طبعا عارفين اني عملت حادثة من فترة في تاكسي فيرنا طار من تقاطع قدامي و جري وسط المشكلة
النهاردة بقي نفس الموقف ونا بجيب كوتشة كربراتير و مروح ونا معدي و ماشي بضرب كالكس (انا الرئيسي) و فيرنا تاكسي طاير !!! و رحنا كابسين فرامل! و ده مش عايز يبصلي قال يعني مكسوف
قلتله نفس الحادثة اللي فيها كانت من واحد زيك ! و تييت تيت تيت تييييييييت تيت (طبعا فاهمين قصدي ايه بالكلكس )
و مشيت و سبته طبعا منتطقش و الحمد لله ملبسناش في بعض علي اخر 3 سنتي

و في الأخر ونا مروح عارفين طبعا التقاطع اللي قدام الوفاء و الأمل و الصنية
بدي شمال و محضن و برده عربية فيرنا !!!!!!!!! شايفني ماشي ورا اللي قدامي راح زانق نفسه قدامي و هو طالع من التقاطع و داخل من قدامي و كمل علي طول و كمان بيبصلي !! اتخنقت من المنظر رحت طالع و قايله تلاقي ام* اللي جايباهالك !!!

انا معرفش عملت الموضوع ليه بس تقريبا اتعقدت من اي فيرنا ماشية و قلت افضفض بدل ما اتجنن

اااه و قبل كده واخد الحارة اليمين و داخل مدخل النادي و مدي اشارة !! و فيرنا بردو طاير و حبكت يطير من جمبي و من ناحية الرصيف و الشمال كله فاضي !!!!!!! زنق نفسه و هو تقريبا على 80 او 60 ونا علي 20 ! و كان حاجة من دول يا هيخيشلي الجنب يا هيطلع عالرصيف و يشيل الراجل اللي بيفتح البوابة معرفش ازاي رحت زانق نفسي و هو طار من قدامي

بجد هتفرس من السواقة في البلد ديه !! و ايه حكايتي مع الفيرنا معرفش !!!