:24 PM

شكرا ليك ياخ محمد(angel-wolf) ياريت ايضاح اكتر
انا اتعلمت في السيده نفيسه عند جراج الحافظه اول يمين وانت داخل علي مجري العيون من ناحيه اشارة السيده نفيسه
ممكن نتكلم علي الميل لوسمحت
(كلم بقرش) التراك علي شكل ايه وهل اخشه بالظهر ولا بوش العربيه ولا ركن ولا هيكون ايه؟