لمن عنده الحل مشكلة خطيرة فى الفرامل
حدثت لى مشكلة خطيرة فى الفرامل للعربية بتاعتى تويوتا كرولا 94 والحمد لله اننى على القيد الحياة حيث اننى اسافر على طريق الزقازيق الاسماعيلية كثيرا وهو من اسوء الطرق واثناء السفر فى احدى المرات توقفت امامى احدى السيارات على بعد 100 متر وعند استخدام الفرامل وجدتها تهرب منى بصورة غريبة فضغط بكل قوة واستخدمت فرامل اليد حتى توقفت السيارة وعندما وصلت غلى وجهتى ذهبت الى الميكانيكى الذى قام بأخذ الهواء من الاربع عجلات وتحسنت حالة الفرامل غلى ان سافرت مرة اخرة وايضا هربت الفرامل تانى فذهبت غلى ميكانيكى اخر وغير طقم صيانة الماستر وايضا تحسنت حالة الفرامل وسافرت مرة اخرة وحدث الامر مرة ثانية وبصراحة كده انا اتعقدت اووووووى ومعنتش بأثق فى اى ميكانيكى الغريب فى الموضوع ان ان الفرامل داخل البلد بترجع شبه طبيعية ولكن يحدث هذا الامر فى السفر بسرعات عالية
أرجو الافادة من ذوى الخبرة وشكرا ولاحظو يا جماعة انى معييش فرامل
شكرا على الرد ولكن حد عنده تفسير ليه الفرامل بترجع طبيعية
حد عنده تفسير ليه الفرامل بترجع طبيعية بعد ما بأركن العربية وامشى جوه البلد
اخوانى الاعزاء بعد معناة مع الصنايعية فى الفرامل
اخوانى الاعزاء إليكم اخر تطورات موضوع فرامل التويوتا . بعد ان قمت بعمل تغيير كامل لجلد الماستر وايضا معرفش ايه فى الماستر الخلفى واتكلت على الله وسافرت الفرامل تعمل مع وجود نحر فى العجل الخلفى وبعد ان وصلت غلى وجهتى شمت رائحة شياط من التيل الخلفى وطبعا اتعكننت اخر عكننة وبعديت رحت لواحد ميكانيكى وبدء يعمل رجلشة للتيل ويخلينى اجرب لحد ما استقر الوضع وقى لازم تجرب فى سفر وبعدين جيت امبارح الاسماعيلية والحمد لله لم تسخن العربية ولم تهرب الفرامل حتى الان وادعو الله ان تستمر على هذا الوضع زعلى فكرة وانا عنده رحت اشتريت تيل امامى استثمارى مصرى علشان صوت العصفير بتاع التيل اليابانى اللى كان مجننى وربنا يسهل وميصفرش زى اخواته وشكرا