مشروب الريد بول يحتوي على كحول

**Karim_Monir** · 18-03-2008 01:03 PM

يا باورت اكيد انا مابنشرش اي ميل بيجيلي وانت عارف كدة كويس
لكن الميل ده صادرة بشهدة موثقة من جهاز شرطة دبي
يبقي اكيد صح
ماهوش علامة نايمي ولا كوكا كولا
فاهمني يا باورت

**Migo123** · 18-03-2008 01:29 PM

بلاش دي اي منتج في الدنيا بينكتب عليه مكوناته بالتفصيل انا جبت علبة مافيش الموضوع ده خالص نفس الكلام في صفحة المشروب في ويكيبيديا .
عموما اي حاجة بيبقى فيها كحول لازم بيتوضح ده كويس علشان ماحدش يشربها ويسوق ويعمل مصيبة وده منتج اوروبي ماظنش انهم بيتمتعوا بروح الكروتة اللي عندنا

+100000000000000

**CryptonX** · 18-03-2008 01:53 PM

المشاركة الأصلية كتبت بواسطة أبو عبدالله

يا استاذ كريم انا مش متضايق
بس كل ما في الأمر اني مبحبش حد ينكر كلام لسه مش عليه تأكيد زي ما انت قولت ده مش معناه اني انكره ولكن معناه بكلام حضرتك اني اتاكد منه وليس انكره
هو ده اللي حضرتك عملته

الكلام غير موثق خلاص اسأل واستفسر عليه مش انكره
ومتزعلشي انت نفسك انا بس بتكلم ومش متضايق

يا ابو عبدالله ( اسمحلي اشيل استاذ ) انت اخي الكبير
انا مش ضد ان المنتج يكون كحولي او لآ .

انا ضد نشر المعلمومات بتاعة الايميل بدون تحري .. يعني كون كريم بعت لشرطة دبي للتحري ده اول الطريق الصح .
طلع الكلام مظبوط ! يبقى نحذر و نعلن - طلع مش مظبوط .. يبقى الموضوع كان تضييغ وقت و هو ده قصدي .

والله يسترها معانا كلنا و يبعدنا عن كل المحرمات .

**Karim_Monir** · 18-03-2008 02:29 PM

المشاركة الأصلية كتبت بواسطة iunknown

شباب
تفتكروا لو كان فيه كحول كان هيتباع في السعودية؟
بلاش دي اي منتج في الدنيا بينكتب عليه مكوناته بالتفصيل انا جبت علبة مافيش الموضوع ده خالص نفس الكلام في صفحة المشروب في ويكيبيديا .
عموما اي حاجة بيبقى فيها كحول لازم بيتوضح ده كويس علشان ماحدش يشربها ويسوق ويعمل مصيبة وده منتج اوروبي ماظنش انهم بيتمتعوا بروح الكروتة اللي عندنا

موضوع الورقة ماظنش انه صعب ابدا ن ورقة زي دي تتعمل الناس بتزر فلوس مش هيعرفوا يزوروا ورقة زي دي

لاء اسمحلي بيضاف الكحول وما بيرضوش يقولوا عشان مايخسروش مستهلك كبير زي الدول الاسلامية
والكحول بتكون نسبتة ضئيلة جدا لكن بيظهر في الدم زي ماجهزة فحص الكحول في الدم بتقول
ومعظم المنتجات اللي فيها شراب شعير بتحتوي على كحول وده كلام علماء في الكيمياء

**Powert** · 18-03-2008 02:41 PM

المشاركة الأصلية كتبت بواسطة karim_monir

يا باورت اكيد انا مابنشرش اي ميل بيجيلي وانت عارف كدة كويس
لكن الميل ده صادرة بشهادة موثقة من جهاز شرطة دبي
يبقي اكيد صح
ماهوش علامة نايمي ولا كوكا كولا
فاهمني يا باورت

فهمت ياباش وحققك عليا انا بس اللي مضايقني انه عليه شهادة شرطة دبي وكلام ده لو صحيح كان

اتعرف في كل حته وفي مصر كانوا كاتبوا عليه على الاقل الجرايد الصفرا و المعارضة هتلاقي حاجة تكتبها

**أبو عبدالله** · 18-03-2008 04:12 PM

المشاركة الأصلية كتبت بواسطة CryptonX

يا ابو عبدالله ( اسمحلي اشيل استاذ ) انت اخي الكبير
انا مش ضد ان المنتج يكون كحولي او لآ .

