السلام عليكم ورحمه الله
حبيت اشاركم تجربتي في السفر فتره طويله وبدون راحه نهائيا مع عربيتي نوبيرا 2001
اولا المسافه المقطوعه 470 ك/م
السرعه :
اولا من مصر اسكندريه ------- > لطريق العلمين مابين 100 الي 120 ك م
ثانيا من طريق العلمين الي -------------- > مارينا مابين 130 الي 160 ك م
ثالثا من مارينا الي ----------------------> مطروح مابين 110 الي 130 ك م
الزمن المقطوع به الطريق اربع ساعات وربع بدون توقف او راحه نهائي
الكلام ده كان يوم الخميس اللي فات وكررت نفس التجربه في الرجوع بعدها ب 3 ايام ( يوم الاحد )
ملاحظاتي :
1 الحمدلله العربيه مريحه جدا فى المسافات الطويله متحسش بتعب او ارهاق من السواقه
2 حسيت ان العربيه فاقت لما خدت طريق سريع وطويل وبقت تسحب اكتر من الاول ( ياريت حد يفسرلنا الجزئيه ديه تفسير علمي )
نيجي بقي للنقطه المهمه وهى نقطه استهلاك البنزين العربيه انا كنت مفولها من مرسي مطروح وانا راجع
ورجعت عداد الكيلو متر لنقطه الصفر وكما ذكرت من قبل عملت بيها 470 ك / م
وكان استهلاك البنزين هو نصف التانك يعني حوالي تقريبا 30 لتر / 470 ك م
السؤال هنا بقي هل ده استهلاك مرضي بالنسه للاداء والسرعه ؟ ام هو استهلاك عالي ؟
علما اني لما ركنت كان مؤشر البنزين علي المنتصف تماما
اسف للاطاله واتمني مكنش ازعجتكم
