السلام عليكم ورحمة الله وبركاته

اخواني في الله انا عايز آخد رأيكم في حاجة بسيطة

زمان كنا نعرف انو الريدياتيرات كانت نحاس الراجل كان يفكوا ويفضل بالسلكة فيه لحد ما يهريه نضافة من جوة وفي الآخر ينزل عليه بالشعلة والأكسوجين لحد ما يلحموا كما كان بالضبط ولكن حاليا الريدياتيرات اصبحت فيبر وطبعا ما ادراك ما الفيبر فا النهاردة كنا بنصلح التكييف بتاع عربية واحدة صاحبي وهي لانوس 1 والراجل بيطلع الراداتير وهوة بيفكه نازلة منه مية مصدية بطريقة مش طبيعية وبطريقة غريبة جدا مصدية جدا جدا جدا فالراجل نصحنا بأنو نغل الريديتير عشان ها يأثر على كفائة دورة التبريد في السيارة وكده يعني فلما سألتوا ازاي قلي تفضل تحط مية وانت فاكك خرطوم القربة وتزود في مية وتنزل المية على الأرض وبكده ها اضمن انه لم يعد هناك اي صدأ في الداخل فقولتلوا ان شاء الله في اقر فرصة ها يتم الأمر في واحنا مروحين ماشيين على الأوتوستراد وراجعين من المعادي ولقينا بنزينة الوطنية قبل مطلع الدائري ومكتوب فيها غسيل ردياتيرات فدخلنا وسألنا قلينا طبعا فيه وهوة ثابت في مكانوا كمان يا جماعة فلما ركنا العربية كل اللي عملوا مجرد جاب جهاز ارتفاعوا حوالي 60 سم من على الأرض ووصلوا بخرطوم مياه وطالع من الجهاز ده عدد 2 خرطوم مياه اخدهم ووصلهم في الآتي بالضبط
- واحد وصلوا في خرطوم القربة وفك الخرطوم بتاع القربة
- الثاني وصلوا في الخرطوم الخارج من الريدياتير وثم قام بإضافة مادة ذات لون اخضر وقال انو هذه المادة تعمل على تفتيت جزيآت الصدأ الموجودة في الدورة بأكملها وتم تشغيل الجهاز وبدأت فعلا مياه مصدية وأجزاء مصدية كتير جدية تخرج من جانب الجهاز بطريقة كثيفة جدا ومر حوالي ربع ساعة حتى اصبحت المياه اللي بتخرج نضيفة تماما وبعد كده قام بتشغيل الجهاز على مرحلة الفاكيوم للمياه الموجودة في الدورة وبتوصيل خرطوم هواء ذو ضغط عالي حتى يتأكد من إخراج اي اجزاء صلبة في الداخل و للتأكد من ازالة اي مياه بها املاح في الداخل ومن ثم قام بإضاة حوالي 1.5 لتر مياه خضراء بالكامل بدون اي تخفيف ولكن لدي سؤالين حتى الآن
1- ما مدى كفاءة هذه الطريقة في تنضيف الدورة بالكامل من الداخل وهل يوجد لها بدائل ؟
2- ما هي الأجزاء المعدنية في الداخل التي قد تسبب الصدأ في حين ان الدورة الظاهرة امامي معظم اجزائها من الفيبر يعني مفيش اي جزء معدني امامي ظاهري ؟

وللمعلومية الأسعار كالتالي :
20 جنيه تكلفة تنضيف الريدياتير
30 جنيه تكلفة عبوة سعر 1 لتر من المياه الخضراء (قمنا بشراء عدد 2 عبوة)
10 جنيه تكلفة المصنعية شاملة الضريبة والذي منه
ودمتم سالمين إخواني
انا حبيت انقلكم ما حدث معي عل احدكم يستفيد ويتلعم ومن كان له سابق معرفة بالموضوع فليزنا من معلوماته ويساعدني في الإجابة على اسئلتي