انا ضد نشر المعلمومات بتاعة الايميل بدون تحري .. يعني كون كريم بعت لشرطة دبي للتحري ده اول الطريق الصح .
طلع الكلام مظبوط ! يبقى نحذر و نعلن - طلع مش مظبوط .. يبقى الموضوع كان تضييغ وقت و هو ده قصدي .

والله يسترها معانا كلنا و يبعدنا عن كل المحرمات .

وانا معاك ضد اي حاجه تيجي على الميل لأن بيبقى فيها هبل كتير
ولكن مش انكرها بل اتحقق منها وهو ده مطلبي مش اكتر والله

اصل ساعات بحس ان الناس لما تبقى رافضه شئ بتروح لعكسه قوي يعني مش معنى ان الكلام ده مش موثق بس على الأقل يخليني اتحراه لأن فيه دلائل على كده

وبعدين المشكلة ان الشركه دي انا مش مرتحلها خالص من اول ما ظهرت لأن لو شفت هيا بتصرف اد ايه على الدعايه والاعلان ورعايتها لكل ما يمت بصله للشباب في اوروبا من مسابقات عربيات طيارات موتوسيكلات عجل كل حاجه دخله فيها
وبصراحه لما بلاقي شركه كده دخله في كل حاجه مع انها مش مستاهله كل ده او المنتج بتاعها مش للدرجه من ارباحه انها تبقى كده فبصراحه ده يجعلك تشك
زي مثلا تلاقيها مهتميه بكل حاجه للشباب بطريقه ملاحظه وتحس انها مزوداها حبتنين تلاته

فهو ده مقصدي اني اصلا عندي خلفيات لها مش كويسه من قبل

وبعدين استاذ ايه وبتاع ايه يا عم احنا اخوات ولا يهمك احنا اكبر من الكلام ده والحمد لله

**iunknown** · 18-03-2008 04:21 PM

المشاركة الأصلية كتبت بواسطة karim_monir

لاء اسمحلي بيضاف الكحول وما بيرضوش يقولوا عشان مايخسروش مستهلك كبير زي الدول الاسلامية
والكحول بتكون نسبتة ضئيلة جدا لكن بيظهر في الدم زي ماجهزة فحص الكحول في الدم بتقول
ومعظم المنتجات اللي فيها شراب شعير بتحتوي على كحول وده كلام علماء في الكيمياء

ياريت لو فيه دليل يا كريم باشا
عموما الدول الاسلامية مش هتاخد الكلام كدة وخلاص وهيتكشف أكيد. باعتبار ان الميل ده صحيح وساعتها مصداقية الشركات دي هتبقى في الحضيض
اللي بيحصل انهم بيعملوا منتج مخصوص للدول الاسلامية (زي امستل زيرو مثلا)

ثانيا الدول المتقدمة ونسب الكحول والقيادة دي حاجات مش بيتساهلوا فيها واكيد نسبة الكحول في دم اي حد سايق برة ممكن تمنعه من السواقة لمدة مش بسيطة

ولا اييييه

-

-

الموضوع: مشروب الريد بول يحتوي على كحول

LinkBack

أدوات الموضوع

عرض

-

-

-

-

-

-

المواضيع المتشابهه

وش الجنط طاااااااااااااااااااار الريد حل ضروري

الراجل ده شارب مشروب الشجاعة ....!!

احترس خطورة مشروب barbican

الكلمات الدلالية لهذا الموضوع

المفضلات

المفضلات

ضوابط المشاركة