سكودا فيفوريت 94

**samehabc1** · 22-09-2010 08:28 PM

مساء الفل على جميع مشرفى و اعضاء هذا المنتدى الجميل جدا
انا معايا اسكودا فيفورت 94 سمعت انه ممكن اركب كونسلت طابلوه بتاع فليشيا 96 و فعلا انا شفتها فى العربيات فيفوريت 94
فو سمحتو حد يعرف مكان بتاع قطع غيار استعمال فى القاهرة بيبيع هذا الكونسلت و كم سعره
انا سالت فى الحرفيين و عزبة شلبى مافيش
للعلم بالشىء الكونسلت اللى انا اقصده هو من تحت الكاسيت حتى عصاية الفتيس

**me3oo** · 24-09-2010 04:01 PM

انا برضو معايا سكودا فيفوريت وجبتو من عزبت شلبى بس بطلوع الرح وجبته ب 200 جنية بالتركيب هوهيحتاج يخرم خرم فى اسفل العربية عشان يسبته
و يا رب تلاقية

**samehabc1** · 25-09-2010 09:59 AM

شكرا كتيير على ردك على موضوعى و على الافادة فعلا انه موجود فى عزبة شلبى بس قليل اوى اوى مفيش غير واحد قال لى 250 جنية الكلام ده من حوالى 15 يوم
على فكرة هو فى نوعين من الكونسلت
النوع الاول اللى انا اتكلمت عنه
و الثانى ده كونسلت طويل عن الاول يعنى من الطابلوه حتى فرامل اليد
اما بخصوص انه يخرم فى صاخ العربية بيتهيئلى مش مهم لان الكونسلت بيسبت مكانه بنفسه و ان لزم الامر ممكن تسبيته بكلبسات بدلا من تخريم صاخ العربية
معلش انا بطول عليك
هل انت مركب كرتنيرات فوق الكوتش لان العربيات ديه ملهاش كرتيرات
انا سمعت انه ممكن يتركب كرتيرات الشاهين مع قصها على حجم السيارة
عموما شكرا على الاهتمام و الرد

**samehabc1** · 25-09-2010 10:08 AM

شكرا كتيير على ردك و الاهتمام بالموضوع
فعلا الكونسلت ده لاقيته من حوالى 15 يوم فى عزبة شلبى ب 250 جنية
بس هو لازم يخرم فى صاخ العربية علشان يسبته مش ممكن يركبه بكلبسات مع التابلوه لانه بيسبت نفسه بنفسه
لكن على فكرة انه يوجد نوعين من الكونسلت ده
النوع الاول من الطابلوه حتى عصاية الفتيس
النوع الثانى من الطابلوه حتى فرامل اليد ( اصول من الاول )
لكن انا ليا سؤال ثانى هل العربيات ديه بيركب ليها كرتيرات فو الكوتش لان سمعت ان ملهاش كرتيرات
و لما سالت انه ممكن يركب عليها كرتيرات الشاهين بعد توفيقها على العربية فهل الكلام ده صح

**crazylambada** · 26-09-2010 05:17 PM

بيتعملها كرتيرات تفصيل
اما بالنسبه للكونسله تركب بس مش حتبقى حلوه عليها جيب الكونسله بتاعت الفليشيا وش الاوكتافيا بيبقى فيها مكانين بتوع كانزات شكلها حلو

**samehabc1** · 26-09-2010 10:25 PM

بداية شكرا كتيير على ردك و على اهتمامك بموضوعى
ياريت تقولى الكونسلت ده اللى انت قولت عليه القيه فييين و كم سعره تقريبا

**crazylambada** · 27-09-2010 01:11 AM

العفو حضرتك احنا في الخدمه
في الزقازيق سعره حيبقى من 200-300 حسب المجادله مع التاجر

**samehabc1** · 06-10-2010 01:45 AM

شكرا كتيير ليك و على الاهتمام و السؤال انا بالصدفة البحته جدا من حوالى 5 ايام لاقيته فى محل واحد ووحيد فى الحرفيين و جبته 130 جنية ( بعد الفصال ) بدون كوتشه العصاية روحت حبت هذه الكوتشه بتاعة العصاية موديل 96 ب 25 جنيه ايطالى و خامتها ممتازة جدا يعنى وقف عليا الكونسلت ب 155 جنية و ركبته ضبط منظر تابلوه السيارة
بس للاسف مش عنده طقم شماسى السيارة

**crazylambada** · 06-10-2010 04:47 AM

الف الف مبروك بالنسبه لطقم الشماسي بتوع الفيفوريت حلوين مش مستاهلين يتغيروا

**samehabc1** · 06-10-2010 10:59 AM

لا يا اخى الحبيب العربية الشماسى اللى فيها مكسورين من الدراع و وواحدة تانية من الفبرايرة بتعتها علشان كده بدور على طقم شماسى و انا اشتريت العربية على كده