مش حرام الي بيحصل في العربيات في مصر ؟

**mahmoud_afifi** · 22-09-2010 11:26 PM

السلام عليكم ورحمة الله

النهارده وانا مروح من الكليه وماشي في شارع ال90 في التجمع الخامس
لقيت بي ام دبليو 316 كوبيه متدمره من قدام عند ملف كده.
مش عارف التفاصيل بالظبط بس الظاهر انه دخل في لوحة اعلان فوق الرصيف !!
انا كنت هعيط لما شوفت منظر العربيه

الراجل ده ربنا يعوض عليه بسبب الطريق الزباله, عشان اولا ملف والطريق مش مستوي وفيه حتت طالعه وحتت نازله و واخد انحناء بشكل مفاجئ بعد منزل يعني الي مش واخد باله (زي اخينا) يبقى مع السلامه, انما ده حظه انه معاه عربية امان.

يمكن يكون مستهتر الله اعلم انا ماشوفتش الحادثه بس الطريق عليه نسبة كبيره من الخطأ.

**TAMERHASSAN** · 22-09-2010 11:44 PM

اولا احنا من دول العالم التالت
ثانيا اخر حاجه بنفكر فيها سلامه الشعب
ثالثا ربنا يعوض عليه

**mahmoud_afifi** · 22-09-2010 11:58 PM

المشاركة الأصلية كتبت بواسطة mohamed hamed

اه يمان عندك حق التسعين المفروض يتسفلت من جديد هو دولقتى من اول المصروايه لغايه نص الجامعه الامريكيه جميل جدا
لكن من اول التسعين لغايه ملف الرحاب وهو زباله وانا راكب بحس انى فى ملاهى العربيه تطير وتنزل غير الخفر الصغيره مش عارف هنظف بقى مكان راقى وسكنا ومفيش اى جديد نعمل ايه طيب ؟!

اه والله على رأيك , يعني نسكن فين عشان نلاقي طرق نضيفه ؟

المشاركة الأصلية كتبت بواسطة tamerhassan

اولا احنا من دول العالم التالت
ثانيا اخر حاجه بنفكر فيها سلامه الشعب
ثالثا ربنا يعوض عليه

في دول كتير من العالم التالت بس احسن مننا ويهمهم منظر بلدهم يبقى احسن حاجه. ويبقى المواطن بتاعهم مايساويش تعريفه ويتنطط علينا عشان حكومته مفهماه انه راجل ذو قيمة.

ربنا يعوض عليه وعلينا :)