الموضوع: ما رائيك بشراء ارض فى مدينة الشروق ؟

المشاركة الأصلية كتبت بواسطة vbulletin

انا عارف وشفت حاجات زى كدة حصلت كتير لكن الزمن بيتغير ويعالم بكرة مخبى اية

وكمان عرفت واحد اشترى ارض وبعد عشر سنين لسة هيا هيا سعرها
ودة الى يخوف لان انت متتضمنش العمران يسير على فين مع احتياج الناس بس احنا بنحكم على الواقع الى احنا فية

والمعادى مشهور ة ومعروفة لانها فى وسط القاهرة ودة الميزة فلو كانت من كام سنة ببلاش اكيد الى اشتراها عارف انها هاتجبلة لانها فى المدينة مش برة المدينة

لكن لو الواحد خرج برة لازم يعرف انة الاحسن والافضل عشان ميرجعش يندم المشكلة انا شايف الناس الى مش عاجبها الشروق اكتر من الناس الى مش عاجبها العبور

واحب اوجة لنقطة ان فية فرق لما تشترى ارض وتصبر عليها من 3 الى 5 سنين ومن ارض سيبها 10 سنين

ياباشا اللى انتقد المدينتين ميعرفش حاجة فيهم كويس وتعالى شوف الأراضي في العبور دلوقتي بقت تتعد علي الصوابع وفي احياء مافيهاش اراضي اصلا كمان الأراضي في المدن الجديدة مينفعش تخليها بال3 وال5 سنين لأنك مربوط بمهلة للبناء صحيح الشروق عيبها ان النمو فيها بطيء يمكن علشان منطقة سكنية بس مش زي العبور بس مسيرها تعمر ...امال ال82مليون مواطن وكل يوم بيزيدوا دول هيسكنوا فين بعد كده.

الشروق مش وجشة لو مش غارقة معاك مسئلة البعد اما غير كدا
فكون انها مش عمرانة قوي زي باقي المدن انا شايف دي ميزة مش عيب لانها منطقة هادية وكدا ولا كدا هتتعمر مال بقا اللي ساكنين في بدر و هليوبوليس الجديدة يعملوا ايه

السلام عليكم ,

انا ساكن من سنتين فى الشروق و مرتاح جدا الحمد الله و المدينة هاديه و جوها نضيف جدا و كلها عائلات عشان مفهاش منطقة صناعية أما بخصوص شراء أرض فى مناطق فى الشروق عمرانة و سهل تبيع فيها الشقق لو انت عاوز تستثمر زى المنطقة اللى عند نادى هليوبلس و الجامعة الفرنسية و عند الجهاز , بالنسبة للعبور برضة مدينة كويسة و الحركة فيها اسرع عشان فيها منطقة صناعية و دة اللى بيعمل كثافة سكانية عاليه عن مدينة الشروق , العبور انا كنت متضايق من حاجة واحدة ان مدخلها الرئيسى من طريق الاسماعيلية و الطريق بيكون مقفول من الساعة 3.5 لحد 7 مساء بسبب كمية العربيات اللى نازلة من العاشر من رمضان و الزحمة الرهيبة اللى عند موقف العاشر .

عموما عشان تاخد قرار صح لازم تنزل الاتنين و تلف فيهم كتير و تحدد الاول انت عاوز ايه سكن عائلى ولا استثمار و ربنا يكرمك بالاختيار الصحيح

لو عاوزين أسعار الاراضى فى الشروق لازم تسألوا فى الجهاز خصوصا انهم من حوالى اسبوعين كانوا عاملين اعلان فى الشروق و منزلين أراضى لكافة الاستخدامات يعنى جزء سكنى و جزء ترفيهى