المشاركة الأصلية كتبت بواسطة eng. Rafy samy
العربية رائعة وفعلاُ صفقة ابحة جداُ نسبة ما بين ثمنها وإمكانيتها وكملياتها..
العربية بقلها معايا سنة ونصف .. والحمدلله الحمدلله مشكلة علية الديكسيون دي مش موجودة عندي..
العربية فيها امكانيات وكمليات ممتازة وثبات رائع وشكل كلاسيكي ومساحة واسعة وخامات قوية وطويلة العمر...
تعتبر اكتر موديل التوكيل ليه خبرة فيها بعد الويرا ... وده ليه فائدة ان 99% من مشاكلها معروف حلها..
قطع غيارها متوفرة في التوكيل وفي شارع التوفيقية مع اختلاف السعر ما بين المكانين..
انا كنت بقارن ما بين الواجا و(نيسان صني - اوكتافيا a4 - اوبترا - نوبيرا - وحتى الالنترا - السياتو القديمة - بيجو 405 ) واستقريت على الواجا وانهاردة الحمدلله بأكد ان اختياري كان صحيح والأفضل
المشكلة الوحيدة والحقيقية اللي ممكن تقابلها هي إعادة البيع .. لانها غير منتشرة ومش عليها الطلب وكمان البيرسونا غطت على الواجا في المستعمل.. لازم تلاقي حد عارف العربية وعاوز يشترها.... انا بالنسبالي مش من النوع اللي بغير العبية كتير علشان كده الموضوع ده مش مشكلة عندي..
انا تحت امرك في اي سؤال .. ومبروك مقداماُ
تقبل تحياتي اخي العزيز